தமிழுக்கும் அமுதென்று பேர்...
தமிழ் இன்பத் தமிழ்எங்கள் உயிருக்கு நேர்
தமிழுக்கு நிலவென்று பேர்! - இன்பத்
தமிழ் எங்கள் சமுகத்தின் விளைவுக்கு நீர்
தமிழுக்கு மணமென்று பேர்! - இன்பத்
தமிழ் எங்கள் வாழ்வுக்கு நிருமித்த ஊர்
தமிழுக்கு மதுவென்று பேர்! - இன்பத்
தமிழ் எங்கள் உரிமைச்செம் பயிருக்கு வேர்!
(தமிழுக்கும் அமுதென்று)
தமிழ் எங்கள் இளமைக்குப் பால் - இன்பத்
தமிழ் நல்ல புகழ்மிக்க புலவர்க்கு வேல்
தமிழ் எங்கள் உயர்வுக்கு வான்! - இன்பத்
தமிழ் எங்கள் அசதிக்குச் சுடர்தந்த தேன்
தமிழ் எங்கள் அறிவுக்குத் தோள்! - இன்பத்
தமிழ் எங்கள் கவிதைக்கு வயிரத்தின் வாள்
தமிழ் எங்கள் பிறவிக்குத் தாய்! - இன்பத்
தமிழ் எங்கள் வளமிக்க உளமுற்ற தீ!
(தமிழுக்கும் அமுதென்று)
- பாவேந்தர் பாரதிதாசனார்.
posted by பாரதிய நவீன இளவரசன் @ 11:54 AM
3 Comments:
உங்களுக்கும் இனிய தமிழ் புத்தாண்டு நல் வாழ்த்துக்கள் :)
பாவேந்தரின் நினைவு நாளொட்டி இந்தப் பாடலைத் தங்கள் தளத்தில் கண்டது
மகிழ்ச்சியாய் இருந்தது.
அன்புடன்
நாக.இளங்கோவன்
வருகைக்கு நன்றி தூயா அவர்களே, நாக.இளங்கோவன் அவர்களே.
Post a Comment
<< Home