பாரதிய நவீன இளவரசன்

நானும் இலங்கைத் தமிழனும் நீங்களும்...

2009-01-15T14:00:00.006+03:00

அனைவருக்கும் தமிழர் திருநாள் வாழ்த்துகள்.
ஒரு நாள் தாமதமாக இதைச் சொன்னாலும் ஒன்றும் குறைந்து விடாது.

"வீட்டில் ''எழவு' விழுந்திருக்கும்போது பண்டிகைகள் கொண்டாடுவது பற்றி யோசிப்பீர்களா?" என்று என்னுடன் பணிபுரியும் நண்பர் ஒருவர் என்னைக் கேட்டார். அவர் எதைப் பற்றி பேச வருகிறார் என்பதைப் புரிந்துகொண்ட நான், "Google-Earthல் உங்கள் மகள் படித்துக்கொண்டிருக்கும் பள்ளிக்கூடத்தைப் பார்க்க வேண்டுமென்று சொன்னீர்களே, காண்பிக்கிறேன் வாருங்கள்" எனப் பேச்சைத் திசைதிருப்பி அந்த மட்டக்களப்பு நண்பரை என் கணினிப் பக்கம் அழைத்துச் சென்றேன்.

***

"நீங்கள்

எந்த சாதிக்காரராக வேண்டுமானாலும் இருந்துவிட்டுப் போங்கள்

எந்த மதத்துக்காரராக வேண்டுமானாலும் இருந்துவிட்டுப் போங்கள்

எந்த நாட்டவராக வேண்டுமானாலும் இருந்துவிட்டுப் போங்கள்

எந்த கட்சிக்காரராக வேண்டுமானாலும் இருந்துவிட்டுப் போங்கள்

எந்த சினிமா நடிகரின் ரசிகராக வேண்டுமானாலும் இருந்துவிட்டுப் போங்கள்

எந்த தொழிலில் வேண்டுமானாலும் இருந்துவிட்டுப் போங்கள்

ஆனால்,

இலங்கையில் நடைபெறும் இனப்படுகொலைக்கு எதிராக குரல்கொடுக்கத் தயங்காதீர்..."

இப்படியான ஒரு மின்னஞ்சலை நேற்று காலை 'பொங்கல் வாழ்த்தோடு' இணைத்து அனுப்பியிருந்தார் என் தூரத்து உறவினர் ஒருவர்.

இலங்கைத் தமிழர்பால் என்ன இவருக்கு திடீர் அக்கறையென நான் வியந்துமுடிப்பதற்குள்... அவரிடமிருந்து வந்தது மற்றுமொரு மின்னஞ்சல்.

"மன்னிக்க வேண்டும் நண்பர்களே...

பொங்கல் வாழ்த்து சொல்லும் நல்லெண்ணத்தில்தான், எனக்கு வந்த ஒரு மின்னஞ்சலை உங்களுக்கெல்லாம் அனுப்பினேன். ஆனால், அதில் இருந்த 'யெல்டீட்டி மேட்டர்' என் கண்ணில் படாததால், உங்களுக்கு அதையும் தவறுதலாகச் சேர்த்து அனுப்பிவிட்டேன்.. மன்னிக்கவும்" என்றார்.

அலுவலக வேலையில் மூழ்கியிருந்தமையால் அவருக்கு காரசாரமான ஒரு பதிலை உடனடியாக எழுத இயலவில்லை. இன்று காலை, சாவகாசமாக உட்கார்ந்து நீண்டதொரு மடலை அவருக்காக எழுதிக்கொண்டிருக்கும் போதுதான் நினைவுக்கு வந்தது - அட ஆட்சியாளர்கள் எப்படியோ, அவ்வழிதானே மக்களும் இருப்பார்களென்று. திருமங்கலம் தேர்தல் ஒரு திருவிழா போலவே நடந்து முடிந்துவிட்டது. காவிரி, முல்லைப்பெரியார் பிரச்சினையானாலும், ஈழத்தமிழர் பிரச்சினையானாலும், தேர்தல் இல்லாத காலங்களில் மட்டும்தானே வாய்கிழிய நாம் பேசுவோம் என்பதும் மறந்துபோனது.

என்னவோ... இத்தருணத்தில், வலைப்பதிவாளர் கணவான்களாகிய நாம், நம் தரப்பில் நாம் என்ன செய்யமுடியும்?

அதிகம் பேசாமல் ஒரு காரியம் செய்யலாம்...

மேலே காணும் பட்டையை போல் ஒன்றினை நம் வலைப்பதிவில் ஏற்றலாம்..

அல்லது Stop War on Tamils என்ற தலைப்பில் 'பட்டை தயாரிப்பு போட்டி' ஒன்றினை நடத்தலாம்.

வலைப் பண்பு, இணைய ஒழுங்கு நெறி மற்றும் Laughing Out Loud

2008-07-15T15:33:00.007+03:00

இணையத்தில் அளவளாவிக் கொண்டிருக்கும்போது (அதாங்க... chatting பண்ணிக்கிட்டு இருக்கும்போது) எதிராளியிடமிருந்து அவ்வப்போது வந்து விழும் ‘lol’ போன்ற வார்த்தைகளுக்கே கூட எனக்கு நீண்ட நாட்களாக பொருள் புரியாமலிருந்தது. ‘lol’ என்ற வார்த்தைக்கு தமிழில் ‘லொள்(ளு)’ என்றே பொருள் கொண்டிருந்தேன் என்றால், ROFL, ROFLMAO போன்றவைகளுக்கு என்னவென்று பொருள்கொண்டிருப்பேன் என்று உங்கள் யூகத்திற்கே விட்டுவிடுகிறேன்.

இதுபோன்றே நான் கண்டறியாத கேட்டறியாத பல பெயர்க்குறுக்கங்களும் சொற்சுருக்கங்களும் (acronyms and abbreviations) தவிர, சுருங்கி வழங்கப்பெறும் சொற்றொடர்களும் (phrases) கூட எனக்கு ஆச்சரியத்தையும், பொருள் விளங்காமையினால் சற்றே குழப்பத்தையும் தந்தது. இவைகளெல்லாம் பெரும்பாலும் வட அமெரிக்க வழக்கிலுள்ள திருத்தமற்ற பேச்சுவார்த்தைகளாகவே இருந்தாலும், இவற்றின் பயன்பாடு இன்று வெறும் மின்னஞ்சல்கள் மற்றும் அளவளாவுதல்களைத் தாண்டி நமது ஆங்கில இணைய குழுக்களில் காணும் பல பதிவுகளிலும், பிற வலைப்பதிவுகளிலும் கூட அண்மைக்காலமாக பரவிவருவதைக் காண நேரிடும்போது, இவைகளை பின்பற்றுவதுதான் இன்று இணைய ஒழுங்கு நெறியோ என ஐயுறும் நிலைக்கு என்னைத் தள்ளியுள்ளது. இவ்வார்த்தைகளைப் பின்பற்றாதவர்களை 'கிமுவில் பிறந்தவர்களாக' கருதும் தங்கிலீஷ் ஹிங்லீஷ் பேர்வழிகள் நிறையபேர் இணையம் நெடுகிலும் எதிர்படத்தான் செய்கிறார்கள். ஆக, 'வலைப்பண்பு' என்பதும் இடத்துக்கு இடம் மாறுபடுகின்ற விஷயங்களில் ஒன்றாகிவிட்டதுபோல் தோன்றுகிறது.

இவை பல காலங்களாக புழக்கத்திலிருக்கலாம். உங்களில் பலருக்கு இந்த விஷயங்கள் ஏற்கனவே தெரிந்திருக்கலாம். எனக்கு என்னமோ சமீபகாலத்தில்தான் தெரியவந்தது. இருந்தாலும், chattingல் என் போல யாரும் திருதிரு என்று முழிக்கக்கூடாது இல்லையா.. அவர்களுக்காகவாவது இவை பயன்படட்டும் என இந்தப் பட்டியலைப் பகிர்ந்துகொள்கிறேன்.

AFAIC As far as I'm concerned
AFAIK As far as I know
AFK Away from keyboard
BRB Be right back
BTDT Been there, done that
BTW By the way
C/C Comments and criticism
EOM End of message
FTFY Fixed that for you
FTW For the win
FWIW For what it's worth
HTH Hope this helps
IANAL I am not a lawyer
IIRC If I recall correctly
IMHO In my humble opinion
IMNSHO In my not so humble opinion
IMO In my opinion
IOW In other words
LFG Looking for group, usually used in MMORPGs
LMAO Laughing my ass off
LOL Laughing out loud
MOTAS Member of the appropriate sex
MOTOS Member of the opposite sex
MOTSS Member of the same sex
NG Newsgroup
NT No text
OMG Oh my God
OTOH On the other hand
PM Private Message
RL Real Life, as opposed to the Internet
ROFL Rolling on the floor laughing
ROFLMAO Rolling on the floor laughing my ass off
RTFM Read The Fine Manual.
SO Significant Other (used to refer to someone's romantic partner without making any assumptions about gender or legal status)
TLA Three letter acronym
TTFN Ta ta for now
TTYL Talk to you later
W/E Whatever
w00t An expression of joy
WFN Wrong forum, noob
WTF What the heck
WYSIWYG What you see is what you get
YMMH You might mean here
YMMV Your mileage may vary
{g} Grin
{BG} Big grin

இதுதவிர, உறையாடல்களினூடே வெளிப்படுத்தும் உணர்ச்சிகளை குறிக்கும் Emoticons (உணர்வுருக்கள்) சில:

:) or :-) Happy (This was a joke.)
;) or ;-) Happily winking (I'm pulling your leg.)
:P or :-P Sticking out tongue ("Nyahh" or "Bleh")
:D or :-D Open-mouthed grin (I'm delighted!)
:( or :-( Unhappy (I'm sad about this.)
:~( Crying (I'm VERY sad about this.)
:- Unemotional (I'm less than thrilled.)
>:-( Very unhappy (I'm upset!)
8-) Wide-eyed happiness (This surprised me.)
:-O Shouting (I'm yelling, and likely upset!)
8-O Wide-eyed shouting (I'm even more upset!)
>8-O Mad wide-eyed shouting (Now I'm really angry!)
- Asleep (Zzzzzz... )
==:-) Silly (I'm Abraham Lincoln {top hat})

இணைய உறையாடலில் அறிமுகமாகும் வார்த்தைகளுக்கு அருஞ்சொற்பொருள் அறிய சொடுக்குங்கள் இங்கே

உங்களுக்கு, எவையேனும் புதிய வார்த்தையாய் படுகிறதா..? சொடுக்குங்கள் இங்கே.. விளக்கம் கிடைக்கலாம்

Sourav Ganguly (சவ்ரவ் கங்குலி)

2008-05-26T11:13:00.005+03:00

Kings XI vs Knight Riders on 25th May 2008

Though Umar Gul was the natural choice for his all round performance, it was Ganguly who captured my mind.

Saurav Ganguly through his earlier innings of 91 in 57 balls against Deccan chargers silenced his critics who raised doubts about his ageing.

And his yesterday’s innings of 86 of 53 balls studded with 6 fours & 6 sixes seems to be the best innings so far in any T20 game as far as a captain's knock is concerned. Inspite of regular fall of wickets and mounting pressure of the required run rate, the captain's concentration remained sustained and his determination to win underlined his high-running-spirits. The competitive spirit in Ganguly saw him to stand firmly at one end till the last over of the match to guide his team's victory.

When I sat to see the match, the knight riders were riding too low with 6 wickets already fallen and with a daunting task as only 4 overs were left.

Sure, it was the best captain’s knock that we have ever seen in this IPL tournament.
In fact, some time back I was also wondering like - what captaincy has got to do in a Twenty20 game; was it not the individual performances that change the course of matches?

I am not sure how many captains would have read Mike Brearley’s book 'Art of Captaincy' and what amount of knowledge it could offer today for a captain in a Twenty20 side. Nevertheless, everyone is aware that temperament and the ability to manage men are essential qualities for any captain, and in any game for that matter. Apart from possessing the man-management skill, the captain has also to be a thinker, a tactician, a good communicator, etc. But in IPL matches, with the likes of Shah Rukh Khans and other business franchises keeping pressure on the captain and the players, I don’t think any of these Twenty20 captains have major say in team composition and decision making.

However, what I note from the game the way it is played nowadays is - a player, in order to qualify for the captaincy should have expertise in at least one area of the game. The player has really to be outstanding in performance either with bat, ball or fielding or wicket keeping - based on this strength alone he can lead the team from the front. And here is where, Saurav scores!

Saurav, might have failed on some areas, or may be, he is not given the freedom that a captain deserves, however, Saurav's batting prowess and his match winning ability make him an attacking captain. This killer instinct is what our Indian captain needs; and Saurav alone seem to possess this quality.

Click for more info: Sourav Ganguly - Wikipedia

தோஹா - தமிழ் புத்தாண்டு கொண்டாட்டம் - திண்டுக்கல் லியோனி

2008-04-17T10:49:00.006+03:00

தமிழ் புத்தாண்டை முன்னிட்டு, தோஹாவில் நாளை (சர்வதாரி வருடம், சித்திரைத் திங்கள், 6ஆம் நாள்) நிகழவிருக்கும் திண்டுக்கல் லியோனி குழுவினரின் நகைச்சுவைப் பட்டிமன்றத்தைக் காணும் பொருட்டு எங்கள் பகுதியிலிருந்து மட்டுமே பல சிறப்புப் பேருந்துகள் ஏற்பாடு செய்யப்பட்டிருக்கிறது எனக்கு லேசான ஆச்சரியமாகத்தான் இருந்தது. ஆங்காங்கே தீவு போல் தனித்தனியாகவும், சிறு குழுக்களாகவும் இருக்கும் இங்குள்ள இந்திய மற்றும் இலங்கைத் தமிழர்களை கத்தார் தமிழர் சங்கம் ஏற்பாடு செய்யும் இதுபோன்ற நிகழ்ச்சிகள்தான் ஒன்று சேர்க்கிறது என்பது மீண்டும் உறுதியாகிறது.

'கத்தார் வலைப்பதிவர்கள் யாரேனும் கண்ணில் படுகிறார்களா என்று பார்ப்போம்' என்றே நானும் நிகழ்ச்சிக்கு செல்வதாக உத்தேசித்துள்ளேன். பார்ப்போம்.

கவனத்தை ஈர்த்த ஒரு கவிதை

2008-04-10T13:48:00.006+03:00

பாவண்ணன் எழுதிய இந்தக் கவிதையை நான் ஒரு பன்னிரண்டு வருடங்களுக்கு முன்பாக 'கணையாழி' இதழிலோ, 'புதிய பார்வை' இதழிலோ வாசித்த நியாபகம். என் மனதில் என்றும் நிலைத்திருக்கும் சில கவிதைகளில் ஒன்றான இந்த 'எளிய பதிலைத் தேடி' என்ற இக்கவிதை, நண்பர் ஒருவரின் மூலமாக மீண்டும் ஒருமுறை வாசிக்கும் வாய்ப்பு கிட்டியது.

எளிய பதிலைத் தேடி

நண்பரின் குழந்தைக்கு முதல் பிறந்தநாள்
நேற்று நடந்தது
மாலை விருந்துக்கு
நாங்கள் சென்றிருந்தோம்
எல்லாரையும் போல குழந்தையின் கன்னத்தை நாங்களும் கிள்ளினோம்
கனிவுடன் ஒரு முத்தம் தந்தாள் என்மனைவி
அதன் பிஞ்சு விரல்களோடு
என் மகனின் விரல்களைச் சேர்த்துகுலுக்கச் செய்தோம்
கலைநிகழ்ச்சியில் ஆடத்தயங்கி
நாணத்தால் சிவந்த என் மகனைப் பற்றி
சில வார்த்தைகளைச் சொன்னோம்
கூடம் முழுக்க
முப்பதுநாற்பது குழந்தைகள்
புத்தாடைக்குள்ளே
அழகாக இருந்தன அவர்கள் முகங்கள்

விருந்துக்கப்புறம்
நடந்தபடியே திரும்பத் தொடங்கினோம்
எதுவும் பேசாமல்
என் தோளில் கிடந்தான் மகன்
என்னடா என்னடா என்றேன்
தன் பிறந்தநாளைக் கொண்டாடாதது ஏன் என
மெல்லிய குரலில் கேட்டான்
மடேரெனத் தாக்கியது அக்கேள்வி
ஒரு பெரும்பாய்ச்சலுடன்
மனசிலெழும் பல விடைகளை
அவன் முன் வைக்க முடியவில்லை
எளிய கேள்விக்கு ஈடாகச் சொல்ல
கைவசமில்லை எளிய பதில்.

பாவண்ணன் எழுதிய பல கவிதைகள் திண்ணையில் காணக்கிடைக்கின்றன. நல்ல கவிதையின் ஆதரவாளர்களே.. இதோ இங்கே சொடுக்குங்கள்

தோஹா ஆசிய திரைப்படவிழா - நாயின் நிழலிலே

2008-03-25T10:49:00.004+03:00

சீரியஸ் சினிமா (கலைப்படம், parallel cinema என்று எல்லாம் இப்போது சொல்லப்படுவதில்லை) ரசிகர்களுக்கு அண்மையில் தோஹாவில் நல்ல தீனி கிடைத்தது. ப்ரவாசி மற்றும் இந்திய தூதரகம் இணைந்து வழங்கிய ஆசிய திரைப்படவிழாவில் நான்கு முறை தங்கத் தாமரை விருது பெற்ற இயக்குனரான கிரீஷ் காசரவல்லி அவர்களின் ‘நாயி நிரலு’ என்ற கன்னடப் படத்தினை நேற்று (23-மார்ச் 2008) காண வாய்த்தது.

அரசாங்கத்தின் ஆதரவு இல்லை; வெகுஜன மக்களின் கவனமும் இல்லை எனலாம். இந்தியாவிற்கு வெளியில், இந்திய சினிமா என்றாலே பாலிவுட் படங்கள்தான் என்றாகி பல வருடங்கள் ஆகிவிட்டது வேதனைக்குரிய விஷயம். ஷாருக்கான், ஐஸ்வர்யா ராய் இவர்கள் மட்டும்தான் இந்திய சினிமாவின் இலட்சணங்களா? அமெரிக்காவிலும், ஐரோப்பாவிலும் பாலிவுட்டிற்கு நல்ல சந்தை இருப்பதாகச் செய்திகள் வரும்போது இந்தியன் என்ற ரீதியில் பெருமைப்பட்டாலும், அந்த பாலுவுட் படங்கள் இந்திய சமூகத்தில் நிலவும் யதார்த்தத்தை எள்ளளவும் பிரதிபலிக்காததை கண்டு வருத்தப்படவும்தான் வேண்டியிருக்கிறது.

‘இந்திய சினிமாவைப் பற்றி பேசவேண்டும் என்றால், முதலில் நீங்கள் பாலிவுட்டை மறக்க வேண்டும். அஸ்ஸாமிலோ, மணிப்பூரிலோ, ஒரிசாவிலோ, வங்காளத்திலோ நடைபெருவனவை பாலிவுட் கதைக் களத்தில் இடம்பிடிக்கிறதா என்ன? பிராந்திய மொழிகள்தான் இந்தியாவின் உண்மையான யதார்த்த நிலைகளையும், இந்தியாவின் பன்மைக் கலாச்சாரப் படிமங்களையும் பிரதிபலிக்கின்றன’ என்று கன்னட திரைப்பட இயக்குனர் கிரீஷ் காசரவல்லி நேற்று தோஹா திரையரங்க வளாகத்தில் அவரை சுற்றி நின்று கொண்டிருந்த எங்களிடம் சொன்னது என்னவோ வாஸ்தவம்தான்.

இன்று இந்தியாவில் ஏறத்தாழ வருடத்திற்கு 800 படங்களை எடுக்கிறோம். அதில் ஒரு பத்து பதினைந்து சீரியஸ் படங்கள் தேருமா? அவற்றில் எத்தனை படங்களுக்கு அரசாங்கம் அங்கீகாரம் கொடுத்து ஆதரிக்கிறது? எத்தனை படங்கள் மக்களைப் போய் சேர்கிறது? அப்படியே எடுக்கப் பட்டாலும் சர்வதேச திரைப்பட விழாக்களில் மட்டுமே திரையிட முடிகிறது. சில படங்களுக்கு அந்த வாய்ப்பும் கூட இல்லாமல் போய்விடுகிறது.

***
நாயி நிரலு (Nayi Neralu)
இயக்கம்: கிரிஷ் காசரவல்லி (Girish Kasaravalli)

கடந்த நூற்றாண்டின் முற்பகுதியிலுள்ள தென் கர்நாடக கிராமப்புறம், நிலப்பிரபுத்துவ சூழல், பழமைவாத பிராமண சமூக மூடநம்பிக்கைகள், இளம் விதவை, சடங்குகள், சம்பிரதாயங்கள், முடநம்பிக்கைகள், மூன்று தலைமுறையைச் சேர்ந்த பெண் கதாபாத்திரங்கள், பூர்வ ஜென்ம நியாபகங்கள் பற்றிய கருத்து மற்றும் கருத்து-மறுப்பு... இவற்றையெல்லாம் இழைத்து பின்னப்பட்ட டாக்டர் கே.எல். பைரப்பா அவர்களின் நாவலைத் தழுவி கிரீஷ் காசரவல்லி எடுத்த படம் தான் நாயி நிரலு என்ற கன்னடப் படம்.

நாயி நிரலு என்றால் நாயின் நிழலிலே (In the shadow of dog)... படத்தில் நாயும் கிடையாது, நிழலும் கிடையாது. மகாபாரத காவிய இறுதிக்காட்சியில் யுதிஷ்டிரன் நாயுடன் சொர்க்கம் புகுகிறான். யுதிஷ்டிரன் உயிருடன் இருந்த காலகட்டத்தில் செய்த பாவ புண்ணியங்களைத்தான் நாய் அங்கு உருவகப்படுத்துகிறது. இந்த நாயின் நிழலில் படத்திலும், கதாநாயகி வேங்கடலக்ஷ்மியின் நல்லதும், நல்லன அல்லாததுமான காரியங்களாகக் கருதப்படும் செயல்பாடுகளையே படத்தின் தலைப்பு உணர்த்துவதாக எண்ணவேண்டியிருக்கிறது.

வயதான பெரியவர் அச்சனையா மற்றும் அவரது துணைவியார் நாகலட்சுமி, கூடவே விதவை மருமகள் வேங்கடலட்சுமி மற்றும் மைசூரில் மாமன் வீட்டில் தங்கிப்படிக்கும் 20 வயது பேத்தி ராஜலட்சுமி என்ற நால்வர் அடங்கிய ஆச்சாரமான குடும்பத்தில் இதமான தென்றலாக ஐந்தாவதாக நுழைகிறான் புதியவனான இளைஞன் விஷ்வா.

விஷ்வாவிற்கு என்னமோ ராஜலட்சுமி வயசுதான் இருக்கும். இருந்தும், 20 வருடத்திற்கு முன்பு இறந்துபோன மகன் மீண்டும் பிறவி எடுத்து வந்திருக்கிறான் என்று அச்சனைய்யாவை நம்பச் சொல்கிறார் அவர் நண்பர் புட்டாராம். மகனின் மறுபிறவி பற்றி பெரியவர் அச்சனைய்யா நம்பவில்லை. எனினும், ஆர்வம் காட்டாமல் இருக்கமுடியவில்லை அவரால். மனதிற்குள் ஒரு நப்பாசை - ஒருவேளை அந்த புதியவன் தன் மகனாகவே இருக்குமோவென்று. அச்சனைய்யா அந்த இளைஞனிற்கு சில சோதனைகள் வைக்கிறார். பூர்வ ஜென்ம நியாபகங்களை துல்லியமாக இல்லாவிட்டாலும், ஓரளவிற்கு நினைவுகூறும் விஷ்வாவினை மகனின் மறுபிறவியாக முழுமனதோடு அச்சனைய்யா ஏற்றுக்கொள்ளவில்லை. ஆனால் நாகலட்சுமி.யோ, விஷ்வாதான் இறந்து போன தனது மகனின் மறுபிறவி என தீர்க்கமாக நம்புகிறார். அதோடு விதவை மருமகள் வேங்கடலட்சுமியையும் நம்பச்சொல்கிறார். மனைவியின் உடல்நலத்தைக் கருத்தில் கொண்டு விஷ்வாவை வீட்டில் அனுமதித்த பெரியவர் அச்சனைய்யாவிற்கு தர்ம சங்கடமாய் போய்விடுகிறது.

விஷ்வாவின் வரவு நாகலட்சுமியின் வாழ்கையில் நல்ல மாறுதலை ஏற்படுத்துகிறது. ஆரம்பக் காட்சியில் சீக்காளியாக இருந்த நாகலட்சுமி, மகன் வந்த பரபரப்பில் புது தெம்போடு வேலை செய்கிறார். இருபது வருடங்களுக்கு முன்னர் இறந்துபோன மகன் மீண்டும் பிறவி எடுத்து புது அவதாரமாக வந்து இருக்கிறானென்று நாகலட்சுமி, விஷ்வாவிற்கு பிடித்த பதார்த்தங்களையெல்லாம் பண்ணிப்போடுகிறார்.

அச்சனைய்யாவிற்கு மனைவி நாகலட்சுமியிடம் காணப்படும் இந்த மாறுதல் ஒருவிதத்தில் மகிழ்ச்சியைத் தந்தாலும், விஷ்வாவின் வரவு விதவை மருமகளிடமும் மாறுதலை ஏற்படுத்துவதைக் கண்டு சற்று கவலைப்படவே செய்கிறார்.

கிட்டத்தட்ட 20 ஆண்டுகளாக விதவையாக இருந்துவரும் வேங்கடலட்சுமிக்கு தன்னைவிட மிகவும் இளையவனான விஷ்வாவை தன் கணவனின் மறுபிறவியாக ஏற்றுக்கொள்ள மனமில்லை. ஒரு கட்டத்தில் ஊரில் பலரும் விஷ்வாதான் மறுபிறவி என்று நம்பிவிடுகின்றனர். வேங்கடலட்சுமியும் அவ்வாறு நம்ப வற்புறுத்தப்படுகிறாள். அதுவரை விதவைகளுக்கே விதிக்கப்பட்ட சிகப்புப் புடவையை (தென் கர்நாடக பிராமண வழக்கமோ?!) உடுத்தி வீட்டில் ஓரமாக இருந்த வேங்கடலட்சுமியின் கையில் வண்ணப்புடவையையும், நகைகளையும் வலுக்கட்டாயமாகத் திணிக்கிறாள் மாமியார் நாகலட்சுமி - புதிதாக புனர்ஜென்மமெடுத்து வந்த மகனை மகிழ்விக்க சுமங்கலியாக வந்து விஷ்வாமுன் நிற்கும்படி கெஞ்சுகிறாள். மாமியாரின் வற்புறுத்தல் ஒரு கட்டத்தில் தவிர்க்க முடியாமற்போக விதவைக்கோலத்தைத் தாற்காலிகமாகத் துறக்கிறாள். இருந்தும் விஷ்வாவை மனதளவில் தன் இறந்த கணவனின் மறுபிறப்பாக ஏற்றுக்கொள்ளாவிட்டாலும், புதிய இளைஞன் விஷ்வாவின் கனிவான உபசாரங்களால், வேங்கடலட்சுமி கவரப்படுகிறாள்.

20 வருட விதவை வாழ்க்கையில் வேங்கடலட்சுமிக்கு வாய்த்ததெல்லாம் தரையில் படுக்கை, பத்திய சாப்பாடு, இரவு உபவாசம், அவ்வப்போது சவரம் செய்யப்படவேண்டிய தலை, சிகப்புப் புடவை, வாயில் முணுமுணுக்க ஸ்லோகங்கள் .. அவ்வளவுதான். வேங்கடலட்சுமியின் இந்த வரண்ட வாழ்கையிலும் விஷ்வாவினால் தென்றல் வீசத் துவங்குகிறது. அடுத்த காட்சியிலேயே, எதிர்பாராவிதமாக விஷ்வா மூலமாகத் வேங்கடலட்சுமி கருவுறும்படி சுழல் ஏற்பட குடும்பத்தில் புயல் வீச ஆரம்பிக்கிறது. மறுபிறவியில் துளிகூட நம்பிக்கையில்லாத மகள் ராஜலட்சுமி கோர்ட்டுக்குப்போக விஷ்வா சிறைக்குப்போகிறான்.

பழமையில் ஊறிப்போன மாமியாரும் சரி, மூடநம்பிக்கைகளுக்கு முனைப்புடன் எதிர்ப்புகாட்டும் மகளும் சரி.. இருவருமே தனது உணர்வுகளை புரிந்துகொள்ளாதது கண்டு வேங்கடலட்சுமி மனம் வருந்துகிறாள் - இப்படி முன்று தலைமுறைப் பெண்களை கிரீஷ் காசரவல்லி நம் கண் முன்பாக கொண்டுவந்து ஒரு பிரச்சனையை அணுகும் மூன்று கோணங்களைக் காட்டுகிறார். கதாபாத்திரங்கள் ஒவ்வொன்றும் அவரவர்கள் நிலையிலிருந்து பார்த்து தங்கள் செயல்களுக்கு நியாயங்கள் கற்பிப்பதைப் பார்க்கமுடிகிறது. இதுதான் சரி என்று பொதுவாக விதி ஒன்றும் கிடையாது என்பதுபோல வேங்கடலட்சுமி பேசுவது யதார்த்தம். அதேசமயம், கற்பு என்னும் ஒழுக்கநிலையும் கேள்விக்குறியாக்கப்படுகிறது. பலகாலம் புதைபட்டுக்கிடந்த உள்ளத்து உணர்வுகள் திடீரென்று பீறிட்டுக் கிளம்ப (அல்லது கிளப்பப்பட) மூடநம்பிக்கையுடன் சமரசம் செய்து தன் இச்சையை தீர்த்துக்கொள்ள நேரிடும் வேங்கடலட்சுமியின் இந்த செயலுக்கு அவளது நெருங்கிய தோழியான காயத்ரியைத் தவிர வேறு யாரும் வெளிப்படையாக ஆதரிக்கவோ நியாயம் கற்பிக்கவோ இல்லை. தன்னால் தான் இந்த நிலை உருவானது என்று எண்ணும் மாமனாரான பெரியவர் அச்சனைய்யா வேங்கடலட்சுமியின் உணர்வுகளைப் புரிந்து மதித்து நடந்துகொள்வது ஆறுதலான விஷயம்.

பழமையில் ஊறிய கிராமப்பெரியவர்களோ, விஷ்வாவை மறுபிறவியாக, அச்சனையா-நாகலட்சுமி தம்பதியினரின் மகனாக அங்கீகரித்தாலும், வேங்கடலட்சுமியின் கணவனாக ஏற்றுக்கொள்ள மட்டும் தயங்குகின்றனர். அதே தயக்கம், பழமையில் தோய்ந்த நாகலட்சுமியிடமும் இருப்பதைப் பார்க்கமுடிகிறது. விதவை மருமகள் கர்ப்பமாகிவிட்டாள் என்பது தெரிந்தவுடன், நாகலட்சுமி அவளை அறவே வெறுத்து, மீண்டும் விதவைக்கோலம் பூண நிர்பந்திக்கிறாள்.

தன் வயது ஒத்த புதியவனை தனது தந்தையின் ஸ்தானத்தில் வைத்துப் பார்க்க மறுக்கும் பேத்தி ராஜலட்சுமியோ, ‘மறுபிறவி, பூர்வ ஜென்ம நினைவுகள்’ எல்லாவற்றையும் புருடா என்றும், தனது தாயை ஏமாற்றி, சொத்தை அபகரிக்க விஷ்வா போடும் நாடகம் தான் எல்லாம் என்கிறாள்: தனது தாயின் அன்பு தனக்கு மட்டுமே இருக்க வேண்டும் என்ற possessiveness அவளிடம் காணப்பட்டாலும், தனது தாயின் செயல் மூலம் தனக்கு ஒரு புதிய சகோதரி ஸ்தானம் கிடைத்ததை மகிழ்சியுடன் ஏற்றுக்கொள்வது மனதுக்கு இதம் அளிக்கிறது. பூவும் பொட்டுமாய் புதிய வாழ்க்கையைத் துவக்கியிருக்கும் தாயினிடத்து அதே அன்பு பாராட்டும் நவீன பெண்மணியாக வரும் மகள் ராஜலட்சுமிதான் படத்தின் முற்போக்கு அம்சம். தனது தாய்க்கு விஷ்வா மூலமாகப் பிறந்த குழந்தைக்கு விளையாட்டு பொம்மை வாங்கித்தரும் காட்சி புதிய தலைமுறையை கவுரவப்படுத்தும் விதமாக உள்ளது.

***

கன்னட தொலைக்காட்சித் தொடர்களில் ஓரளவிற்குப் பிரபலமான பவித்ரா லோகேஷ் வேங்கடலட்சுமியாகவும், கிரீஷ் காசரவல்லியின் மகள் அனன்யா காசரவல்லி ராஜலட்சுமியாகவும் வாழ்ந்தே இருக்கிறார்கள் என்று சொல்லலாம். கதையின் முக்கிய கதாபாத்திரங்கள் எல்லாருமே மைய கன்னட வியாபரப் படங்களில் தோன்றுபவர்களல்லர் என்று நண்பர் மூலமாகத் தெரிந்து கொண்டேன்.

இந்த விழாவில் கன்னடத் படம் திரையிடுகிறார்கள் என்ற செய்தியை தோஹாவிலும், எனது நிறுவனத்திலும் பணிபுரியும் கன்னட நண்பர்களோடு மின்னஞ்சல் மூலமாகப் பகிர்ந்துகொண்டேனா, இது ‘ஆர்ட்’ படம், ‘அவார்ட்’ படம் என்று சொல்லி ஒருவரும் வரவில்லை!

திரையரங்கினுள் என் இரு நண்பர்களோடு நுழையும்போது விரல் விட்டு எண்ணக்கூடிய அளவில்தான் இருந்தது கூட்டம். ஆனால், படம் ஆரம்பிக்கும் சில வினாடிகளுக்கு முன் பார்த்தபோது, அரங்கம் ஏறத்தாழ நிறம்பியிருந்தது கத்தாரிலுள்ள ‘ப்ரவாசி’ என்னும் தன்னார்வ கலாச்சார அமைப்பு எடுத்துக் கொண்டுள்ள முயற்சிக்கு வெற்றி எனலாம்.

படம் முடிந்து வெளியே வந்தபோது, திரையரங்க வளாக வாயிலின் அருகே இயக்குனர் கிரீஷ் காசரவல்லியோடு படம் பற்றிய ஒரு சிறு appreciation நடத்திவிட்டு வீடு திரும்பினோம்.

Link: நாயி நிரலு படத்தின் அதிகாரபூர்வ வலைத்தளம் (click to see)

ரகுவரன் வயது 60?!

2008-03-20T07:34:00.010+03:00

"நடிகர் ரகுவரனா?! எப்போ..??"

"ஆமாம்! இப்பத்தான் எனக்கே தெரியும். என் மச்சான் தான் சொன்னான்"

"எப்படி?"

"கார்டியாக் அரெஸ்ட்டாம். 2 days அட்மிட் ஆயிருந்தார் போல. உனக்கே தெரியும் டிரக் அடிக்டாயிருந்தவரு; மது, மற்றும் பல கவலைகள். வயசு 60"

"என்ன உளர்ற.. வயசு 60ஆ?"

"நிஜமாப்பா. 1948ல பொறந்ததா விக்கீப்பீடியாவில காலைல பார்த்தேன்"

***
MEDIA COVERAGE:

BLOGGERS COVERAGE

Actor Raghuvaran turns 60 on death?!

ரகுவரன் மறைந்த செய்தியைப்போலவே அவரது வயது குறித்து பத்திரிக்கைகள் வெளியிட்ட செய்தியும் எனக்கு அதிர்ச்சியாய்த்தான் இருந்தது. பாருங்கள்... ஹிந்து, தினமலர், Deccan Herald, NDTV.com, Sify.com என்று பல பத்திரிக்கைகளும் வலைத்தளங்களும், 'இட்லிவடை', 'சற்றுமுன்' உள்ளிட்ட பல வலைப்பதிவுகளும், காலையில் கண்ட விக்கிப்பீடியாவும் ரகுவரனின் வயதை 60 ஆகவே குறிப்பிட்டுள்ளது. உண்மையில் ரகுவரன் 49 வயதே நிறைந்தவர் என்று மாலையில் ஒரு நண்பர் எனக்கு மெஸேஜ் அனுப்ப, நான் அவருக்கு பதில் சொல்ல இணையத்தை மீண்டும் அலசிபோது விக்கீப்பீடியா மட்டும் தன் தவற்றை திருத்திவிட்டிருந்தது

***

சத்யராஜிற்கு அடுத்தபடியாக வில்லன் கதாபாத்திரத்தில் நடித்து அதிக ரசிகர்களைக் கவர்ந்தவர் ரகுவரன்தான்.

ரகுவரனின் சொந்த வாழ்க்கை சோக வாழ்க்கையாக இருக்கலாம். ஆனால், அவர் திரையில் எத்தனை சிறிய கதாபாத்திரமானாலும், படத்தில் அவரது நுழைவுக் காட்சியில் ரசிகர்களது கைதட்டலுக்கு 100 சதவித கியாரண்டி கொடுக்கலாம்.

ஸ்ரீதர் மற்றும் மலையாள இயக்குனர் ஃபாசில் (பூவிழி வாசலிலே, என் பொம்முக்குட்டி அம்மாவிற்கு) தவிர வேறு எந்த இயக்குனர் சிகரங்களும் அவரது திறமையைப் பயன்படுத்திக் கொண்டதாகத் தெரியவில்லை எனக்கு. திறமைமிக்கக் கலைஞர்களை உற்சாகப்படுத்தும் பாலச்சந்தர், பாரதிராஜா, பாலுமகேந்திரா, மகேந்திரன் போன்ற இயக்குனர் சிகரங்களின் படங்களில், ஒரு காட்சியில்கூடத் தலைகாட்டாமலும் கமலஹாசனுடன் ஒரு படத்தில் கூட இணைந்து நடிக்காமலும், தமிழ் சினிமாவில் உலாவிய ஒரு சிறந்த திறமைமிக்க நடிகர் அநேகமாக ரகுவரன் ஒருவராகத்தான் இருப்பார். மணிரத்தினம் ‘அஞ்சலி’யில் மட்டும் வாய்ப்பு கொடுத்திருப்பார். அப்புறம் ஏன் அவரும் கைவிட்டுவிட்டார் என்று தெரியவில்லை.

***
ரகுவரன்-சுமலதா நடித்த பாடற்காட்சியான ‘தலையைக் குனியும் தாமரையே...” (SPபாலசுப்ரமணியன்) பாடலையோ அல்லது அதே படத்தில் இடம் பெற்ற ‘தென்றல் வந்து என்னைத் தொட்டது...’ (SN சுரேந்தர்) பாடலையோ ரகுவரனுக்கு அஞ்சலி செலுத்தும் விதத்தில்,
வலையேற்றுமாறு கானா பிரபா அவர்களை இந்தப் பதிவின் மூலமாகத் தாழ்மையுடன் கொள்கிறேன்.

***

Click below to read the recent article in The Hindu (22nd February 2008):
http://www.thehindu.com/fr/2008/02/22/stories/2008022250750100.htm

மகாசிவராத்திரி - அழைப்பிதழ் (ஈஷா யோகா பவுண்டேஷன்)

2008-03-06T08:11:00.004+03:00

***
மகாசிவராத்திரி அழைப்பிதழ் வீடியோ மற்றும் முந்தைய வருட மகாசிவராத்திரி விழா வீடியோ (click to see)

***
பூந்தமல்லி நெடுஞ்சாலையிலுள்ள சென்னை பச்சையப்பன் கல்லூரி வளாகத்தில் இன்று (6-மார்ச்) மாலை 6 மணி முதல் நாளை காலை 6 மணி வரை ஈஷா யோகா ஃபவுண்டேஷன் சார்பில் நடைபெறும் ஆனந்த பரவச நிகழ்ச்சிக்கு அனைவரையும் அழைக்கிறேன்.
***

ஒன்றானவன், உருவில் இரண்டானவன்,
உருவான செந்தமிழில் மூன்றானவன்,
நன்றான வேதத்தில் நான்கானவன்,
நமச்சிவாய என ஐந்தானவன்!

இன்பச் சுவைகளுக்குள் ஆறானவன்,
இன்னிசை ஸ்வரங்களில் ஏழானவன்,
சித்திக்கும் பொருள்களில் எட்டானவன்,
தித்திக்கும் நவரச வித்தானவன்!

பத்தானவன், நெஞ்சில் பற்றானவன்,
பன்னிருகை வேலவனைப் பெற்றானவன்,
முற்றாதவன் மூல முதலானவன்,
முன்னைக்கும் பின்னைக்கும் நடுவானவன்!

ஆணாகிப் பெண்ணாகி நின்றானவன்,
அவையொன்று தானென்று சொன்னானவன்,
தான்பாதி உமைபாதி கொண்டானவன்,
சரிபாதி பெண்மைக்குத் தந்தானவன்!

காற்றானவன், ஒளியானவன், நீரானவன், நெருப்பானவன்,
நேற்றாகி இன்றாகி எனறைக்கும் நிலையான
ஊற்றாகி நின்றானவன்
அன்பின் ஒளியாகி நின்றானவன்!

(கவியரசர் கண்ணதாசன் பாடல்)

***

சுஜாதா புகழ் அஞ்சலி - புகைப்படங்கள்

2008-03-03T08:34:00.006+03:00

நாரத கான சபாவில் நேற்று (2-பிப்ரவரி) மாலை 4:00க்கு நடைபெற்ற சுஜாதா புகழ் அஞ்சலி நிகழ்ச்சியில் நான் எடுத்த சில புகைப்படங்கள்.

கஸ்தூரி ரங்கன் (கணையாழி இதழ் நிறுவனர்)

சிவசங்கரி

கமல் ஹாசன்

சத்யராஜ்

கனிமொழி

தங்கர் பச்சான்

மதுரை புகைப்படங்கள்

2008-03-01T10:22:00.004+03:00

மீனாட்சியம்மன் கோயில் புகைப்படங்கள்

சுஜாதா

2008-02-28T05:44:00.003+03:00

சுஜாதாவும் முன்னாள் ஜனாதிபதி அப்துல் கலாமும் தோன்றும் புகைப்படம்.

காலை 7 மணி அளவில் (படுக்கையிலிருந்து எழ எத்தனித்த நேரத்தில்) பக்கத்து ஹால் டிவி, ஜெயா செய்திகளின் தலைப்புச் செய்திகளில் பிரபல எழுத்தாளர் மறைவு குறித்த செய்தியைச் சொல்லிக் கொண்டிருந்தது. அந்த எழுத்தாளர் யார் என்பது என் காதில் விழவில்லை. ஆதலால், ஹாலில் மேஜை மேலிருந்த ஹிந்து நாளிதழைப் புரட்ட வேண்டியதாயிற்று; பத்தாவது பக்கத்தில் கீழே சுஜாதாவின் புகைப்படத்தையும் போட்டு, செய்தி வெளியிட்டிருந்தார்கள் - 'Sujatha, prolific writer, dead' என்று. அதற்குள் ஜெயாவின் விரிவான செய்திகளில் சுஜாதா அவர்கள் மறைவு பற்றிய செய்தியும் வர, ஆழ்ந்த துக்கத்துக்குள்ளானேன்.

உடனே, கணினியை இயக்கி, இணையத்தில் மேல்விவரங்களுக்காக நான் தேட முற்பட்டது தேசிகனது இந்த வலைத்தளத்தையே (http://www.desikan.com/).

நேற்று இரவே (9.22 மணி, 27-பிப்ரவரி 2008) சுஜாதா அவர்கள் ஆச்சாரியான் திருவடியை அடைந்த செய்தியையும், அப்பதிவில் பலர் வெளியிட்டிருந்த இரங்கல் செய்தியையும் வாசித்து, எனது இரங்கலையும் தெரிவித்துவிட்டு, இந்தப் பதிவை எழுதுகிறேன்.

பெரிதாக ஒன்றும் சொல்வதற்கில்லை. இலட்சோபலட்சம் சுஜாதா ரசிகர்களில் நானும் ஒருவன். சுஜாதாவிடம் எனக்கு அதிகம் பிடித்தது எல்லோருக்கும் பிடித்த அவரது கதைசொல்லும் முறை; எளிமையாகவும் சுவாரசியமாகவும் இருக்கும் அவரது எழுத்து நடை.

ஒருமுறை எனது கல்லூரியில் 'எனக்குப் பிடித்த எழுத்தாளர்' என்ற தலைப்பில் மாணவர்களை எழுதச் சொன்னபோது, நான் சுஜாதாவின் கதைகளைப் பற்றி எழுதலானேன். ஆனந்தவிகடன், குமுதம் பத்திரிக்கையில் தொடர்கதைகளாக வந்த சுஜாதாவின் கதைகளான ப்ரியா, ரத்தம் ஒரே நிறம், கொலையுதிர் காலம், பிரிவோம் சந்திப்போம், வாய்மையே சிலசமயம் வெல்லும், விக்ரம், என் இனிய இயந்திரா, மீண்டும் ஜீனோ.... என்ற நீண்ட பட்டியலை, அருகில் வந்து எட்டிப்பார்த்த என் ஆசிரியர்.. "தம்பி, சுஜாதாவின் படைப்புகளிலேயே மிகவும் சிறப்பானது 'கரையெல்லாம் செண்பகப்பூ'. அதை நீ வாசிக்கவில்லையா?" என்று வினவியதோடு நிறுத்தாமல், சுஜாதாவின் சிறுகதைத் தொகுப்புகளையும், நாடகங்களையும் எனக்கு அறிமுகம் செய்து வைத்தார்.

அதுமுதல், சுஜாதாவின் எழுத்துக்களை, அவரது பேட்டிகளை, அவர் பற்றிய அவரது ரசிகரது எழுத்துக்களை நான் படிக்கத்தவரவில்லை. என் படிப்பார்வத்தை மேலும் பெருக்கிய எழுத்தாளர்களில் முதன்மையானவர் சுஜாதா.

அவருடைய பிரிவால் வாடும் அனைவருக்கும் என் ஆழ்ந்த இரங்கல்களைத் தெரிவித்துக் கொள்கிறேன். அவரது ஆன்மா சாந்தியடைய இறைவனை வேண்டுகிறேன்.

***

தனது 70ஆவது பிறந்த தினத்தை முன்னிட்டு 'கற்றதும் பெற்றதும்' பகுதியில் சுஜாதா அவர்கள் எழுதியது:

மே மாதம் மூன்றாம் தேதி, எனக்கு எழுபது வயது நிறைகிறது. இதற்கான அடையாளங்கள் என்ன என்று யோசித்துப் பார்க்கிறேன். மெரீனாவில் நடக்கும்போது எதிர்ப்படுபவர்கள் பெரும் பாலும் என்னைவிட சின்ன வயசுக்காரர்களாகத் தெரிகிறார்கள். ஒரு தாத்தா மாட்டினார். நிச்சயம் என்னைவிட மூத்தவர். சிமென்ட் பெஞ்சில், என் பக்கத்தில் வந்து உட்கார்ந்தார்.
"யு ஆர் எ ரைட்டர்! எனக்கு எத்தனை வயசு சொல்லுங்க, பார்க்கலாம்!" என்று கண் சிமிட்டலுடன் கேட்டார். நான் யோசித்து, ‘‘கட்டை விரலால் மூக்கைத் தொடுங்கோ" என்றேன்.

"எதுக்குப்பா?"

"தொடுங்களேன்!"

சற்று வியப்புடன் தொட்டார்.

"மத்த விரல்களை றெக்கை மாதிரி அசை யுங்கோ!" என்றேன். ‘‘இதிலிருந்து கண்டுபிடிச்சுட முடியுமா, என்ன?’Õ என்று, விரல்களைச் சொன்னபடி அசைத் தார்.

"ரெண்டு கையையும் பரப்பி, ஏரோப்ளேன் மாதிரி வெச்சுண்டு ஒரே ஒரு தடவை லேசா குதிங்கோ. பாத்து... பாத்து..."

"இது என்னப்பா ட்ரிக்கு?" என்று அப்படியே செய்தார்.

"உங்களுக்கு இந்த மே பன்னண்டு வந்தா எண்பத்தோரு வயசு!" என்றேன்.
அசந்து போய், "கை குடு. எப்படிப்பா இத்தனை கரெக்டா சொன்னே?"

"ஒரு ட்ரிக்கும் இல்லை, சார்! நேத்திக்குதான் இதே பெஞ்சில், இதே சமயம் வந்து உட்கார்ந்து, உங்க வயசு, பர்த்டே எல்லாம் சொன் னீங்க. மறந்துட் டீங்க!" என்றேன். தாத்தா மாதிரி அத்தனை மோசம் இல்லை என்றாலும், எனக்கும் சமீபத்திய ஞாபகங்கள் சற்றே பிசகுகின்றன. ஒரு அறையிலிருந்து மற்றொரு அறைக்குச் சென்றால், எதற்காக வந்தோம் என்பது மறந்தே போகிறது. பெயர்கள் ஞாபகம் இருப்பதில்லை. ஆந்தைக்கு இங்கிலீஷில் என்ன என்று சட்டென நினைவு வருவதில்லை. ‘படையப்பா’வில் ரஜினிக்கு முன்னால் கால் போட்டுக் கொண்டு உட்கார்ந்தாரே... அந்த நடிகை யின் பெயர் என்ன என்று ஒரு நாள் அதிகாலை கண் விழித்ததும், ஒரு மணி நேரம் யோசித்தேன், கிட்டவில்லை.

மனைவி எழக் காத்திருந்து அவளிடம் கேட்டேன். "ரம்யா கிருஷ்ணன்" என்றாள். இம்மாதிரி, நியூரான்கள் களைத்துப் போவது தெரிகிறது. ஆனால், நீண்ட நாள் ஞாபகங்கள் பத்திரமாக இருக்கின்றன. அது மூளையில் வேறு பேட்டை போலும்! கிட்டத்தட்ட அறுபது ஆண்டுகளுக்கு முன், சின்ன வயசில் கோயமுத்தூரில் அம்மா\அப்பாவுடன் ஜட்கா வண்டியில் "ஜகதலப்ரதாபன்" சினிமா போனது, ஒண்ணாம் கிளாஸ் டீச்சருக்கு ஆனந்த விகடனும், அமிர்தாஞ்சனும் கொண்டு போய்க் கொடுத்தது, பள்ளி மணியை அகாலமாக அடித்தது, எனக்குத் தம்பி பிறந்தது... இதெல்லாம் தெளிவாக ஞாபகம் உள்ளது. ஸ்ரீரங்கத்துக் கதைகள் அனைத்தும் என் நீண்ட நாள் ஞாபகங்களின் வடிவம்தான்!

டெல்லியில், பெட்ரோல் எழுபத்தைந்து பைசாவும், பால் ஐம்பத்தைந்து பைசாவும் கொடுத்து வாங்கி தாராளமாக வாழ்ந்தது, என் முதல் கதை, முதல் நாவல் பிரசுரமானது, எஸ்.ஏ.பி'யின் கடிதக் குறிப்பு எல்லாம் ஞாபகம் உள்ளது. ரம்யா கிருஷ்ணன் போன்ற மேட்டர்தான் சட்டென்று வழுக்கிவிடுகிறது.
மெரீனாவில், ஷார்ட்ஸ் ஸ்னீக்கரில் ஓடும் இளைஞர்களைப் பார்த்து முன்பு பொறாமைப்படுவேன். இப்போது புன்னகைக்கிறேன். பொதுவாகவே, பொறாமைப்படுவதற்கான விஷயங்களும், அதட்டிச் சொல்வதற்கான விஷயங்களும் குறைந்து வருகின்றன. ஹிந்துவின் "ஆபிச்சுவரி" பார்க்கையில், இறந்தவர் என்னைவிட சின்னவரா, பெரியவரா என்று முதலில் பார்ப்பேன். சின்னவராக இருந்தால், ‘பரவால்லை... நாம தப்பிச்சோம்!’ என்றும், பெரியவ ராக இருந்தால் கழித்துப் பார்த்து, ‘பரவால்லை... இன்னும் கொஞ்ச நாள் இருக்குÕ என்றும் எண்ணுவேன். எதிர்காலம் என்பதை இப்போதெல் லாம் வருஷக் கணக்கில் நினைத்துப் பார்ப்பது இல்லை. மாதக் கணக்கில்... ஏன், உடம்பு சரியில் லாமல் இருக்கும்போது வாரக் கணக்கில், நாள் கணக்கில் அந்தந்த நாளை வாழத் தோன்றுகிறது. Today I am alright, thank God!
சயின்ஸ் அதிகம் படித்ததால், கடவுளைப் பற்றிய குழப்பங்கள் தீர்க்க முடியாமல் இருக்கின்றன. யேட்ஸ் சொன்னதுபோல், "சிலர் கடவுள் இருக்கிறார் என்கிறார்கள். பிறர் கடவுள் இல்லை என்கிறார்கள். உண்மை ஒருக்கால் இரண்டுக்கும் இடையில் எங்கோ இருக்கிறது!".
ஆனால், டி.என்.ஏ. ரகசியத்தையும், உயிரின வேறுபாடுகளையும், அண்டசராசரங்களின் அளவையும் பார்க்கும்போது, நம்மை மீறிய சக்தி புலன் உணர்வுக்கும், நம் அற்ப வார்த்தைகளுக்கும் அகப்படாத ஒரு சக்தி இருப்பதில் எனக்கு நம்பிக்கை வந்துவிட்டது. நான் நாத்திகன் அல்ல. மிஞ்சிப்போனால், ரஸ்ஸல் படித்தபோது ‘அக்னாஸ்டிக்’காக அதாவது, கடவுள் இருப்பைப் பற்றித் தெரியாதவனாக இருந்திருக்கிறேன். மறுபிறவியில் எனக்கு நம்பிக்கை இல்லை. பிறந்தால் இதே ஞாபகங்கள், இதே முதுகுவலியுடன் தமிழ்நாட்டில் பிறக்க வேண்டும். தமிழில் மீண்டும் கதைகள் எழுத வேண்டும். நடக்கிற காரியமா? முற்றிலும் புதிய பிறப்பு, தேசம், பெயர், உடல் என்றால் அது மறுபிறவி அல்ல... வேறு பிறவி. மேலும், எங்கேயாவது ஸ்விஸ் நாட்டில் பிறந்து வைத்தால், பாஷை தெரியாமல் கஷ்டப்படுவேன்.
இறந்ததும் என்ன ஆகிறது என்பதைப் பற்றி நசிகேதனைப்போல யோசிக்கும் போது, சட்டென்று ஒரு திடுக்கிடல் ஏற்படும். அந்தச் சமயத்தில் மல்லிகை வாசனையையோ, ஒரு குழந்தையின் புன்சிரிப்பையோ எண்ணிப் பார்த்துக் கவனத்தைக் கலைத்துக்கொள்வேன். சொர்க்கம், நரகம் இதில் எல்லாம் நம்பிக்கை இல்லை. இரண்டும் இங்கே தான் என்று எண்ணுகிறேன். அப்படி ஒருக்கால் இருந்தால், நரகத்துக்குப் போகத்தான் விரும்புகிறேன். அங்கே தான் சுவாரஸ்யமான ஆசாமிகள் இருப்பார்கள். சொர்க்கத்தில், நித்ய அகண்ட பஜனைச் சத்தம் எனக்கு ஒரு நாளைக்கு மேல் தாங்காது.

ஆரம்பத்தில் இளைஞனாக இருந்த போது, ஏரோப்ளேன் ஓட்டவும், கித்தார் வாசித்து உலகை வெல்லவும், நிலவை விலை பேசவும் ஆசைப்பட்டேன். நாளடைவில் இந்த இச்சைகள் படிப்படி யாகத் திருத்தப்பட்டு, எளிமைப்படுத்தப் பட்டு, எழுபது வயதில் காலை எழுந் தவுடன் சுகமாக பாத்ரூம் போனாலே சந்தோஷப்படுகிறேன். வாழ்க்கையே இவ்வகையில் progressive compromises (படிப்படியான சமரசங்களால் ஆனது).

இன்றைய தினத்தில், என் டாப்டென் கவலைகள் அல்லது தேவைகள் என்றால்... முதலிடத்தில் உடல் நலம், மனநலம், மற்றவருக்குத் தொந்தரவு கொடுக்காமல் இருப்பது, தெரிந்தோ தெரியாமலோ யார் மனதையும் புண் படுத்தாமல் இருப்பது, இன்சொல், அனுதாபம், நல்ல காபி, நகைச்சுவை உணர்வு, நான்கு பக்கமாவது படிப்பது, எழுதுவது போன்றவை பட்டியலில் உள்ளன. பணம் அதில் இல்லை. முதலிலேயே அது லிஸ்ட்டை விட்டுப் போய்விட்டது.

தி.ஜானகிராமனின் "கொட்டு மேளம்" கதையில் வரும் டாக்டருக்குப் போல, மனைவி அவ்வப்போது வர வேண்டிய பணத்தையும், ஏமாற்றிய ஜனங்களை யும் எனக்குச் சொல்லிக் காட்டுவாள். அவளும் இப்போது இதில் பயனில்லை என்று நிறுத்திவிட்டாள். பணம் பிரதானமாக இல்லாததால், இன்று எழுபது வயசில் மனச்சாட்சி உறுத்தாமல் வாழ முடிகிறது. ஜெயிலுக்குப் போன தில்லை. ஒரே ஒரு தடவை டில்லியிலும், ஒரு தடவை பெங்களூரிலும் ஒன்வேயில் ஸ்கூட்டர் ஓட்டியதால், மாஜிஸ்ட்ரேட் கோர்ட்டுக்குப் போயிருக்கிறேன். வோட்டிங் மெஷினுக் காக சாட்சி சொல்ல, கேரளா ஹைகோர்ட் டில் இருந்து சுப்ரீம் கோர்ட் வரை போயிருக்கிறேன்.
அம்பலம் இணைய (www.ambalam.com) இதழில் ஒரு வாசகர் கேள்வி கேட்டிருந்தார்... "நாற்பது வருஷ மாக உங்களைத் தொடர்ந்து படித்து வருகிறேனே... என்னைப் பற்றி என்ன நினைக்கிறீர் கள்?" என்று.
நீண்ட யோசனைக்குப் பிறகு பதில் அளித்தேன்... "நாற்பது வருஷம் உங்களைத் தொடர்ந்து படிக்க வைத்திருக்கிறேனே, என்னைப் பற்றி நீங்கள் என்ன நினைக்கிறீர்களோ அதேதான்!" என்று. என் எழுத்து, என்னைப் பல தேசங்களுக்கு அழைத்துச் சென்றிருக்கிறது. பல வகைப்பட்ட மனிதர்களைச் சந்திக்க வைத்திருக்கிறது. பிரைவேட் ஜெட்டி லிருந்து ஃப்ரீமாண்ட் மிஷன் பீக் மலை யுச்சி மாளிகை வரை அனுமதித்திருக்கிறது. பெயர் தெரியாத வாசகர்கள் நள்ளிரவில் கூப்பிட்டுப் பாராட்டியிருக் கிறார்கள். மனைவிமார்கள் அழுதிருக்கிறார்கள். கணவன்கள், மனைவிகள் மேல் சந்தேகப்பட்டுத் தற்கொலை செய்து கொள்ளுமுன், கடைசி ஆறுதலுக்கு என்னை விளித்திருக்கிறார்கள். ‘ரோஜா’ வெளிவந்த சமயத்தில், பெங்களூருக் குத் தனியாக ஓடி வந்த இளம்பெண் அதிகாலை ஜலஹள்ளியில், ‘அரவிந்த சாமியுடன் என்னை மண முடி!’ என்று கதவைத் தட்டி யிருக்கிறாள். "ஆ" கதையைப் படித்துவிட்டு, "என் மகளை மணம் செய்துகொள்ள வேண் டும்" என்று திருநெல்வேலில் இருந்து வந்த மனநிலை சரியில்லாத இளைஞரும், ‘பாலம்’ கதையைப் படித்து விட்டு என்னைக் கொல்ல வர தேதி கேட்டிருந்த கோவை வாசியும் என் வாசகர்கள்தான். வாழ்க்கையின் அத்தனை பிரச்னைகளுக்கும், முதுகுவலியில் இருந்து முண்டகோபனிஷத் வரை யோசனை சொல்லியிருக்கிறார்கள்; கேட்டிருக்கிறார்கள். மிகச் சிறந்த நண்பர்களையும், அற்புதக் கணங்களையும் என் எழுத்தால் பெற்றிருக்கிறேன். அதுதான் என்னுடைய நோபெல்!

நன்றி: ஆனந்த விகடன் / http://www.desikan.com/blogcms/?item=63

கண்ணதாசன் காரைக்குடி பேரசைசொல்லி ஊத்திக்குடி

2008-02-21T11:48:00.004+03:00

படம்: அஞ்சாதே
ஒலிப்பதிவு: மஹேஷ் முத்துஸ்வாமி
கலை: அமரன்
இயக்கம்: மிஸ்கின்
நடனம்: பாபி தினா
பாடல்: கபிலன்
இசை: சுந்தர் C. பாபு
***

2008ன் முதல் ஹிட் பாடல்?!

கண்ணதாசன் காரைக்குடி
பேரைச்சொல்லி ஊத்திக்குடி
குன்னக்குடி மச்சானைப்போல் பாடப்போறேன்டா
கண்ணாடிக் கோப்பையில கண்ணமூடி நீச்சலடி
ஊருகாயத் தொட்டுக்கிட்டாத் ஓடிப்போகும் காய்ச்சலடி

போதை என்பது ஒரு பாம்பு விஷம்தான்
சேர்ந்து குடிச்சா அது ஒரு சோஷலிசம்தான்
(கண்ணதாசன் காரைக்குடி)

பொண்டாட்டி புள்ளைங்க தொல்லையில்லா இடம்தானே
இந்த இடம் இல்லையின்னா சாமிமடம்தானே

மேஸ்திரி கடல்ல கலந்து குடிக்கிறாரே
சித்தாளு பொண்ணை நினைச்சு இடிக்கிறாரே
இயக்குனர் யாரு அங்க பொலம்புறாரு

நூறு மில்லியை அடிச்சா போதையில்லையே
நூறைத் தாண்டுனா நடக்க பாதையில்லையே
(கண்ணதாசன் காரைக்குடி)

அண்ணனும் தம்பியும்
எல்லாரும் இங்கே வந்தா டப்பாங்குத்துதானே
ஓவரா ஆச்சுன்னா வெட்டுக்குத்துதானே

எங்களுக்கு தண்ணியில கண்டமில்ல
எங்க்ளுக்கு ஜாதிமதம் ரெண்டுமில்ல

ரோட்டுக்கடையில மனுஷன் ஜாலியைப்பாரு
சேட்டுக்கடையில மனைவி தாலியைப் பாரு
(கண்ணதாசன் காரைக்குடி)

கண்ணாடிக் கோப்பையில கண்ணமூடி நீச்சலடி
ஊருகாயத் தொட்டுக்கிட்டாத் தொலையும் காய்ச்சலடி
போதை என்பது ஒரு பாம்பு விஷம்தான்
சேர்ந்து குடிச்சா அது ஒரு சோஷலிசம்தான்
(கண்ணதாசன் காரைக்குடி)

மடிப்பாக்கம் - 25 வருடங்கள் ஓடியாச்சு!

2008-02-18T05:13:00.008+03:00

மடிப்பாக்கத்தில் நாங்கள் குடிபெயர்ந்து இன்றோடு (18-பிப்ரவரி) 25வருடங்கள் ஆகிறது.

ஆரம்பத்தில், 1982ல், மடிப்பாக்கத்திற்கு நான் வரத் தயங்கியதற்கு முக்கிய காரணம், அங்கிருந்து என் பள்ளி அதிக தூரம் என்பதாலும்; வீடுகள் மிக அரிதாகத்தான் கண்ணில் தென்பட்டமையால், எனக்கு விளையாட நண்பர்களே கிடைக்கமாட்டார்கள் என்பதாலும். தவிர, முதன்முதலாக எனது அப்பா, நாங்கள் வீடு எழுப்ப திட்டமிட்ட இடத்தை எனக்குக் காட்டியபோது நான் சற்றே ஒரு சிறு அதிர்ச்சிக்குள்ளானேன் - அது ஒரு பெரிய வயல் கிணறாக இருந்து மூடப்பட்ட ஒரு இடம்.. பெரிய பள்ளமாகக் காட்சியளித்த அந்த இடத்திலா நாம் வீடு கட்டிக் குடிபுகப்போகிறோம் என்று எனக்கோ உள்ளூர ஒரு பயம்.

மடிப்பாக்கத்தில் நாங்கள் புதுவீடு கட்டிக்கொண்டு குடிபெயரப்போவது உறுதியான சூழலில் என் அப்பா, ஆறாம்வகுப்பு படித்துக்கொண்டிருந்த என்னைச் சமாதானப்படுத்த சொன்னது இதுதான் - "இங்கு உனக்கு கிரிக்கெட் விளையாட நிறைய மைதானங்களும் நண்பர்களும் இருக்கிறார்கள்; அதனால் நீ கவலைப்பட வேண்டாம்".

உண்மைதான்.. அன்றைய மடிப்பாக்கத்தில் பரவலாகக் காணப்பட்ட vacant plotகள் எல்லாம் எங்களுக்கு கிரிக்கெட் விளையாடுவதற்கு ஏதுவாக அமைந்த அருமையான மைதானங்கள்தான்.

இது ஒருபுறமிருந்தாலும், பாலையா நகரில் நாங்கள் குடிபுகுந்த துவக்க நாட்களில், எங்கள் வீட்டில் (ஏன், எங்கள் ஏரியாவிலேயே கூட) மின்சார வசதி கிடையாது. அதனாலெல்லாம், நானும் ராஜாஜியைப் போல் தெருவிளக்கில்தான் படித்தேன் என்று புருடா எல்லாம் விடமாட்டேன். பள்ளிக்கூடத்தில் நான் குறைவான மதிப்பெண்கள் வாங்கியதற்கு அதுவே ஒரு சாக்காக அமைந்துவிட்டது என்றே சந்தோஷப்பட்டேன். மின்சார வசதி வந்தும்கூட எனது படிப்பின் out of form தொடர்ந்தது வேறு கதை.

அன்றைய நாளில், பாக்கெட் நாவல்களும், மாயாஜால கதை புத்தகங்களும், அம்புலிமாமாக்களும், பாலமித்ராக்களும், இன்ன பிற காமிக்ஸ்களும், Sportstarகளும் பள்ளிக்கூட பாடங்களைவிட அதிக கவனத்தை ஈர்த்த புத்தகங்கள். மாந்தோப்பு, ஏரிக்கரை கிரிக்கெட்டு, முருகன் கோவில் பால்குடம், அம்மன் கோவில் கூழ் ஊற்றுதல், ஐயப்பன் கோவில் அன்னதானம் என்று எதுவாக இருந்தாலும் பனைமர ஏறி நொங்கு திருடித் தின்ற காலத்தில் நமது சந்தோஷங்கள் எல்லாமே ஏரியா நண்பர்களைச் சார்ந்தே இருக்கும்.

மின்சார வசதியில்லாததால், 1983 உலகக்கோப்பைக் கிரிக்கெட் இறுதிப்போட்டியின் நேர்முக வர்ணனையை டிரான்ஸிஸ்டரில்தான் கேட்கவாய்த்தது... பின்னாட்களில், தூர்தர்ஷன்தான் எங்களுக்கு கிரிக்கெட்டைப் பார்க்கவும், அதுபற்றி பேசவும், கொஞ்சம் ஹிந்தி கற்றுக் கொள்ளவும் (ச்சார் ரன் கே லியே!) உதவியது. கண்மணிப் பூங்காவில் ஆரம்பித்து வயலும்வாழ்வும், வாழ்க்கைக் கல்வி, செவ்வாய் கிழமை நாடகம், புதன் சித்ரஹார், வெள்ளிக் கிழமை ஒலியும் ஒளியும் என்று தூர்தர்ஷனைத்தான் நாங்கள் தரிசித்துக்கொண்டிருந்தோம். 'ஹம் லோக்' என்ற ஹிந்தித் தொடர் நீங்கலாக ஹிந்தி சமாசாரங்களைக் காண்பதில்லை என்ற கொள்கையோ என்னவோ, தூர்தர்ஷனில் 'தேசிய நிகழ்ச்சிகள்' என்ற ஸ்லைடை காண்பித்தவுடனேயே டிவியை அணணத்துவிடுவோம். அதுசரி, இப்போதும் 'தடங்கலுக்கு வருந்துகிறோம்' ஸ்லைடைக் காண்பிக்கிறார்களா என்ன? Satellite channelகள் இல்லாத அந்த காலகட்டம், நாம் வாழ்ந்த சமூகத்தில் பரவலாக எல்லா சுற்றத்தாருடனும் குறிப்பாக நம் பள்ளித் தோழர்களுடனும், ஏரியா நண்பர்களுடனும் அதிக நேரத்தைக் கழிக்கவும், மகிழவும் நமக்கு பல வாய்ப்புகளைக் கொடுத்திருந்தது.

தேனினும் இனிய குடிதண்ணீர் கிடைத்த ("வாவ்! இதுக்காகவே இங்கே வீடு கட்டணமுங்க!") அந்தக்கால மடிப்பாக்கம் எங்கே... காசு கொடுத்துக் குடிநீர் வாங்கும் சென்னை நகரப் பெருநிழலில் வீழ்ந்துவிட்ட இன்றைய மடிப்பாக்கம் எங்கே?

மடிப்பாக்கம் கூட்டு ரோடு, பொன்னியம்மன் கோவில், கூட்டு ரோட்டிலிருந்து பாதாள விநாயகர் கோயிலுக்குச் செல்லும் சாலையில் ஒரு கீத்து கொட்டகையில் அமைந்த தனலஷ்மி திரையரங்கம், பொன்னியம்மன் கோயில் அருகில் உள்ள கோழிப்பண்ணை, மடிப்பாக்கம் ஏரி, அதனருகில் ஐயப்பன் கோவில்.. இவையெல்லாம்தான் அன்றைய மடிப்பாக்கத்தில் பிரச்சித்திபெற்ற landmarkகள்.

சைதாப்பேட்டைக்கும் மடிப்பாக்கம் பொன்னியம்மன் கோயிலுக்கும் இடையே ரொம்ப அரிதாக ஷண்டிங் அடித்த M11 என்ற மினி பஸ்தான் மடிப்பாக்கத்தினுள் நுழைந்த முதல் பேருந்து என நினைக்கிறேன். ஒரு ஏரோப்பிளேனை வேடிக்கைப் பார்ப்பது போல, கிரிக்கெட் விளையாடுவதை ஒரு கணம் நிறுத்திவிட்டு பார்ப்போம்; வெகுதொலைவில் பார்த்த அந்தப் பேருந்து, அருகில் வரும்போது உற்று நோக்குவோம்... நமக்குத் தெரிந்தவர்கள் யாராவது வருகிறார்களா, இல்லை, நம்ம வீட்டுக்குத்தான் யாராவது வருகிறார்களா என்று எங்கள் எண்ண அலை ஓடும். எப்படியும் பேருந்திலிருந்து ஒரிரு புதியவர்கள் (strangers) இறங்கி ஊருக்குள் அடியெடுத்து வரும்போது எங்களிடம், `தம்பி, இந்த அட்ரஸ் எங்க இருக்கு’ என்று விசாரிக்காமல் செல்லமாட்டார்கள். எங்களுக்குப் புரிந்துவிடும், அவர் சாதாரண ஸ்ட்ரேஞ்சர் அல்லர்; ஏரியாவில் புதிதாகப் பிளாட் வாங்கியவர், அல்லது, வாங்கப்போகுபவர்; எங்களது இந்த யூகம் தொண்ணூரு சதவிதம் சரியாகத்தான் இருக்கும். அப்படி விசாரித்து வந்தவர்கள், பலர் இன்று, மாடி மேல் மாடி கட்டி, குடும்பமும் விஸ்தாரமாகி, புதிய தலைமுறைகள் உருவாகி...அப்பப்பா!... என்னே மாற்றங்கள் நம் மடிப்பாக்கத்தில், இன்று காணும்போது!

அந்தக்காலத்தில்...அதாவது 1983-84வாக்கில், வேளச்சேரி வழியாக மடிப்பாக்கத்தினுள் பேருந்தைக் கொண்டுவரவே பிரம்மப் பிரயத்தனம் பண்ணவேண்டியிருந்தது நினைவுக்கு வருகிறது. குடியிருப்போர் நலச் சங்கம் ஆரம்பித்து, அதற்கு ஆள் சேர்த்து, சம்பந்தப்பட்ட அதிகாரிகளை எல்லாம் ஒரு பொதுக்கூட்டத்திற்கு வரவழைத்து, சினிமா நடிகை நளினியை சிறப்பு விருந்தினராக அழைத்து (நம்ப ஊர் மக்களைத் திரட்ட பட்டபாடு இருக்கே...!)..ஒரு பெரிய ‘மாஸ்’ காட்டி, ரொம்பவும் லோல்பட்டபிறகுதான் வேளச்சேரி வழியாக பஸ் வர ஆரம்பித்தது என்று தோன்றுகிறது.

இன்னொரு விஷயம் - பொன்னியம்மன் கோயில் கிணறு.. அதனருகில் பதிக்கப்பட்டுள்ள கல்வெட்டு வாசகங்கள் - எம்.ஜி.ஆர் ஆலந்தூர் தொகுதி எம்.எல்.ஏவாக இருந்தபோது திறந்து வைத்த கிணறு எனப் பறைசாற்றும். எனக்குத் தெரிந்து மடிப்பாக்கத்தில் மிகவும் பழையவீடு என்றால், பொன்னியம்மன் கோவிலுக்கு வலதுபுறத்தில் அமைந்த ஒரு வீடு... காம்பவுண்ட் சுவற்றில் `விஸ்வநாதன்’ என்று போட்டிருந்ததாக நினைவு.

கடந்த சில வருடங்களில், மடிப்பாக்கத்தில் ரியல் எஸ்டேட் மதிப்பு பன்மடங்கு அதிகரித்திருப்பதைப் பார்க்க முடிகிறது; கல்யாண மண்டபங்கள், பள்ளிக்கூடங்கள், கோவில்கள், மருத்துவமனைகள், அடுக்குமாடிக் குடியிருப்புகள் என பல முளைத்து, நிலத்தடி நீரைக் குடிநீராகப் பயன்படுத்த இயலாத நிலைக்கு கொண்டுயே ஒரு பத்து வருடங்கள் ஆகிறது.

முன்பெல்லாம், ஒரு ஃபோன் பண்ணவேண்டுமென்றால், ஒரு 2-3 கிலோமீட்டர் வரை செல்ல வேண்டியிருந்தது; 1990களின் இறுதியில், தடுக்கிவிழுந்த இடங்களிலெல்லாம் STD-PCOக்கள் காணப்பட்டன. இன்றைய மடிப்பாக்கத்திலோ, காண்போர் கையிலெல்லாம் ஒரு செல்போனைப் பார்க்கமுடிகிறது. ஒரு வங்கிகூட இல்லாதிருந்த மடிப்பாக்கத்தில் இன்று ஏழெட்டு வங்கிகள்; தவிர எனக்குத் தெரிந்தே ஒரு 7-8 ATMகள்.

முன்பெல்லாம் எங்கள் பகுதிக்கு யாராவது புதியவர்கள் வந்தால் ஏரியாவே வைத்தகண் வாங்காமல் அவர்களையே உற்று நோக்கும். இப்போதோ, ஒரே ஃபிளாட்டில் வசித்து வந்தாலும் ஒருவரை ஒருவர் தெரியாத அளவிற்கு ஒரு அன்னியோன்னியமற்ற நகர்ப்புர கலாச்சாரத்தில் சிக்கி தன் சுயமிழந்த மற்றுமொரு புறநகர்ப்பகுதி என்ற அளவில் மடிப்பாக்கம் இருக்கிறது.

மாசடைந்த காற்று, சாக்கடைகள், குப்பைக்கூளங்கள், பெருகிவிட்ட ஜனத்தொகை, வாகனப்பெருக்கம், நெரிசல்மிகு சந்திப்புகள் நிறைந்த ஒரு பெருநகரின் இயந்திர வாழ்க்கைக்குப் பழகிவிட்ட அவசர யுக மனிதர்கள் நிறைந்த ஒரு developed suburbஆகத்தான் மடிப்பாக்கம் எனக்குத் தெரிகிறது.

சென்னையில் பிலிப்பினோ திரைப்பட விழா filipino film festival @ chennai

2008-02-17T15:45:00.004+03:00

சென்னையில் தற்போது ஏதாவது திரைப்படவிழா நடைபெறுகிறதா என்று மேய்ந்தபோது, என் கண்ணில்பட்ட செய்தியை உங்களுடன் பகிர்ந்துகொள்கிறேன்.

புதுடில்லியின் பிலிப்பினோ தூதரகம் மற்றும் சென்னைத் திரைப்பட கழகம் ஆகியவற்றுடன் இணைந்து சென்னையில் உள்ள Indo Cine Appreciation Foundation (ICAF) அமைப்பு நடத்தும் இந்த பிலிப்பினோ திரைப்பட விழா நாளை பிப்ரவரி 18 முதல் பிப்ரவரி 27 வரை South Indian Film Chamber திரையரங்கில் (606, அண்ணா சாலை) நடைபெறவுள்ளது.

இந்தத் திரைப்படவிழாவில் காண்பிக்கப்படும் பிலிப்பினோ திரைப்படங்கள்:
Inang Yaya (18-பிப்ரவரி மாலை 6:30)
Dekada (19-பிப்ரவரி மாலை 6:30)
Muro Ami (20-பிப்ரவரி மாலை 6:30))
Bata Bata Paano Ka Ginawa (21-பிப்ரவரி மாலை 6:30)
Jose Rizal (22-பிப்ரவரி மாலை 6:30)
Magnifico (23-பிப்ரவரி மாலை 6:30)
Mano Po (24-பிப்ரவரி மாலை 6:30)
Panaghoy Sa Sub (25-பிப்ரவரி மாலை 6:30)
Till I Met (26-பிப்ரவரி மாலை 6:30)
Kasal, Kasali, Kasalo (26-பிப்ரவரி மாலை 7:45)
Aishite Imasu (27-பிப்ரவரி மாலை 6:15)
Matakot Ka Sa Karma (27-பிப்ரவரி மாலை 7:45)

ICAF அமைப்பின் செயலர் திரு. தங்கராஜ் அவர்களுடன் பேசிக்கொண்டிருக்கும்போது, இந்த ICAF அமைப்பில் உறுப்பினராக ஒரு போட்டோவும் ஆண்டொன்றுக்கு ரு।550 பணமும் கொடுத்தால் போதும் என்றும் ஒவ்வொறு மாதமும் குறைந்தபட்சம் ஒரு பத்து வெளிநாட்டு படங்களைக் காணலாம் என்றும் சொன்னார். கடந்த மாதங்களில், பின்லாந்து, தென்னாப்பிரிக்கா நாட்டு புகழ்பெற்ற திரைப்படங்கள் திரையிடப்பட்டதாகச் சொன்னார்.

ஆர்வலர்கள், இது குறித்த மேல்விவரங்களுக்கு தொடர்பு கொள்ளவேண்டிய எண்கள்: 044 249 58691 மற்றும் 98401 51956। மின்னஞ்சல்: thangaraj_icaf@hotmail.com

காதல் வாழ்க

2008-02-14T07:02:00.005+03:00

1. ஒரு ஆணும் பெண்ணும் நெருக்கமாகப் பழகினால், உடனே அது காதலாக இருக்குமென்று எடுத்துக்கொள்ளக்கூடாதாம், ஏனென்று கேட்டால், “அவர்கள் நல்ல நண்பர்களாகவோ, அல்லது அலுவலகத் தோழர்களாகவோ இருக்கலாம் இல்லையா? அவர்கள் தமிழிலக்கியம் பற்றியோ அல்லது ஐ.டி. துறையின் எதிர்காலம் பற்றியோகூட பேசிக்கொண்டிருக்கலாம் இல்லையா? ரொமான்ஸ் பண்ணுகிறார்கள் என்று எப்படி தடாலடியாக முடிவுக்குவரலாம்?" என்கிறார்கள்.

2. பைக்கிலோ, சைக்கிளிலோ, ஒரு பெண்ணையும், ஆணையும் ஒரு சேரப் பார்த்தாலோ அல்லது அலுவலக இடைவேளைகளிலோ, டிஸ்கோத்தேவிலோ, பீஸா ஹட்டிலோ, கையேந்தி பவனிலோ, இன்ன பிற பொது/தனி இடங்களிலோ மணிக்கணக்கில் சிரித்துசிரித்துப் பேசி அரட்டை அடிக்கும் ஜோடிகளைப் பார்த்த மாத்திரத்திலேயே அவர்கள் இருவரும் காதல் ஜோடிகள் என்று முடிவுக்கு வந்துவிடக்கூடாதாம்.

சரி, அப்படியானால், எப்போதுதான் காதலர்கள் காதலிக்கிறார்கள் என்பதை புரிந்துகொள்வீர்கள்? சினிமாவில் வருவதுபோல விதவிதமான உடைகள் அணிந்து பற்பல இடங்களில், செட்டிங்ஸ்போட்டு ஆடிப் பாடினால்தான் அது காதல் என்று ஒத்துக்கொள்வார்களோ?

எது எப்படியோ, இன்றைய நுகர்வுகலாச்சார யுகத்தில், காதலுக்கு உரிய மரியாதை தருவது சினிமா மட்டும்தான்; அது வியாபார நோக்கில் என்றாலும், பல கவிஞர்களை, பல அசிஸ்டெண்ட் டைரக்டர்களை, பல வசனகர்த்தாக்களை காதலைப் பற்றி சிந்திக்கச் செய்கிறது; காதலர்களுக்காகப் பரிந்து பேச வைக்கிறது. நிஜவாழ்க்கையில் என்னவோ, பெற்றோர்கள் எல்லாக்காலத்தையும் போலவே காதலை அங்கீகரிக்க மறுக்கின்றனர்; காதலை 'சீச்சீ' என்றே பார்க்கின்றனர்.என்னமோ தெய்வகுத்தம் வந்தாற்போல் குதிக்கின்றனர். போதாக்குறைக்கு இந்த சாதி மத பேதங்கள் வேறு. இந்த பேதங்களை உடைத்தெரியவே காதல் திருமணங்கள் பெருக வேண்டும்.

காதலர் தினத்திற்கு அங்கீகாரம் தரும் வியாபார சமூகம் உண்மையில் காதலுக்கும் அங்கீகாரம் கொடுத்தால் நன்றாக இருக்கும். இல்லாவிட்டால், ‘ரோஜா வியாபாரிகளாவது வாழட்டும்’ என்று சொல்வதுபோல, ‘வாலண்டைன்ஸ் டேய்’ வாழ்த்து அட்டைகளையும், சிறப்பு பொக்கேக்களையும் விற்கும் ஏழை விற்பனர்களும் முகவர்களுமாவது வாழட்டும் என்ற அளவில் காதலர் தினங்கள் நின்றுவிடும்.

எது எப்படியோ, இந்தக் காதலர் தினத்தில் காதலுக்கும், ஏழை வியாபாரிகளுக்கும் என் வாழ்த்துக்கள்! :)

நடிகை லட்சுமியின் முதல் கணவர் மரணம்

2008-02-12T07:15:00.000+03:00

எஸ். பாஸ்கரன் (மறைந்த டி.கிருஷ்ணய்யரின் மகன்), முன்னாள் நியூ இந்தியா இன்சூரன்ஸ் கம்பெனியின் ஊழியர், 2008 பிப்ரவரி 3ஆம் தேதி மறைந்த செய்தி இப்போதுதான் என் கண்ணில் பட்டது.

இந்த பாஸ்கரன் இருக்காரே, ஸாரி, இருந்தாரே, அவர் என் அப்பாவின் அலுவலக சக ஊழியர், ரொம்ப காலத்திற்கு முன்னர். மூன்று மணங்கள் புரிந்துகொண்ட புகழ்பெற்ற தென்னிந்திய நடிகை லட்சுமி, முதலில் திருமணம் செய்து கொண்டது இவரைத்தான். இவர்தான் நடிகை ஐஸ்வர்யாவின் தந்தையும்கூட.

நியூ இந்திய இன்சூரன்ஸ் கம்பெனியில் ஒரு உயர் அதிகாரி பதவியில் இருந்து சிலகாலம் முன்னர் ஓய்வுபெற்றார். இவர் பற்றிய பிற விவரங்கள் எனக்குத் தெரியாது.

அன்னாருக்கு என் அஞ்சலி.

பழமுதிர்சோலை நமக்காகத்தான்

2008-02-10T05:55:00.000+03:00

முருகபெருமானின் அறுபடை வீடுகளில் ஒன்றான (6வது படைவீடு) பழமுதிர்சோலைக்கு சென்று முருகக் கடவுளைத் தரிசிக்க வேண்டும் வேண்டும் என்று கடந்த பல வருடங்களாக நான் நினைத்தது இரண்டு நாட்களுக்கு முன்னர்தான் நிறைவேறியது. மற்ற ஐந்து படைவீடு கோவில்களைப் போல இந்தக் கோவில் அத்துணை பிரம்மாண்டமான தோற்றத்தைக் கொண்டிருக்கவில்லை. தவிர, இங்குள்ள இறைவனுக்கு பக்தர்கள் முடிகாணிக்கை செலுத்தும் வழக்கம் இல்லையோ என்னவோ.. ஒரு மொட்டைத்தலை கூட என் கண்ணில் படவில்லை. ஐந்து படைவீடுகளிலும் முடிகாணிக்கை செலுத்திய எனக்கு, ஆறாவதுபடை வீடான பழமுதிர்சோலையிலும் முடிகாணிக்கை செலுத்தவேண்டும் என்ற எனது வேண்டுதல் இன்னும் நிறைவேறாமலேயே உள்ளது.

மலை மீது அமைந்திருந்த இந்த ஆலயத்திலிருந்து இன்னும் சற்று மேலே மேலே நடந்தால், நூபுர கங்கை என்ற சிற்றறுவி விழும் இடம் இருப்பதைக் காணலாம்ம். இந்த அருவியில் தண்ணீர் குறைவாகவே வரும் என்பதால் அருவி நீரைத் தேக்கிவைத்து, குளிப்பதற்கு ஏதுவாக குழாய் வசதி ஏற்படுத்திக் கொடுத்திருக்கிறார்கள். ஒரு பதினைந்து வருடங்களுக்கு முன்னர் நான் இங்கு வந்திருந்த போது இந்த குழாய் வசதி இருந்ததாக நினைவில்லை. அதேசமயம், மலையில் ஏறிச்சேலும் பாதை நெடுகிலும், கோவிலிலும் மற்றும் நூபுர கங்கை மண்டபத்திலும் ஏராளமாகக் காணப்படும் குரங்குகள்; அவை படுத்தும்பாடு இருக்கே... மறக்கமுடியாதவை. இந்த குரங்குகளுக்கு பயந்தபடியே நடந்த என் ஏழுவயது மகளை சமாதானப்படுத்தவே போதும்போதும் என்றாகிவிட்டது. 'சுட்ட பழம் வேண்டுமா, சுடாத பழம் வேண்டுமா?' என்று கேட்டு, மரத்திலிருந்து பழங்களை உதிரச்செய்து அவ்வைப் பிராட்டியாருக்கு பாலமுருகன் பாடம் நடத்திய திருத்தலம் இதுதான் ('பழம் உதிர் சோலை' - பழமுதிர்சோலை).

குரங்குகளுக்கு ரொம்பவே பயந்தபடியே நடந்த என் மகளை 'ஏண்டி ரொம்ப ஓவராப் பண்ற' என்று செல்லமாக அதட்டிக்கொண்டே வந்த எங்கள் முன்பாக திடுக்கென்ன குதித்த குரங்கொன்று எங்களிடமிருந்து பழத்தை சுட்டு எங்களுக்குப் பாடம் புகட்டியது இந்தப் பயணத்தின் மறக்கமுடியாத விஷயம்.

பழமுதிர்சோலை ஆலயம்

ஆலய நுழைவாயில் சிலம்பாறு/நூபுரகங்கைக்கு செல்லும் பாதை

இந்த நூபுர கங்கை/சிலம்பாற்றுத் தீர்த்தத்தில் பல நோய்களையும் குணப்படுத்த வல்ல இரும்புச் சத்து, தாமிரச் சத்து முதலியவையோடு பல மூலிகை மருத்துவச் சிறப்புகள் நிறைந்திருப்பதாகவும் நம்பப்படுகிறது.

Link: முருகபக்தர்கள் ஒவ்வொருவரும் கண்டுகளிக்க வேண்டிய கௌமாரம் வலைப்பதிவில் மேற்கூறிய இந்த வேல்தொகுப்பு பாடலுக்கான பொருளும் மேல்விவரங்களும் காணக்கிடக்கின்றன (click).

வந்தே மாதரம் என்போம்! குடியரசுதின வாழ்த்துக்கள்!

2008-01-26T08:35:00.000+03:00

பங்கிம் சந்திர சட்டோபாத்தியாயர் எழுதிய இந்த வந்தே மாதரம் (வங்காள மொழியில்):

வந்தே மாதரம்!
சுஜலாம் சுபலாம்
மலயஜ சீதலாம்
ஷஸ்யஷியாமளாம்
மாதரம்
வந்தே மாதரம்

ஷுப்ரஜ்யோத்ஸன
புலகிதயாமினிம்
புல்லகுஸுமித த்ருமதல
ஷோபினிம்
சுஹாசினிம் சுமதுர
பாஷினிம்
சுகதாம் வரதாம்
மாதரம்
வந்தே மாதரம்

பாடலை மகாகவி சுப்பிரமணிய பாரதியார் முதலில் இவ்வாறு மொழிபெயர்த்தார்:

இனிய நீர்ப் பெருக்கினை! இன்கனி வளத்தினை!
தனிநறு மலயத் தண்காற் சிறப்பினை!
பைந்நிறப் பழனம் பரவிய வடிவினை! (வந்தே)

வெண்ணிலாக் கதிர்மகிழ் விரித்திடும் இரவினை!
மலர் மணிப் பூத்திகழ் மரன்பல செறிந்தனை!
குறுநகை யின்சொலார் குலவிய மாண்பினை!
நல்குவை இன்பம், வரம்பல நல்குவை!

பின்னர், பாடலுக்கு மேலும் சில சந்தங்கள் சேர்த்து, இரண்டாவது முறையாக மொழிபெயர்த்தார்:

நளிர்மணி நீரும் நயம்படு கனிகளும் குளிர்பூந் தென்றலும் கொழும்பொழிற் பசுமையும் வாய்ந்துநன் கிலகுவை வாழிய அன்னை! (வந்தே)

தெண்ணில வதனிற் சிலிர்த்திடும் இரவும் தண்ணியல் விரிமலர் தாங்கிய தருக்களும் புன்னகை ஒளியும் தேமொழிப் பொலிவும் வாய்ந்தனை இன்பமும் வரங்களும் நல்குவை. (வந்தே)

கப்பலோட்டிய தமிழன் படத்தில் இடம்பெற்ற வந்தே மாதரம் என்போம் பாடலைக்கேட்க இங்கே சொடுக்குங்கள்

வந்தே மாதரம் என்போம் - எங்கள்
மாநிலத் தாயை வணங்குதும் என்போம்.

ஒன்று பட்டால் உண்டு வாழ்வே - நம்மில்
ஒற்றுமை நீங்கில் அனைவர்க்கும் தாழ்வே
நன்றிது தேர்ந்திடல் வேண்டும் - இந்த
ஞானம் வந்தாற்பின் நமக்கெது வேண்டும்?

Tamilnation.comல் உள்ள மகாகவி பாரதியாரின் தேசபக்திப் பாடல்களின் தொகுப்பிற்கு இங்கே சொடுக்கவும்

நடிகை நாடகம் பார்க்கிறாள் - எனது அனுபவப் பகிர்வு

2008-01-23T12:41:00.002+03:00

இன்று காலை அலுவலகம் வந்தவுடன், வலையுலகம் வலைப்பதிவில் படித்த விஷயம் என்னைத் தூண்ட, எனது மதிய உணவு நேரத்தில், மனம் போன போக்கில் எழுத்தப்பட்ட பதிவு இது:

***

ஜெயகாந்தனது 'நடிகை நாடகம் பார்கிறாள்' மகத்தானதொரு படைப்பு. ஜெயகாந்தனையோ, பீம்சிங் பற்றியோ எதுவும் அறிந்திராத அப்போது எனக்கு வயது 10 இருக்கும். இருந்தும், அந்தப் படத்தைப் பார்க்கத் தூண்டிய ஆர்வத்திற்குக் காரணம், அந்தப் படத்தில் வரும் ஒரு காட்சி நான் படித்த பள்ளியில் படமாக்கப்பட்டது என்பதுவேயன்றி வேறொன்றும் இல்லை.

கருப்பு வெள்ளை படம் (ஆமாம், கலர்ல எடுத்திருந்தா மட்டும் என்னவாம், அப்போதெல்லாம் எங்கள் வீட்டில் கருப்பு வெள்ளை டிவிதானே) என்பதாலும் சுவாரஸ்யம் குறைவாகவே இருந்தது. ஸ்ரீகாந்த்-லக்ஷ்மி நடித்த படம் என்ற அளவில் மட்டுமே அறிந்திருந்தேன்.

லக்ஷ்மி நாடக நடிகை. ஸ்ரீகாந்த் பத்திரிக்கையாளன்.

படம் துவங்கிய ஒரு சில மணித்துளிகளிலேயே எங்கள் பள்ளி ஆடிட்டோரியத்தைக் காண்பித்தார்களா, ஒரே விசில்தான் என் மனசுக்குள்.
காட்சி இதுதான் - நாடகம் துவங்கப்போகும் சில நிமிடங்களுக்கு முன்னர், மேடைக்குப் பக்கவாட்டிலிருக்கும் மேக்-அப் அறையில் நாடக நடிகை லக்ஷ்மி, கைக்காண்ணாடியில் முகம் பார்த்துக்கொண்டே மேக்-அப் செய்துகொண்டு நாடகத்தில் நடிக்கத் தயாராகிக் கொண்டிருப்பார்; மேடைக்குச் சற்று முன்பாக உள்ள பார்வையாளர் வரிசையின் முதல் வரிசையில் நாடக நிர்வாகி ஒய்.ஜி.பார்த்தசாரதியோடு, பத்திரிகை விமர்சகர் ஸ்ரீகாந்த் அவருக்காக ஒதுக்கப்பட்ட நாற்காலி குறித்த ஒரு சர்சையில் ஈடுபட்டுக் கொண்டிருப்பார். அவர்களது அந்த வாக்குவாத ஓசை லக்ஷ்மியின் காதில்விழ, மேக்-அப் அறையிலிருந்த ஒரு சிறிய கண்ணாடி ஜன்னல்வழியே ஒரு கணம் எட்டிப்பார்ப்பார். பின்னர் மறுபடி தன் மேக்-அப் வேலையில் மூழ்குவார். ஸ்ரீகாந்தை மீண்டும் பார்க்கத் தூண்டும் அவரது மனம். என்றாலும் நாடகம் இன்னும் சில கணங்களில் துவங்கப்போகிறதே.. அதனால், ஸ்ரீகாந்தைக் காணத்தூண்டும் உணர்சிகளைக் கட்டுப்படுத்திக்கொண்டு நடிக்கத் தயாராவாள். ஸ்ரீகாந்தை ஒரு வழியாக சமாதானப்படுத்திய ஒய்.ஜி.பார்த்தசாரதி, அவரை லக்ஷ்மியிடம் சென்று அறிமுகப்படுத்துவார். ஸ்ரீகாந்தைப் பார்த்த மாத்திரத்திலேயே லக்ஷ்மி தன் மனதைப் பரிகொடுத்து காதலில் விழுந்துவிட்டாரா என்றெல்லாம் அன்று யோசிக்கத்தெரியாத பருவம் எனக்கு.

ஆனால், அதே படத்தை மீண்டும் ஒரு பத்து வருடங்கள் கழித்து எனது கல்லூரிக் காலத்தில் பார்த்தபோது நட்பு, காதல், திருமணம் போன்றவற்றைப் பற்றிய மிக நுணுக்கமான விஷயங்கள் புலப்பட்டது. என்னதான் ஒரு அருமையான திரைக்கதையின் துணைகொண்டு மனித உணர்வுகளின் நுணுக்கங்களை படமாக்கினாலும் அது சென்று சேர்வதென்னவோ பொறுமைமிக்க ரசிகர்களிடம் மட்டுமே என்பதையும் புரிந்துகொண்டேன்.

'பொறுமை' தான் தலாய பண்பு, பல விஷயங்களை அறிந்தும் தெளிந்தும் கொள்வதற்கு உதவியாய் இருப்பதும் அதுவே. இந்தப் பொறுமை இல்லாததால்தான் உறவுகளின் உன்னதங்களையும் மனம் அறிவதில்லை, உறவுமுறிதல் பற்றிய கவலைகளைப் பற்றியும் மனம் சிந்திப்பதில்லை.

ஒரு சினிமா உங்களுக்குள் ஏதாவது கருத்தைத் தோற்றுவித்ததா என்று கேட்டால் சில படங்களின் பெயரை நீங்கள் சொல்லலாம், குறிப்பாக சினிமாவை நீங்கள் வெறும் கேளிக்கைக்காக மட்டுமே பார்க்காத பார்வையாளராக இருந்தால்.

'நாங்கள் என்றும் நல்ல நண்பர்களாக இருக்க விரும்புகிறோம்; திருமண வாழ்க்கையில் அது சாத்தியமில்லாததால் விவாகரத்து கோருகிறோம்' என்று ஸ்ரீகாந்தும், லக்ஷ்மியும் வக்கீலை அணுகும் காட்சி, 'திருமணம் தேவையா' என்ற கருத்தினை என் மனதில் தோற்றுவித்தது. என்றாலும், வெகுவிரைவிலேயே திருமணமும் செய்துகொண்டேன் என்பது, என்னுள் ஓடும் சிந்தனைக்கும் அதனைச் செயல்படுத்தும் எனது திறனுக்கும் இடையேயான இடைவெளிக்கான சான்று.

***

அன்பு, பாசம், காதல், நட்பு - எந்த உறவாக இருந்தாலும், சம்பந்தப்பட்டவர் மத்தியில் நிகழும் சிறிய கருத்துவேறுபாடு என்பது இருவருக்கு மத்தியில் விவாதப்பொருளாகிப் போனால் (point of discussion) பெரிய மனச்சிக்கலாக உருவெடுத்து பரஸ்பர அவநம்பிக்கையைத் தோற்றுவித்து உறவைத் துண்டித்துக்கொள்ளவும் தயங்காத நிலைக்குத் தள்ளிவிடுகிறது. சாமியார்கள் முதல் சாமானியன் வரை இந்த difference of opinion என்பது ஒரு கட்டத்தில் பரஸ்பர காழ்ப்புணர்ச்சி (mutual hatred), வசைபாடுதல் என்று என்னமோ ஜென்ம விரோதிகளைப் போல மோதிக்கொள்ளும் அளவிற்கு போய்விடுகிறது.

நிர்ணயிக்கப்பட்ட வேகத்தினுள் வாகனத்தை ஓட்டி, அனைத்து சாலை விதிகளையும் அனுசரித்து சமயோசித புத்தியோடு (presence of mind) சென்றாலும் சாலை விபத்துக்கள் நிகழ்ந்துவிடுவதுபோல சில உறவுமுறிவுகள் விபத்துக்களாய் நேர்ந்துவிடுகிறது. அங்கனம் முறிந்த உறவுகள், விடுபட்டுப்போன தொடர்புகள் மீண்டும் கைகூட வாய்ப்புகள் உள்ளதா? உடைந்து சிதறிய கண்ணாடிக் கோப்பையின் துண்டுகளை மீண்டும் சேகரித்து ஒட்டிவைத்தாலும் விகாரமாய்த் தெரியும் விரிசல்கள் எனக்குச் சொல்வதெல்லாம் உறவின் நினைவுகளைப் போல முறிவின் சுவடுகளும் அழியாதவை என்பதே.

கருத்துவேறுபாடு என்பது தவிர்க்க முடியாததாயினும், அதுபற்றிய பேச்சு விவாதமாக உருவெடுத்த தருணம் தவிர்க்கப்பட்டிருப்பின் இந்த உறவு முறிவுகள் நிகழ்ந்திருக்காதோ என்னவோ.

சின்னச் சின்ன விஷயங்கள்தான் பெரிய உறவுகளுக்கு வேட்டுவைக்கிறது. இதற்கெல்லாம் பெரும்பாலும் நமது 'தான்' என்ற கர்வமமும் (ego), அது தொடர்பான விருப்பு வெறுப்புகள் மற்றும் எதிர்ப்பார்புகளும் காரணமாக அமைந்துவிடுகிறது. ஒருவரைப் பற்றிய எதிர்பார்ப்புகள் அதிகமாக இருக்கும் சூழலில், எதிர்ப்பார்புகளுக்கு கொஞ்சம் முரணாக இருந்தாலும், தடாலடியாக அவரைப் பற்றிய ஒரு நேர்முரணான கருத்துக்குத் தாவி (jumping to the opposite conclusion), அதனாலேயே பல உறவுகள் முறிகின்றன. எதிர்பார்புகளற்ற உறவுகளைப் பாருங்கள், ஹை-பை என்று எப்போதும் போல் நம் வாழ்நாள் முழுவதும் தொடர்கிறது- அவர்களோடு ஓஹோ என்று ஒட்டும் இல்லை, உறவும் இல்லை, அதனால் என்றும் அவர்களிடமிருந்து உறவு-முறிவு (break of relationship) பற்றிய சாத்தியத்திற்கு இடமில்லை.

தான் நினைப்பதுதான் சரி என்ற கண்ணோட்டம், 'உனக்கென்ன தெரியும்?', 'உன்னை விட எனக்கு இதில் அதிக அனுபவம் இருக்கு', 'உன் வயசு என்ன, என் வயசு என்ன?' என்றெல்லாம் அடுத்தவர் மீது கருத்து ஆக்கிரமிப்பு நடத்த முற்படும் தருணங்களில் நட்பின் உறவு (bondage of friendship) மெல்ல அறுகிறதை சம்பந்தப்பட்ட நபர்கள் உணரத் தவறுகிறார்கள். நட்பின் உறவு என்பதன் தேவையை உணர்ந்து, இரண்டு கை தட்டினால் தானே ஓசை என்று எல்லாவற்றையும் பொருத்துக்கொண்டு போய்விடுவதேகூட சாலச் சிறந்ததோ என்று கூடத் தோன்றுகிறது... ஆனால் அது சுத்த பிற்போக்குத்தனமாயிற்றே... அதைத்த்தானே நமது பெண்குலம், காலம்காலமாக செய்துகொண்டு வருகிறது.
ஒருவரை ஒருவர் புரிந்துகொள்ளாமல் வெறும் வெளித்தோற்றத்தினால் அமைந்த சமாதானமானது பலவகையில், திருமண வாழ்கைக்குப் பொருத்தமாகவே இருந்து வந்திருக்கிறது (இப்போதும் இருக்கிறது).

கடந்தமுறை விடுமுறைக்கு ஊருக்குப் போயிருந்தபோது, நீண்டகாலம் முன்னர் காதல் திருமணம் செய்துகொண்ட ஒரு ஜோடி, அப்போது ஒருவரோடு ஒருவர் பேசிக்கொள்வதேயில்லை என்ற நிலையிலிருந்ததைப் பார்க்க நேர்ந்தது. 'நேற்றுவரை நல்லாத்தானே இருந்தீர்கள், இன்று என்ன ஆச்சு உங்களுக்குள்? நீயாவது சமாதானமாப் போகலாமேமா' என்று மூன்றாவது நபர் யாராவது குறுக்கிட்டு உபதேசித்தால் (அல்லாது ஆலோசித்தால்), 'இல்லை, இல்லை, என்னிக்குமே அவன் அப்படித்தான், குழந்தைக்காகத்தான் நான் இத்தனை நாளும் பல்லைக்கடித்துக் கொண்டிருந்தேன்' என்கிறாள். அவனிடம் கேட்டால், அகிரா குரோசவாவின் ரஷோமான் போல (அதான், நம்ப விருமாண்டி திரைக்கதை ஸ்டைலில்) அவன் பங்கிற்கு ஒரு கதையை சொல்கிறான். அதுவரை அவர்கள் காத்து வந்தது பொறுமையா, சகிப்புத்தன்மையா... எதுவாக இருந்தாலும் அதிலும் ஒரு சுயநலத்தேவையும் இல்லாமல் இல்லை, இல்லையா? ஆனால், அந்த சுயநலத்தில் என்ன தவறு இருக்கிறது, ஒவ்வொன்றினையும் இது உண்மையான அன்பா, காதலா, நட்பா என்ற ஆராய்ச்சிக்கு உட்படுத்தினால், எந்த உறவுமே நீடிக்கப்போவதில்லை.

***

இனிய பொங்கல் வாழ்த்துக்கள் - ஜல்லிக்கட்டு புகைப்படங்கள்

2008-01-09T15:10:00.000+03:00

அனைவருக்கும் என் இனிய பொங்கல் நல்வாழ்த்துக்கள்!

தென் தமிழ் நாட்டின் பாரம்பரிய விளையாட்டும், மண்ணின் மணம் கமழும் ஜல்லிக்கட்டு வீரவிளையாட்டிற்கு சுப்ரீம் கோர்ட் தடை விதித்தது வருத்தத்திற்குரியது. ஸ்பெயின் நாட்டில் நடைபெறும் bull fightஐ விட இதிலொன்று அப்படி ஒரு கொடுமை எல்லாம் மஞ்சுவிரட்டு (chasing the bull) என்றும் அழைக்கப்படும் இந்த விளளயாட்டில் நடந்துவிடுவதில்லை. இந்த விளையாட்டில் பங்கு பெருபவர்களுக்கும், வேடிக்கை பார்ப்பவர்களுக்கும் ஆபத்து நிகழாமல் இருப்பதுதான் முக்கியம். தகுந்த பாதுகாப்பு நடவடிக்கைகளுடன் இந்த ஜல்லிக்கட்டு எப்போதும் போல் தொடர்ந்து நடைபெறுவதையே நானும் விரும்புகிறேன்.

ஊச்சப்பன் அவர்கள் எடுத்த இது போன்ற அருமையான புகைப்படங்கள் இங்கே நிறைய காணக்கிடைகின்றன.

என்னைக் கவர்ந்த லோகோக்கள் (Logos)

2008-01-09T14:01:00.000+03:00

சில லோகோக்கள் (உங்கள் பார்வைக்கு):அமேஸான் நிறுவனத்தின் இந்த லோகோ என்ன சொல்கிறது - A முதல் Z வரை; தவிர கீழே ஒரு புன்னகை.EIGHT - ஒவ்வொரு எழுத்தைக் குறிக்கவும் '8' என்ற எண்ணின் ஒரு பகுதிதான் பயன்படுத்தப்பட்டு இருக்கிறது.

ரீடர்ஸ் டைஜஸ்ட் பத்திரிக்கையின் ஃபாமிலீஸ் மற்றும் மேரேஜ் இதழ்கள்
ஃபெட் எக்ஸ்
ஐ.பி.எம். நிறுவனம்

இந்திய வெற்றி - ஆஸ்திரேலியாவுடனான கிரிக்கெட்

2008-01-06T08:00:00.000+03:00

முன்குறிப்பு: சில மணித்துளிகளுக்கு முன்பு நிறைவடைந்த சிட்னி டெஸ்ட் போட்டியைப் பொறுத்தவரை, ஆட்டத்தின் போக்கினை ஆட்டக்காரர்களைவிட நடுவர்கள் (Umpires) அதிகமாக முடிவு செய்தார்களென்றே எனக்குப்படுகிறது. அந்தவகையில், அம்பையர்கள் ஸ்டீவ் பக்னரும், மார்க் பென்ஸனையும் சேர்த்து ஆஸி அணிக்குப் பதிமூன்று ஆட்ட்டக்காரர்கள் எனலாம்.

ஆண்ட்ரூ சைமண்ட்ஸிற்கு மூன்று வாழ்வுகள் முதல் இன்னிங்க்ஸில் (இதில் சைமண்ட்ஸே ஒப்புக்கொள்கிறார் 30 ரன்னில் அவர் அவுட் என்று); இரண்டாவதில், மைக்கேல் ஹஸ்ஸி; இந்தியா மட்டையுடன் களமிறங்கியபோதோ, அம்பையரிங் இன்னும் மோசம். வாசிம் ஜாஃபர் முதல் இன்னிங்ஸில் அவுட் கொடுக்கப்பட்டது ஒரு No Ballலிலாம்! . இரண்டாவது இன்னிங்ஸில், ராஹுல் திராவிட்டின் மட்டைக்கும் பந்துக்கும் ஒரு மைல் இடைவெளி இருந்தபோது caught behind out கொடுத்தார் ஸ்டீவ் பக்னர் என்றால், மார்க் பென்ஸனும் தன் பங்கிற்கு கங்கூலியை போட்டுத் தள்ளினார், என்னமோ என்கவுண்டரில் போடுவதுபோல. டிவி ரிப்ளேக்கள் தொடர்ந்து சொல்கிறது மைக்கேல் க்ளார்க் கேட்சை ஒழுங்காகப் பிடிக்கவில்லை என்று. எதுவாக இருந்தாலும், இந்தப் பதிவின் நோக்கம் அம்பையரிங்கைக் குறை கூறுவதன்று. அம்பயரிங் மட்டும் நடுநிலைமைத் தன்மையோடு இருந்திருந்தால் இந்தப் போட்டியும் கீழ்காணும் பட்டியலில் இடம்பிடித்திருக்கும் என்றே நான் நம்புகிறேன்.

ஆஸ்திரேலியாவ்விற்கெதிரான இந்திய வெற்றிகள்

வான்கடே ஸ்டேடியம், மும்பை - நவம்பர் 2004 (click for scores)

முதல் நாளே, முதல் இன்னிங்ஸில்104 ரன்களுக்கு ஆட்டமிழந்த இந்திய அணி, கற்பனை செய்து கூடப் பார்த்திருக்காது இந்தப் போட்டியில் வெல்லும் என்று. இரு அணிகளும் சொற்ப ரன்களுக்கு ஆட்டமிழந்த இந்த பந்தையத்தில் இந்திய வெற்றியைச் சாத்தியப்படுத்தியவர் ஹர்பஜன் சிங்தான் (5/29); 93 ரன்களுக்கு ஆஸியை சுருட்டி 13 ரன்களில் இந்தியா வென்றது. கும்ளே, ஹர்பஜன், முரளி கார்த்திக் என மூன்று சுழற்பந்துவீச்சாளருடன் களமிறங்கிய இந்திய அணி, ஆஸியியை முதல் இன்னிங்ஸில் குறைவான ரன்னுக்கு ஆட்டமிழக்கச் செய்தது. முதல் இன்னிங்ஸில் திராவிட் ஆட்டமிழக்காமல் 31 ரன்களிலும், இரண்டாவதில் லட்சுமண் (69) டெண்டுல்கர் (55) ஆகியோரின் ரன் சேகரிப்பும் பயனுள்ள பங்களிப்புகள்.

அடிலைட் ஓவல் - டிசம்பர் 2003 (click for scores)

ஆஸியின் முதல் இன்னிங்ஸ் ஸ்கோர் 556; அதில், ரிக்கி பாண்டிங் 242; எனினும் அசராத இந்தியா திராவிட் (233) லட்சுமண் (148) துணையில் 523 ரன்கள் குவித்தது. அப்புறம் அஜித் அகர்கர் வேற... என்னிக்கும் இல்லாத அசத்தலான பந்துவீச்சா.. .கேட்கவே வேண்டாம்...6 for 41!

சேப்பாக்கம், சென்னை - மார்ச்சு 2001 (click for scores)

மேத்யு ஹேடன் 203
டெண்டுல்க்கர் 126
ஹர்பஜன் சிங்கின் அபாரமான பந்து வீச்சு (7/133 மற்றும் 8/84)
முதல் இன்னிங்ஸில் 501 ரன்கள் எடுத்தபோதும் இறுதி வரை பரபரப்பாகப் போய், இரண்டு விக்கெட்டில் இந்தியா வெற்றி.

ஈடன் காடன்ஸ், கொல்கத்தா - மார்ச்சு 2001 (click for scores)

ஆஸியின் 445க்கு இந்தியா முதல் இன்னின்ஸில் 171 ரன்களே எடுக்கமுடிந்தது. Follow-onல் மீண்டும் களமிறங்கிய இந்திய அணி குவித்ததோ 600+ ரன்கள்; லட்சுமண் (281) - திராவிட் (181) ஜோடியின் அபாரமான பார்ட்னர்ஷிப்பில் 381 குவிந்தது ரன்.

சேப்பாக்கம், சென்னை - மார்சு 1998 (click for scores)
சச்சின் டெண்டுல்கரின் 155...!

ஃபெரோஸ் ஷா கோட்லா, புதுடெல்லி - அக்டோபர் 1996 (click for scores)

நயன் மோங்கியாவின் 152 ரன்கள்; அவர் வாழ்கையிலேயே மறக்க முடியாத இன்னிங்க்ஸ்... பலருக்கோ, நம்பமுடியாத ஒரு உண்மை!

ஈடன் கார்டன்ஸ், கொல்கத்தா - மார்ச்சு 1998 (click for scores)

ஜவாகல் ஸ்ரீநாத் ஏற்படுத்திக்கொடுத்த அபாரமான துவக்கம், ஆரம்பம் முதலே இந்தியாவிற்கு ஏறுமுகம்தான்; நமது மட்டைக்காரர்கள் களமிறங்கியபோதோ, ரன்கள் மளமள வென்று வந்து கொண்டே இருந்தது; 663 ரன்கள் ஸ்கோரில், 5 ஆட்டக்காரர்கள் அரைசதம் அடிக்க அசாருதீன் ஒருவரால் மட்டுமே சதம் அடிக்க முடிந்தது.

இந்தப் போட்டிகள் எல்லாவற்றிலுமே இரண்டு ஆட்டக்காரர்கள் என் கவனத்திற்கு வருகிறார்கள் - லட்சுமண் மற்றும கும்ப்ளே; பெரும்பான்மையான போட்டிகளில் இந்திய வெற்றிக்கு அவர்கள் நல்ல வகையில் பங்களித்துள்ளதாக அறிந்துகொள்கிறேன்.

சேப்பாக்கம், சென்னை - செப்டம்பர் 1986 (click for scores)

இந்த பட்டியலில் இதை நான் சேர்த்ததற்குக் காரணம், ஒரு சாதாரண draw ஆகக்கூடிய போட்டியை ஒரு challengeஆக எடுத்துக்கொண்டு விளையாடிய இந்திய அணியின் spirited chaseஐ என்னால் மறக்கவேமுடியாது. உடல் நலக் குறைவையும் பொருட்படுத்தாது இயன்ற வரை கிரிஸில் தனது தலைவன் ஆலன் பார்டருடன் விளையாடி 200க்கும் மேல் ரன்களைக் குவித்த டீன் ஜோன்ஸ் அனைவரது மனதையும் தன் விடாமுயற்சியல் கொள்ளை கொண்டார் என்றால் அது மிகையாகாது. அதே விடாமுயற்சி இரு அணிகளில் ஆட்டத்திலும் கடைசி நாள் இறுதிகட்ட ஆட்டம் வரை தொடர்ந்தது. நான்காவது இன்னிங்ஸில் 340+ ஓட்டங்களை chase செய்ய முடிவு செய்ததே பெரிய விஷயம்.

மெல்பர்ன் - பிப்ரவரி 1981 (click for scores)

முதல் இன்னிங்க்ஸில் சதமடித்த குண்டப்பா ராவ் விஷ்வநாத், ஆஸ்திரேலிய வீரர்களை அவ்வளவு எளிதில் ரன் எடுக்க விடமுடியாதபடி கச்சிதமாகப் பந்துவீசிய திலீப் தோஷி, இந்தியாவை மீண்டும் ஆட்டத்திற்குக் கொண்டுவந்த இரண்டாவது இன்னிங்க்ஸின் சுனில் கவாஸ்கர்-சேத்தன் சௌஹான் ஜோடியின் 165 ரன் அபாரமான பார்ட்னர்ஷிப் - இவை எல்லாவற்றையும் விட கடைசிநாளில், painkillerகளை உட்கொண்டு ஆடுகளத்தில் இறங்கி நம் மானத்ததக் காத்த கபில் தேவின் magic spellல்லால் வந்த இந்திய வெற்றி எல்லாமே மறக்க முடியாத வெற்றியாக்கிவிட்டது. எனினும், இந்த டெஸ்டின் மிகவும் மறக்க முடியாத வரலாற்றுச் சம்பவம் என்னவென்றால், அணித்தலைவர் சுனில் கவாஸ்கர் செய்த walkout சம்பவம்தான். ஒரு கோபத்தில்/ஆத்திரத்தில், ஆஸ்திரேலியாவிற்கு இந்தப் போட்டியை forfeit செய்வதாக அவர் அறிவித்தபோது, அணியின் மேலாளரே களமிறங்கிவந்து நிலைமையைக் கட்டுக்குள் கொண்டுவந்தார். சுனில் கவாஸ்கர் இந்த சம்பவத்திற்கு பின்னாட்களில் அதிக வருத்தம் தெரிவித்தார். The following is quoted from his Idols... "That (the walkout) was the most regrettable incidents of my life. Whatever may be the provocation and whatever the reason, there was no justification for my action and I realize now that I did not behave the way a captain and sportsman should..." இப்படி பகிரங்கமாக தனது தவறை ஒப்புக்கொண்ட சுனில் கவாஸ்கர் அவர்களை என் உள்ளம் கவர்ந்த ஆட்டக்காரர்களில் ஒருவர் என்று சொல்லிக்கொள்வதில் நான் பெருமைபடுகிறேன். மேலும் சில இந்திய வெற்றிகள்

க்ரீன் பார்க், கான்பூர் - அக்டோபர் 1979

வான்கடே, மும்பை - அக்டோபர் 1979

சிட்னி - ஜனவரி, 1978

மெல்பர்ன் - ஜனவரி 1978

புதுடெல்லி - டிசம்பர் 1969

ப்ரபோர்ன் ஸ்டேடியம், மும்பை - அக்டோபர் 1964

க்ரீன் பார்க், கான்பூர் - டிசம்பர் 1959

***

பின்குறிப்பு: இந்தப் பதிவைப்போடத் துவங்கும் சமயத்தில் என்னவோ, இந்திய அணியின் வெற்றி வாய்ப்பு பிரகாசமாகத்தான் இருந்தது; அது நேற்றைய கதை! இன்று காலையோ, 'Publish Post' பொத்தானை அமுக்க ஆயத்தமான தருவாயில்கூட, இந்தத் டெஸ்ட் டிராவை நோக்கி நகர்வதாகவே நினைத்தேன்; எனினும், இறுதி வரை காத்திருக்க முடிவு செய்துவிட்டுப் பார்த்தால்... சே-ன்னு ஆயிடுச்சு! யாரிந்த மைக்கேல் க்ளார்க்...? இந்த மேட்சில் உருப்படியாக ஒன்றும் செய்ததாகத் தெரியவில்லை (முதல் இன்னிங்ஸில் 1, இரண்டாவதில் டக்!)... ஆனால், penultimate overல் இந்தியாவின் கதையையே முடித்துவிட்டாரே! ஒரு ஓவரில் எல்லாம் கனவாகப் போய்விட்டது. சரி, ஒரு ஆறுதலாகப் போகட்டும் என்றே, இதை நான் பதித்துத் தொலைக்கிறேன். சொல்லமறந்துட்டேனெ... இது என் 50ஆவது பதிவு!

Happy New Year வாழ்த்து பாடல் in Tamil film

2008-01-02T18:17:00.000+03:00

Caution: This is an English blog; but one needs to know Tamil to read it.

Hi Everybody,

Wish You Happy New Yearrrrrrrrrrrrrrrrrrrrrrrrrr.

The song from Sakalakalavallavan that I heard yesterday still does some ரீங்காரம் in my ears..

ஹாய் எவ்ரி படி
விஷ் யூ ஹேப்பீ நியுயியர்
ஹே... ஏ... ஏ... ஏ...

இளமை இதோ இதோ
இனிமை இதோ இதோ

Glitter Graphics - GlitterLive.com

Not only the greetings message of religious heads and our political leaders we see as routines on New Year Day, but also the telecast/broadcast of this song from Sakalakalavallavan have also become a regular feature on New Year Day in most of the Tamil Channels/FMs. Ilamai ithO ithO Inimai ithO ithO… is simply a rocking song that rocks today's youth too. And I wont be surprised to see a remix of that song in any of the upcoming tamil movie, given the success these remixes generates in Tamil film song lovers nowadays, to name a few –

'என்கேயும், எப்போது சங்கீதம் சந்தோஷம்...' (Polladavan; Stg-Dhanush)
'வெத்தலையப் போட்டேன்டீ...' (Billa; Stg: Ajith)
பொன்மகள் வந்தாள்' (Azhagiya Thamizh magan; Stg-Vijay)
'என்னாச மைதிலியே என்னை நீ காதலியே' (Manmadhan; Stg-Simbu)
'ஏ ஆத்தா ஆத்தோரமா வாரியா...' (Malaikkottai; Stg-Vishal)
'என்னடி முனியம்மா' (Vaathiyar; Stg-Arjun)

Though the song is totally based on the strength of Kamal's image, the success of இளமை இதோ இதோ... should be attributed to Ilayaraja, SPB and AVM too. Almost around the same time another new year song that was also quite popular for some years was that TMS sung 'நல்லோர்கள் வாழ்வைக் காக்க நமக்காக நம்மைக் காக்க ஹேப்பி ந்யூ இயர்' from the film SANGILI (a Sivaji starrer, but more notably the debut film for Prabhu). சிவாஜி கோட்-சூட்டில் தொந்தியும் தொப்பையுமாக ஆடும் பாடல்.. M.N.நம்பியர் தான் வில்லன். 'NO17' தலைகீழே பார்த்தால் LION என்று தெரியுமே... நியாபகம் வருதா...? I remember DD's Oliyum OLiyum that used to telecast host of other New Year songs such as the one from the K.Balachander's film Nootrukku Nooru, 'உன்னை வாழ்த்திப்பாடுகிறேன், நீ வரவேண்டும்...' - அது ஜிகினா உடையில் ராஜஸ்ரீ என்று நினைக்கிறேன்; then we also had 'தங்கமகள்... துள்ளி வந்தாள்......புத்தாண்டு வாழ்த்துக்கள்ள்ள், எல்லோரும் பாடுங்கள்' (அதுக்குமேல lyrics சுத்தமா நியாபத்திற்கு வரலை) from one Sivaji-Prabu-Ambika starrer (படம்? Theerpu or Thiruppam?) I am also reminded about another new year song from the film Paalaivanacholai... I think that was 'பௌர்ணமி நேரம் பாவை ஒருத்தி...'.

நல்ல நியாபகத்துக்கு வரும் நியூ இயர் பாடல் என்றால் அது மணிரத்தினம் இயக்கிய 'அஞ்சலி' படத்தில் நிஷாந்தி ஆடிய க்ரூப் டான்ஸில் வரும் கோரஸ் பாடல் 'இரவு நிலவு உலகை அழைக்க நினைத்தது...'. Apart from this, is there any New Year song from other Tamil films that comes to your mind...please let me know. The above songs came under different circumstances in these films, yet they conveyed some message/greetings for new year.

After a very long gap of years, or even for the first time I would say… இளமை இதோ இதோ song made me to think about the relevance of that song to the eve of New Year. However, a close look at the lyrics of Sakalakalavallavan song will reveal that the song has nothing to offer as New Year message, but it is all about Kamal's histrionics only. The film Sakalakalavallavan is no doubt a landmark in the career of Kamal; it came at a time when Kamal was trying to switchover from his 'Kadhal Illavarasan' mode to assume a higher and a more sophisticated 'Sakalakalavallavan' form. The film was undoubtedly a huge commercial success (even eclipsing the much better எங்கேயோ கேட்ட குரல் of Rajni). The film belonged to the time when I happened to witness regular battles fought in my class room between Kamal and Rajni fans – a battle that went for almost a decade. This film released under AVM banner cornered widespread acceptability throughout the state in all three centers, thereby expanding the mass base of Kamal to B and C centers as well (until then, I think Kamal was considered a hero with base in A center only). Though the story or screenplay of Sakalakalavallavan offered nothing new to Tamil cinema, the success of the film made the producers/directors to adopt the same formula for many years. Critics on the other hand point out that this is the movie which played a spoilsport in the genuine movie makers' attempt to present Tamil cinema in an artistic form.

Well, coming to this song, let us see what Kamal demonstrates in this socalled newyear song –
கம்பெடுத்து ஆடுவேன்
கத்திச் சண்டை போடுவேன்
குத்துவதில் சூரன் நான்
குஸ்திகளில் வீரன்நான்

The fiery combatant in Kamal comes out in the above lines, thanks to the lyrics of Vaali. His skills in Gusthi (boxing?) and Silambattam (traditional martial art) and Fencing (அதாங்க... நம்ப எம்ஜியாரும் நம்பியாரும் போடுவாங்களே... கத்திச்சண்டை!) all finds a place. Then he goes on telling about his dancing skill... Kamal also speaks about his popularity among females (காலேஜ் டீனேஜ் பெண்கள் எல்லோர்க்கும் என்மீது கண்கள்) and also swollen with pride that he was successful in Hindi movies too (ஏக் துஜே கேலியே, ஏண்டி நீ பார்த்தியே???) and also does some acrobats (குட்டிக்கரணம், then lifts two ladies in each of his hands)... and Kamal entertains ridding a motor bike, then smashes a glass window, does some Roller skating… all he had reportedly done by himself without the support of any dupe artiste – oh, a real sakalakalavallavan indeed! Kamal also doesn’t not fail to throw some light on his film career; he hints about his versatility in taking up different kind of roles (eg: Kalyanaraman) and reminds the audience that he is in the scene since a long time (from the days of his childhood in Kalathoor Kannamma).

The following lyrics needs no explanation..
''வாலிபத்தில் மன்மதன்
லீலைகளீல் மன்னவன்
ராத்திரியில் சந்திரன்
ரசிகைகளின் இந்திரன்
நான் ஆடும் ஆட்டம் பாருங்கள்
நிகர் ஏது கூறுங்கள் (here is where I have to admit that Kamal was matchless in his heydays; at that time, there was no Prabu Deva, Raju sundaram, Lawrence… even though Anand Babu made his debut couple of years later, Babu was still unable to match Kamal in style and grace)
நான் பாடும் பாட்டைக் கேளுங்கள்
கைத்தாளம் போடுங்கள்
ஊர் போற்றவே பேர் வாங்குவேன்
நான் தான் சகலகலா வல்லவன்''
next stanza goes like this -
இந்தியிலும் பாடுவேன்
வெற்றி நடை போடுவேன்
ஏக்துஜே கேலியே.. லலா லலா
ஏண்டி நீ பார்த்தியே லலா லலா

எனக்காக ஏக்கம் என்னம்மா
களத்தூரின் கண்ணம்மா
உனக்காக வாழும் மாமந்தான்
கல்யாணராமன் தான்
நாள்தோறும் தான் ஆள் மாறுவேன்
நான் தான் சகலகலா வல்லவன்''

However, as far as the lyrics of the next stanza are concerned, I would rather dismiss it as something more clichéd exaggeration which no hero of Kollywood, Tollywood or Bollywood is found inculpable in my judgment.

''என்னை யாரும் ஏய்த்தால் ஆகாது
அதுதானே கூடாது
என்னை வெல்ல யாரும் கிடையாது
எதிர்க்கின்ற ஆளேது
யார் காதிலும் பூச்சுற்றுவேன்
நாந்தான் சகலகலா வல்லவன்''

என்ற பாடல் வரிகள் வரும்போது, ஏ.வி.எம்.புஷ்பலதா (படத்தில் அம்பிகாவின் அம்மா) போல வாயைப் பிளந்துகொண்டு ஒருவித பிரம்மிப்போடு டிவி முன்பாக உட்கார்ந்து கொண்டு என் பால்ய காலங்களில் பார்த்தவந்தான் நானும்.

and back again to the Pallavi…

இளமை இதோ இதோ
இனிமை இதோ இதோ
காலேஜ் டீனேஜ் பெண்கள்
எல்லோர்க்கும் என் மீது கண்கள்

And so, the song is all about Kamal Hassan and nothing about New Year baring that first line – 'hi everybody wish you happy newyear', which infact, is not a part of the song at all, but only the prelude of the song – 'so what?' you may ask me. Whenever this song is projected as a New Year song, no doubt it will be a virtual treat for all his fans; but for the rest of us..? Anyhow, if this song takes you to your joyful youthful days, that is the best thing that this song has done, and if it really does take you to your golden olden days of your adolescent years, then that is the best thing that I have done by writing this piece.

Have a beautiful year ahead!

Cheers!

தமிழில் குறும்படங்கள் (Short films)

2007-12-27T11:15:00.000+03:00

இணையத்தில் கண்ட சில குறும்படங்களை உங்களோடு பகிர்ந்து கொள்ள விழைகிறேன். எனது கணினியில் ஆடியோவசதி இல்லாததால், ஆங்கில சப்-டைட்டில் உதவியுடன் சில படங்களைப் பார்க்க நேர்ந்தது. சில நிமிடங்களே திரையில் ஓடி, பார்வையாளரை/விமர்சகரை பல வரிகள் பேசவைக்கிறதா, அதுவே படத்தின் வெற்றி. அவற்றில் சில:

The Way (இயக்கம்: ராம்) என்றொரு அற்புதப் படம். தவளை (The Frog) என்று கூட தலைப்புக் கொடுத்திருக்கலாம். ஒரு தவளை ஜீவித்திருக்கும் சொற்ப காலத்தில் சந்திக்க நேரும் ஆபத்துகள்தான் எத்தனை... ஆபத்துகள் அற்ற பாதை என்றுதான் ஏதாவது இருக்கிறதா - இப்படித்தான் நான் புரிந்துகொண்டேன். The Way

மனதில் பதிந்த இன்னுமொரு படம் Memories (நினைவுகள்). எதிர்பார்த்தது போலவே போகும் கதையாக இருந்தாலும், படத்தின் சிறப்பம்சமாக நான் கருதுவது மிகச்சில கணங்களே வந்து போனாலும் நினைவில் நிற்கும் முகங்களான அஷோக்-நர்மதா ஜோடியையும் D. பிரவிண் குமாரின் ஒளிப்பதிவையும். Memoriesஐ எழுது இயக்கி தயாரித்திருப்பவர் ராகேஷ் ஸ்ரீதர். Memories

மேலும் சில படங்கள்:

ரசிகன்
தயாரிப்பு: L.V. பிரசாத் மற்றும் TV அகாதமி
இயக்கம்: சுதர்சன்

பாவி
R. பாரத்சிம்ஹன்

2025
இயக்கம் - ஹேமந்த் குமார்

குறும்படங்கள் பற்றிய மேலதிக விவரங்களுக்கு சென்னை கே.கே. நகரிலுள்ள திரு. பாலச்சந்தர் அவர்களை அணுகலாம் (கைப்பேசி எண்: 98842 84348). அவர் கைப்பேசிக்கு அடித்த போது, ரஜினியின் பாடலான ‘பொதுவாக எம்மனசு தங்கம், ஒரு போட்டியின்னு வந்துவிட்டா சிங்கம்’ ஒலித்தது... உண்மையிலேயே, மனிதருக்குத் தங்கமனசுதான். DisABILITY என்றதொரு யதார்தமான படத்தொகுப்பை அவர்பங்குக்கு upload செய்துள்ளார். ஒவ்வொருவரும் பார்க்கவேண்டிய தொகுப்பு அது.

Link:
குறும்பட விழா பற்றி இணையத்தில் வந்த செய்தி

கத்தார் (Qatar) விடுமுறை நாட்களில்

2007-12-26T11:06:00.000+03:00

பிழைப்புத்தேடி இங்கு வந்த பலருக்கு (குறிப்பாக கட்டுமானத் துறையில் பணிபுரிபவர்களுக்கு) விடுமுறை தினம் என்பது ஒரு வரப்பிரசாதம்; அன்று வேலைக்குப் போகவேண்டாம் என்பதற்காக அல்ல, அந்த விடுமுறை தினத்தில் பணிசெய்தால் Over Timeஆகக் கருதப்பட்டு கூடுதல் காசு பார்க்க முடியும் என்பதற்காக; இல்லையென்றால், வருடாந்திர விடுப்பு (annual vacation)சமயத்தில் ஒரு தினம் கூடுதலாகக் கிடைக்க வழிசெய்யும் என்பதற்காக. உடனே, ஹோலிடேய் என்பது ஜாலிடேய்தான் என்று கருதவேண்டாம். அந்நிய தேசத்தில் குடும்பத்தாரிடமிருந்து பிரிந்து வாழுதல் என்பது ஈடுசெய்யமுடியாத ஒரு இழப்பு. அதுவும் நல்ல கம்பெனியோ, நல்ல பணிசெயும் சூழலோ அமையாவிட்டால் மன அழுத்தம்தான் அதிகரிக்கும். நண்பர்கள், தங்குமிடம், போக்குவரத்து என்று எல்லாம் நல்லபடியாக அமைந்தால் கடவுளுக்கு நன்றி சொல்லியே ஆகவேண்டும்.

வருடத்திற்கு இருமுறை (ரம்ஜான் மற்றும் பக்ரீத்) வரும் தொடர்விடுமுறைகள், சிலருக்கு அண்டைநாடுகளான அமீரகம் (UAE), பெஹ்ரெயின், ஒமான் என்று சென்றுவர உதவுகிறது. சிலருக்கு கத்தாரிலேயே இருக்கும் தங்கள் சொந்தபந்தங்களை, நாட்டு நண்பர்களை, ஊர்க்காரர்களை சந்திக்க ஒரு அருமையான வாய்ப்பாக அமைகிறது. இந்த டிசம்பர் மாத கடைசி இரண்டு வாரங்களில் வரும் விடுமுறைகள் உண்மையிலேயெ பாலைவனச் சோலைதான் - டிசம்பர் 18 (கத்தாரில் தேசிய தினம்) 19 முதல் 22 வரை (5 தினங்கள் பக்ரீத் பண்டிகைக்காக) 25 (கிருஸ்மஸ்), 28 (வார விடுமுறை - வெள்ளிக்கிழமை) 31 (நியூ யியர் ஈவ்).......

இந்த விடுமுறையில் சொல்லிக்கொள்ளும்படி செய்த காரியம் - நாங்கள் இருக்கும் பகுதியிலிருந்து ஒரு 175 கிமி தொலைவிலுள்ள உம் சைத் (Umsaied) என்ற இடத்திற்குச் சென்று வந்ததுதான். மற்றவை புகைப்படங்களில் காண்க.

Links:

கானகத்தார் வலைப்பதிவில் கத்தார் (Qatar)

கிருஸ்துமஸ் நல்வாழ்த்துக்கள் - Merry Christmas

2007-12-24T15:20:00.000+03:00

Flash Comments at WishAFriend.com">

''தேன் இனிமையிலும் இயேசுவின் நாமம்
திவ்விய மதுரமாமே - அதைத்
தேடியே நாடி ஓடியே வருவாய், தினமும் நீ மனமே''

முன்பெல்லாம் விவித் பாரதியில் காலை எட்டேகால் முதல் எட்டரை வரை இந்து, முஸ்லிம், க்ரிஸ்டின் என மூன்று சமயத்தாரையும் திருப்திப்படுத்தும் வகையில் பக்திப்பாடல்கள் ஒலிபரப்புவார்கள். பள்ளிக்கூடத்திற்குக் கிளம்பும் அவசரத்தில் எதேச்சையாக காதில் விழுந்தும், அடிக்கடிக்கேட்க நேர்ந்ததாலும் அப்படியே மனதில் தங்கிய வரிகள்தான் அது - தேனினிமையிலும் ஏசுவின் நாமம் பாடல்.. இந்தப் பாடலை யார் எழுதினார்கள் என்பதை என்னால் அறிந்துகொள்ள முடியவில்லை. ஆனால், ஜிக்கி அம்மாவின் இனிமையான குரலில் இந்தப் பாடலைக் கேட்டதாக நினைவு.

உங்கள் எல்லோருக்கும் கிருஸ்துமஸ் நல்வாழ்த்துக்கள்!

திருவனந்தபுரம் பத்மநாப சுவாமி கோயில்

2007-12-23T10:50:00.000+03:00

அண்மையில் திருவனந்தபுரம் சென்று வந்த எனது தந்தையார், அங்கு எடுத்த சில புகைப்படங்களை நேற்று எனக்கு மின்மடல் மூலம் அனுப்பியிருந்தார். அவற்றில் சிலவற்றை உங்களோடு பகிர்ந்துகொள்கிறேன் - அனந்த பத்மநாப ஸ்வாமி திருக்கோயிலுக்குச் செல்லும் வீதி, குளம் மற்றும் கோயில் நுழைவு வாயில்.

இதுவரை, ஐந்து முறை திருவனந்தபுரம் சென்றுள்ளேன். 1981, 1983 மற்றும் 1990களில் உறவினர் இல்லத் திருமணத்திற்காகப் பெற்றோரோடும், 1994ல் திரைப்பட விழாவைக் காணும் முன்னிட்டும், 2000ல் அலுவலக காரணங்களிலானும் - இப்படிப் பல்வேறு காரணங்களால் சென்றிருந்தாலும், ஒவ்வோருமுறையும் அனந்தபத்மநாபனை சேவிக்க மட்டும் மறந்ததில்லை.

பழைய பாரம்பரியத்தின் சாயல்களும், நவீன கலாச்சாரப் படையெடுப்பின் தாக்கமும் ஒட்டியொட்டிக காணப்பட்ட ஆலயத்தினருகில் நான் கடைசியாகப் பார்த்த திருவனந்தபுர தெருக்களின் காட்சியைத்தான் இந்த புகைப்படங்கள் நியாபகப்படுத்துகிறது. நான் கண்ட நகரங்களிலேயே மிகவும் எளிமையான தோற்றத்தைத் தரும் ஒரு மாநிலத் தலைநகரம் எதுவென்றால் அது திருவனந்தபுரம்தான் என்று அறுதியிட்டுச் சொல்வேன். சாதாரண மனிதன் முதல் சனிமா நட்சத்திரங்கள் போன்ற பிரபலங்கள் வரை எளிமையையே ஆபரணமாகப் பூண்டிருந்த கேரள சமுதாயம் இன்றைய நுகர்வோர் கலாச்சாரயுகத்தில் எப்படி இயங்குகிறது என்பது வேறு விஷயம். ஆனால், கேரளத்தின் அடையாளம் என்று சொல்லும்போது என் நினைவுக்கு வருவது கதகளி, மோகினியாட்டம், களரிபயட்டு, தரவாடுகள், திருச்சூர் பூர யானைகள் அணிவகுப்பு, படகுப் போட்டி, ஓணம் பண்டிகை.. இதோடு பத்மநாப சுவாமி கோயில் கோபுரம்தான்.

திருவனந்தபுரத்தின் பெயர்க்காரணத்தை யாவரும் எளிதில் யூகித்துவிடலாம். 108 திவ்ய தேசங்களில் ஒன்று. தாமரை மணாளன் என்று நம் தமிழில் மிக இனிமையாக வழங்கப் பெறும் அனந்த பத்மநாப சுவாமி கிடந்த திருக்கோலத்தில் எழுந்தருளியிருப்பார். ஆதிசேஷன் மீது மிக ஒய்யாரமாக புஜங்கசயனத்தில் பள்ளிகொண்டிருக்கும் பெருமாளின் திருவுருவச்சிலை ஒரே வாயிலில் நின்று தரிசிக்க இயலாதவாறு மிகப்பெரிய அளவில் உள்ளதால், பக்தனுக்கு வசதியாக மூன்று வாயில்கள் அமைந்திருக்கும். முதல் வாசலில் பெருமாளின் திருமுகத்தையும், இரண்டாவதில் பெருமாளின் திருவயிற்றுப்பகுதியும், மூன்றாவது வாயிலில் பெருமாளின் திருவடிகளையும் கண்டு சேவிக்கலாம். பெருமாளின் திருமுகத்தினருகே காணப்படும் சிவ லிங்கம் சைவ-வைணவ மோதல்களுக்கு ஒரு சவால். ஹரியையும் ஹரனையும் ஒருசேர தரிசித்து வணங்கும் வாய்ப்பு பக்தனுக்குக் கிடைக்கும் திருத்தலம் இது ஒன்றாகத்தான் இருக்கும் என்று நான் நினைக்கிறேன். இத்தலத்தில் எழுந்தருளியுள்ள தாயார் - ஸ்ரீ ஹரி லக்ஷ்மித் தாயார்.
பன்னிரு ஆழ்வார்களுள் நம்மாழ்வாரால் மட்டுமே மங்களாசாசனம் செய்யப்பட்ட திருத்தலமாக நான் அறிகிறேன்.

திருவாயமொழி பாசுரங்கள் பின்வருமாறு:

கெடுமிட ராயவெல்லாம் கேசவா வென்ன நாளும் கொடுவினை செய்யும்கூற்றின் தமர்களும் குறுககில்லார் விடமுடை யரவில்பள்ளி விரும்பினான் சுரும்பலற்றும் தடமுடை வயல் அனந்தபுரநகர்ப் புகுதுமின்றே (3794)

இன்றுபோய்ப் புகுதிராகி லெழுமையும் ஏதம்சார குன்றுனேர் மாடமாடே குருந்துசேர் செருந்திபுன்னை மன்றலர் போழில் அனந்தபுரநகர் மாயன்நாமம் ஒன்றுமோ ராயிரமாம் உள்ளுவார்க் கும்பரூரே. (3795)

ஊரும்புட் கொடியுமஃதே யுலகொல்லாமுண்டுமிழ்ந்தான் சேரும்தண் ணனந்தபுரம் சிக்கெனப் புகுதிராகில் தீரும்நோய்வினைகளெல்லாம் திண்ணநாம் அறியச்சொன்னோம் பேரும் ஓராயிரத்துள் ஒன்றுநீர் பேசுமினே. (3796)

பேசுமின் கூசமின்றிப் பெரியநீர் வேலைசூழ்ந்து வாசமே கமழுஞ்சோலை வயலணி யனந்தபுரம் நேசம்செய் துறைகின்றானை நெறிமையால் மலர்கள்தூவி பூசனை செய்கின்றார்கள் புண்ணியம் செய்தவாறே. (3797)

புண்ணியம் செய்துநல்ல புனலொடு மலர்கள்தூவி எண்ணுமி னெந்தைநாமம் இப்பிறப் பறுக்குமப்பால் திண்ணம்நாம் அறியச்சொன்னோம் செறிபொழில் அனந்தபுரத்து அண்ணலார் கமலபாதம் அணுகுவார் அமரராவார். (3798)

அமரராய்த் திரிகின்றார்கட்கு ஆதிசேர அனந்தபுரத்து அமரர்கோன் அர்ச்சிக்கின்றங் ககப்பணி செய்வர்விண்ணோர் நமர்களோ. சொல்லக்கேண்மின் நாமும்போய் நணுகவேண்டும் குமரனார் தாதைதுன்பம் துடைத்தகோ விந்தனாரே. (3799)

துடைத்தகோ விந்தனாரே யுலகுயிர் தேவும்மற்றும் படைத்தவெம் பரமமூர்த்தி பாம்பணைப் பள்ளிகொண்டான் மடைத்தலை வாளைபாயும் வயலணியனந்தபுரம் கடைத்தலை சீய்க்கப்பெற்றால் கடுவினை களையலாமே. (3800)

கடுவினை களையலாகும் காமனைப் பயந்தகாளை இடவகை கொண்டதென்பர் எழிலணியனந்தபுரம் படமுடை யரவில்பள்ளி பயின்றவன் பாதம்காண நடமினோ நமர்களுள்ளீர். நாமுமக் கறியச்சொன்னோம் (3801)

நாமுமக் கறியச்சொன்ன நாள்களும் நணியவான சேமம் நங்குடைத்துக்கண்டீர் செறிபொழிலனந்தபுரம் தூமநல் விரைமலர்கள் துவளற ஆய்ந்துகொண்டு வாமனன் அடிக்கென்றெத்த மாய்ந்தறும் வினைகள்தாமே. (3802)

மாய்ந்தறும் வினைகள்தாமே மாதவா என்ன நாளும் ஏய்ந்தபொன் மதிளனந்தபுர நகரெந்தைக்கென்று சாந்தொடு விளக்கம்தூபம் தாமரை மலர்கள்நல்ல ஆய்ந்துகொண் டேத்தவல்லார் அந்தமில் புகழினாரே. (3803)

அந்தமில் புகழனந்தபுர நகர் ஆதிதன்னை கொந்தலர் பொழில்குருகூர் மாறன் சொல் லாயிரத்துள் ஐந்தினோ டைந்தும்வல்லார் அணைவர்போய் அமருலகில் பைந்தொடி மடந்தையர்தம் வேய்மரு தோளிணையே. (3804)

பத்மநாப சுவாமி ஆலயம்/திருவனந்தபுரம் தொடர்புடைய கீழ்காணும் சில பயன் தரும் இணைப்புகள்:

ஆலயம் பற்றிய பதிவு

கானா பிரபாவின் ஆலய விஜயம்

சுவாதி திருநாள்

பத்மநாப சுவாமி ஆலயம்

***

செம்மீன் - மானஸ மைனே வரு...

2007-11-27T18:47:00.000+03:00

செம்மீன் படப் பாடல் ‘கடலினக்கரப் போணோரே..’ பாடல் தமிழகத்தின் பட்டிதொட்டிகளில் கூட ‘ஹிட்’ ஆன ஒரு பிறமொழிப்பாடல். செம்மீன் படத்தின் பாடல்களை நான் பல சமயங்களிலும் கேட்க நேர்ந்திருந்தாலும், படத்தைக் காணும் வாய்ப்பு சமீபத்தில்தான் கிடைத்தது.

தகழி சிவசங்கரன் பிள்ளை என்னும் மகத்தான இலக்கிய புருஷன் படைத்த நாவல்தான் செம்மீன் படத்தின் கதை, திரைக்கதை, ஜீவன் எல்லாம். தகழி, செம்மீன் நாவலை இருவதே நாட்களில் எழுதிமுடித்தாராம். பல உலக மொழிகளில் மொழிபெயர்க்கப்பட்ட இந்த நாவல், தமிழில் சுந்தர ராமசாமி மொழிபெயர்த்துள்ளார்.

மலையாள சினிமாவிற்கு மணிமகுடம் அளித்த இந்த செம்மீன் பட DVDயை திரும்பத் திரும்பப் போட்டுப்பார்த்தேன்... ஏன், படம் load ஆகவில்லையா, கதை புரியவில்லையா என்று கேட்காதீர்கள். ஓரளவு புரிந்த மலையாளமும், ஆங்கில subtitlesம் விளக்காத சில உண்மைகளை அறிந்து தெளிவு பெறவேண்டி, செம்மீன் படத்தை நினைவுகூறும் மலையாள அன்பர்கள் சிலரிடமும் கேட்டுப்பார்த்தேன்... என் மனதை வாட்டியெடுத்த அந்தக் கேள்வி இதுதான். படத்தின் க்ளைமாக்ஸ் காட்சி முடிவில் ஒரு மீனைக் காண்பிக்கிறார்களே.. எந்த வகையில் கதை, ‘செம்மீன்’ என்ற டைட்டிலை ஜஸ்டிஃபை பண்ணுகிறது என்ற எனது கேள்வி உங்களுக்கெல்லாம் சில்லியாகப் பட்டாலும், என் இந்தக் கேள்விக்கு இங்கு இருக்கும் என் மலையாளி நண்பர்கள் ஒருவரிடமும் பதிலில்லாததாலேயே, இதை உங்களிடமும் பகிர்ந்து கொள்கிறேன்.

‘ஒரு நாள் போவார், ஒரு நாள் வருவார், ஒவ்வொரு நாளும் துயரம்’ என்று நம் வாலி சொன்ன வார்த்தைகளின் நிஜத்தை படகோட்டி காட்டியதோ இல்லையோ, செம்மீன் படம் கடலோர மீனவர் சமூக வாழ்க்கையைத் துல்லியமாகச் சித்தரிக்கிறது;

பெற்றோர் கருத்தம்மாவின் காதலுக்கு எதிர்ப்புத் தெரிவிக்கின்றனர் - காதலன் பரீக்குட்டி ஒரு முஸ்லிம் என்பதாலும், கருத்தம்மாவின் தந்தையின் பணத்தாசையினாலும்! பெற்றோரின் வற்புறுத்தலில் தன் காதலைத் துறக்கிறாள் கருத்தம்மா. வீட்டார் பார்த்துவைத்த பழனியைக் கரம் சேர்த்து இல்வாழ்கையில் புகுகிறாள். பரீக்குட்டி அவள் பிரிவால் வாடி வதங்குகிறான் (இன்றைய ‘காதல்’ படம் வரை ஆண்கள் நிலைதான் பரிதாபத்திற்குரியது...). பழைய காதல் பற்றிய வதந்திகளுக்கு இடையிலும் கருத்தம்மா-பழனி வாழ்க்கை ஓஹோ என்றில்லையென்றாலும் சுமுகமாகவே செல்கிறது. இதற்கிடையில் கணவன் நடுக்கடலில், மீன் பிடிக்கப்போயிருக்கும் ஒரு இரவில், கருத்தம்மாவும், பரீக்குட்டியும் சந்தர்ப்பவசத்தால் சந்திக்க நேர, அந்தத் தருணத்தில் மீண்டும் மலர்ந்த காதல் அவர்களை ஒன்றாக்குகிறது, அதே காட்சியின் தொடர்ச்சியாக, தன்னந்தனியனாய் ஒரு சுறா மீனைப்பிடிக்கப் போன கணவன் ஆழிச்சுழலில் சிக்குவதையும் காட்டுகிறார்கள். அடுத்துவந்த கடைசி காட்சியில், மரணத்தில் இணைந்த காதல் ஜோடிகளாக கருத்தம்மாவும், பரீக்குட்டியும் கடற்கரையோரம் கிடக்க... அவர்களுக்கு சற்றே தொலைவில் ஒரு சுறாமீனும் கரையோரம் ஒதுங்கிக் கிடக்கிறதாகக் காட்சி முடிகிறது.

தகழி சிவசங்கரன் பிள்ளையின் இக்காவியத்திற்கு ராமு காரியாத் திரைவடிவம் கொடுத்திருந்தாலும், தேசிய அளவில் செம்மீன் படம் மூலம் மலையாள சினிமாவை பேசவைத்தக் காரண கர்த்தாக்களாக இருந்த மூன்று மலையாளிகள் அல்லாதாரின் பங்கினையும் குறிப்பிட்டாக வேண்டும் - மாக்கஸ் பார்ட்லேவின் ஒளிப்பதிவும், ஹ்ருஷிகேஷ் முகர்ஜியின் ஒலிப்பதிவும் (எடிட்டிங்) மற்றும் செம்மீன் திரைக்காவியத்தின் ஜீவனோடு ஐக்கியமான சலீல் சவுத்ரியின் இசையும்.

மற்றுமொரு மலையாளி அல்லாதாரும் செம்மீன் திரைக்காவியத்தின் சிறப்பிற்கு மேலும் சிறப்பு சேர்த்துள்ளார்... அவர்தான் மன்னா டே. அவர் பாடிய ‘மானஸ மைனி வரு’ பாடல், கேரளத்தில் மட்டுமல்லாமல், தென்னிந்தியாவெங்கிலும் மற்றும் இலங்கைத் தமிழர் மத்தியிலும் அதிகம் ரசித்துக் கேட்கப்பட்ட பாடலாக விளங்கியது. உணர்ச்சிகரமான அந்தப் பாடலில் அதிகம் ஈடுபட்டுப் பாடிய மன்னா டே அவர்களினால் எப்படி ஒரு மலையாளப் பாடலை அதுவும் அதன் ஜீவன் குலையாமல் எப்படிப் பாடமுடிந்தது என்று ஆச்சரியத்தோடு பார்த்தனர். ஆரம்பத்தில், ரெக்கார்ட்டிங் முடிந்துவிட்டு, வீட்டில் செம்மீன் பாடலைப் பாடிய போது, மன்னா டேயின் மகள் கேட்டாளாம் அது என்ன மொழிப்பாடல் என்று. மன்னா டே, அப்பாடல் மலையாள மொழி என்று சொன்னதை நம்பாத அவர் மகள், மீண்டும் அப்பாடலை அவள் அம்மா முன்பாகப் பாடி உறுதிசெய்தபின்னரே நம்பினாளாம். நிறையபேருக்குத் தெரியாத ஒரு விஷயமும் உண்டு.. மன்னா டேயின் துணைவியார் சுலோசனா ஒரு மலையாளி என்பது.

மன்னா டேயின் ரசிகர் எண்ணிக்கை என்னதான் கூடினாலும், அவர் ஏன் முகேஷ், முகமது ரஃபி, கிஷோர் குமார் அளவிற்கு பிரபலம் அடையவில்லை என்பது எனக்கு விளங்காததாகவே இருக்கிறது. இரவு நேரம், கடற்கரையோர மணற்பரப்பு, காதலியின் பிரிவில் வாடும் காதலன் பரிக்குட்டியாக சோகம் ததும்பும் முகத்துடன் மது பாடுவதுபோல் அமைந்த வயலார் ராம வர்மாவின் வரிகளில் வந்த இந்தப் பாடலும், காட்சியும் காலத்தால் அழிக்க முடியாத திரைப்படைப்புகளில் ஒன்று.

மானஸ மைனே வரு
மதுரம் நுள்ளித் தரு
நின் அரும பூவாதிகளில் தேடுவதாரே.. ஆரே (மானஸ மைனே...)

நிலாவிண்டெ நாட்டில் நிஷாகந்திப் பூத்தல்லோ
களிக் கூட்டுகாரனெ மறன்னு போயோ (மானஸ மைனே...)

கடலிலே ஓலவும் கரலிலே மோஹவும்
அடங்குகில்லோமனே அடங்குகில்லா (மானஸ மைனே...)

லதா மங்கேஷ்கருடன் சோரி சோரி படத்தில் பாடிய ‘ஏ ராத் பீகி பீகி...’ ‘ஆஜா சனம்...’ பாடல்களும் மற்றும் ஸ்ரீ420 படத்தில் ‘ப்யார் ஹுவா இக்ரார் ஹுவா...’ பாடலும் மன்னா டே அவர்கள் பாடிய என் உளங்கவர்ந்த மற்ற பாடல்கள்.

Links:

செம்மீன் படம் பற்றிய விக்கிப்பீடியா தகவல்
மன்னா டே பற்றிய விக்கிபீடியா தகவல்
மன்னா டே அவர்களின் வலைத்தளம்
செம்மீன் படம், கதை பற்றி வலைப்பூ ஒன்றில்

இனிய தீபாவளித் திருநாள் வாழ்த்துக்கள்

2007-11-07T19:51:00.000+03:00

தேடித்தேடிப் பார்த்தேன்...ஒரியா மட்டும்... கிடைக்கலீங்க!

அதுசரி... இதுல உள்ள மொழிகள்ளாம் என்னென்னன்னு, வரிசைப்படி சொல்லுங்க பார்ப்போம்.

IT/ITES நிறுவனங்களில் தொழிற்சங்கம்

2007-11-04T07:14:00.000+03:00

'ஐடி நிறுவனங்களில் தொழிற்சங்கம் அமைக்க தடையில்லை' என்ற செய்தித் தலைப்பைப் பார்த்த மாத்திரமே எனக்கு, மென்பொருள் துறையிலும் BPO/Call center துறைகளிலும் பணியாற்றும் ஊழியர்களுக்குத் தொழிற்சங்கம் தேவையா இல்லையா என்று கடந்த வருடம் நாடு முழுவதும் விவாதம் நடைபெற்ற (பெற்றுக் கொண்டிருக்கிறது?) விஷயம் நியாபகத்திற்கு வந்தது. இந்த விவாதத்தை, தேசிய அளவில் இயங்கிக்கொண்டிருக்கும் மத்தியத் தொழிற்சங்கத்தினர், குறிப்பாக இடதுசாரி தொழிற்சங்கத்தினர் (CITU மற்றும் AITUC) மட்டும்தான் பெரிதாக எடுத்துக்கொண்டார்களே தவிர, மேலே குறிப்பிட்ட இந்தத் துறையில் பணியாற்றும் ஊழியர்கள் இதனை ஒரு பொருட்டாக எடுத்துக்கொண்டதாகத் தெரியவில்லை.

இதற்கிடையில், கடந்தவாரம், சென்னையில் மத்திய தொழிலாளர் நலன் மற்றும் வேலை வாய்ப்புத்துறை இணையமைச்சர் திரு. ஆஸ்கார் ஃபெர்னாண்டஸ், சத்தியமூர்த்தி பவனில், செய்தியாளர் கூட்டத்தில் பேசும்போது, 'தகவல் தொழில்நுட்ப நிறுவனங்களில் தொழிற்சங்கங்கள் அமைக்க எவ்விதத் தடையும் இல்லை' என்று தெரிவித்தார். மேலும் அவர், தகவல் தொழில் நுட்பத்துறையில் பணிபுரியும் ஊழியர்களுக்கென்று தனியாகத் தொழிலாளர் சட்டத்தை உருவாக்க முடியாது என்றும், ஏற்கனவே உள்ள தொழிலாளர் நலச்சட்டமே அவர்களுக்குப் பொருந்தும் என்றும் அவர் கூறினார். குறிப்பாக 3 மற்றும் 4-ஆவது பிரிவுகளைச் சார்ந்த தொழிலாளர்கள், நலச்சட்டத்துக்குள் வருவார்கள் என்று கூறிய அவர், அதிகாரிகள் இந்தச் சட்டத்திற்குள் வரமாட்டார்கள் என்றும், மென்பொருள் துறை ஊழியர்கள் தங்களுக்கென்று தொழிற்சங்கத்தை அமைத்துக்கொள்ள அவ்வித தடையும் இல்லல என்றும் ஆஸ்கார் ஃபெர்னாண்டஸ் தெரிவித்தார். இப்போது, மத்திய மந்திரி வேறு கோடி காட்டிவிட்டார். இனி IT/ITES துறை வளாகங்களிலும் கேட்குமா.. 'தொழிலாளர் ஒற்றுமை, தொழிற்சங்க ஒற்றுமை' கோஷங்கள்? வேலை நிறுத்தம், ஒருமணி/இரண்டுமணி நேர வெளிநடப்பு, கையெழுத்து இயக்கம், work-to-rule, go-slow attitude, ஒத்துழையாமை, மதிய இடைவேளை ஆர்ப்பாட்டம், pen-down (அல்லது mouse/keyboard down) போன்ற போராட்டங்கள்... IT/ITES துறைகளிலும் அரங்கேறுமா? முதலில் ஒரு தொழிற்சங்கம் தோன்றி, பின்னர் அது உடைந்தும், அதிலிருந்து இன்னொன்று உடைந்தும், காலப்போக்கில் படிப்படியாக பல தொழிற்சங்கள் உருவாகி, ஏற்கனவே தொழிற்சங்கரீதியில் பிளவுபட்ட தொழிலாளர்களை மேலும் பிளக்க சாதி, மத, ப்ராந்திய அடிப்படையிலான சங்கங்களும் தோன்றி, கடைசியில், எல்லாமே அரசியற்கட்சிகளின் கைப்பாவைகளாய்த் தேய்ந்து, ஊழியர்களின் உண்மையான நலனெல்லாம் கேள்விக்குறியாகுமோ? இன்று, தொலைதொடர்புத் துறையில் நடப்பது போன்று, caught between devil and the deep sea என்பது மாதிரி, பாரபட்சமாகச் செயல்படும் தொழிற்சங்கத்துக்கும் தாந்தோன்றித்தனமாக செயல்படும் நிர்வாகத்திற்கும் இடையில் சிக்கித்தவிக்கும் நிலை IT/ITES துறை அப்பாவி ஊழியருக்கு ஏற்படாது என்பது என்ன நிச்சயம்?

எது எப்படியோ, இன்று BPO/call centerகள் data security, identity protection விவகாரங்களில் மேலைநாட்டு கெடுபடிகளுக்குப் பயந்து தங்களது அலுவலக அணுகுமுறையை மாற்றி அமைத்ததுபோல, தொழிலாளர்/ஊழியர் நலனிலும் பாதுகாப்பிலும் போதுமான அக்கறையுடன் செயல்படுவதாகத் தெரியவில்லை. கடந்த ஆண்டு, பெங்களூரில் உள்ள Call centerல் பணிபுரிந்த இளம் பெண்ணொருத்தி வன்கொடுமைக்கு ஆளாகிப் பலியாகியுள்ள விஷயம், பெங்களூரையே பரபரப்பாக்கியது. நேற்று இதே போன்றொரு கொடுமையான சம்பவம் புனேவில் நடந்தேறியுள்ளது

இந்நிலையே தொடர்ந்தால், நிச்சயம் இத்துறையில் தொழிற்சங்கம்(கள்) தோன்றுவது தவிர்க்க முடியாததாகிவிடும். சில இடங்களில், இவைகளில் பணிபுரியும், அதிகாரிகளேகூட தொழிற்சங்கம் என்று இல்லாவிட்டாலும் ஊழியர் சார்பாக 'ஒரு pressure group' ஒன்று வந்தால் தேவலை என்று கருதத் துவங்கிவிடுவார்கள்.

News:

Pune Tragedy

சு.ப. தமிழ்ச்செல்வன்

2007-11-03T16:25:00.000+03:00

வாழ்ந்தவர் கோடி மறைந்தவர் கோடி, மக்களின் மனதில் நிற்பவர் யார்? - மானம் காப்போர் சரித்திரம் தனிலே நிற்கின்றார்...

சு.ப. தமிழ்ச்செல்வன் பற்றிய மேலதிக விவரங்கள் - tamilnation.orgல்

Photos:

சு.ப தமிழ்செல்வனுக்கு அகவணக்கம்

லா ச ரா

2007-10-31T10:21:00.000+03:00

லாசரா என இலக்கிய வட்டத்தில் நன்கு அறிமுகமானவரும், 'லாசராவின் சிறுகதைகளைப் படிக்காதவர்கள் சிறுகதைகளைப் பற்றிப் பேசவே அருகதையற்றவர்கள்' என்று எழுத்தாளர் சுஜாதா கூறுமளவிற்கு சுஜாதாவிடமும் பல வாசகர்களிடமும் தாக்கத்தை ஏற்படுத்தியவருமான லால்குடி சப்தரிஷி ராமாம்ருதம் அவர்கள் நேற்று மறைந்த செய்தியை சன் தொலைக்காட்சியின் செய்தியோடை மூலமாகத்தான் தெரிந்து கொண்டேன்.

இன்று காலை, இணையத்தில் அவரைக் குறித்த மேல் விவரங்களுக்காகத் தேடிய போது அவரது மறைவிற்கு அஞ்சலி செலுத்தும் விதத்தில் அமைந்த idlyvadai thoughtsintamil மற்றும் thulasidhalam பதிவுகளைக் காண நேர்ந்தது.

கல்லூரி கடைசியாண்டில் மீனம்பாக்கம் ரயில் நிலையத்தில் மின்சார வண்டிக்காகக் காத்திருக்கும் இடைப்பட்ட நேரத்தில், எனது வகுப்புத்தோழன் கல்யாணராமன், யார் யாருடைய எழுத்தையெல்லாம் அவசியம் படிக்கவேண்டுமென்று ஒரு பட்டியல் போட்டுக் கொடுத்தான். புதுமைபித்தன், கு.ப.ரா., மௌனி, கு, அழகிரிசாமி, நா. பிச்சமூர்த்தி... என நீண்ட அந்தப் பட்டியலில் சுஜாதா, ஜெயகாந்தன் எல்லாம் இல்லையே என்றேன். 'நான் சொல்லாவிட்டாலும், நீ அவர்களை எல்லாம் வாசிப்பாயே... அப்புறம்... மிக முக்கியமாய், 'லா.ச.ரா-வைப் படி' என்று அவன் சொல்லிக்கொண்டிருக்கும்போதே, அவன் செல்லவேண்டிய வண்டிவர நானும் விடைபெற்றேன். வீட்டுக்குவந்தபோது ஒரு இனிய ஆச்சர்யமாக அந்த வார குமுதம் அட்டையில் லாசரா இருந்தார். லாசரா அப்படிதான் எனக்கு அறிமுகம். அப்போதெல்லாம், குமுதம் பத்திரிகையை ஒவ்வொரு வாரமும் ஒவ்வொரு பிரபலஸ்தரும் தயாரித்து வழங்குவதுபோல வெளிவரும் குமுதம். அந்தமுறையில், அந்த வாரக் குமுதம் லா.ச.ராவின் கைவண்ணத்தில் வந்தது.

1995 உலகத்தமிழ் மாநாடு சமயத்தில் (அல்லது அதற்கு சற்று முன்னதாகவோ) தமிழில் சிறந்த சிறுகதைகள் என்று மாலன் தொகுத்து வெளியிட்டிருந்த ஒரு சிறுகதைத் தொகுப்பில் 'பாற்கடல்' என்ற லாசராவின் சிறுகதையை முதன் முறையாக வாசித்தேன். திரும்பத் திரும்பப் படிக்க வைத்ததும், ஒவ்வொருமுறை வாசிக்கும்போதும் வேறு வேறுவிதமான உணர்ச்சிகளைத் தந்ததும் லாசராவின் அற்புதப் படைப்பான 'பாற்கடல்' சிறுகதைதான். நான் வாசித்த சிறுகதைகளிலேயே என்னுள் அதிகம் தாக்கத்தை ஏற்படுத்திய சிறுகதை அதுதான். அந்தத் தாக்கத்திலேததன் நாங்கள் 1996வாக்கில் தஞ்சையில் நாங்கள் நடத்திய கையெழுத்துப் பத்திரிக்கைக்கு 'பாற்கடல்' என்று பெயரிட்டிருந்தோம்.

இணையத்தில் 'பாற்கடல்' சிறுகதையினை நான் தேட முற்பட்டபோது கிடைத்த அச்சிறுகதையின் துவக்க வரிகளை உங்களோடு பகிர்ந்து கொள்ள விரும்புகிறேன்.

கூட்டுக்குடும்பத்தில் வாழ்க்கைப்பட்டவள் ஜகதா. தலைத்தீபாவளி. ஆனால், கணவனோ அலுவலகவேலை விஷயமாக வெளியூரில். கதை ஆரம்பிக்கிறது - "நமஸ்காரம், ஷேமம். ஷேமத்திற்கு எழுதவேணுமாய்க் கேட்டுக்கொள்கிறேன். நீங்களோ எனக்குக் கடிதம் எழுதப் போவதில்லை. உங்களுக்கே அந்த எண்ணமே இருக்கிறதோ இல்லையோ? இங்கே இருக்கும் போதே, வாய் கொப்புளிக்க, செம்பில் ஜலத்தை என் கையிலிருந்து வாங்க, சுற்றும் முற்றும் திருட்டுப்பார்வை, ஆயிரம் நாணல் கோணல். நீங்களா கட்டின மனைவிக்கு கடிதம் எழுதப் போகிறீர்கள்? அதனால் நானே முந்திக் கொண்டதாகவே இருக்கட்டும். அகமுடையான் உங்கள் மாதிரியிருந்தால்தானே, என் மாதிரி பெண்டாட்டிக்குப் புக்ககத்தில் கெட்ட பேரை நீங்களே வாங்கி வைக்க முடியும்? 'அவள் என்ன படிச்ச பெண், படிச்ச படிப்பு எல்லாம் வீணாய்ப் போகலாமா? ஆம்படையானுக்குக் கடிதாசு எழுதிக்கிறாள்!' என்று வீட்டுப் பழைய பெரியவாள், புதுப் பெரியவாள் எல்லாம் என் கன்னத்திலடிக்காமல், தன் கன்னத்திலேயே இடித்துக்கொண்டு, ஏளனம் பண்ணலாம்! பண்ணினால் பண்ணட்டும்; நான் எழுதியாச்சு. எழுதினது எழுதினதுதான். எழுதினதை நீங்கள், தலைத்தீபாவளியதுவுமாய், அவ்வளவு தூரத்திலிருக்கிறவர், படித்தது படித்ததுதான். எழுதினதைப் படித்தபின், எழுதினவாளும், படித்தவாளும் குற்றத்தில் ஒண்ணுதானே? வேறு எதிலும் ஒற்றுமையிருக்கிறதோ இல்லையோ?.."

"எழுதினதைப் படித்தபின், எழுதினவாளும், படித்தவாளும் குற்றத்தில் ஒண்ணுதானே?"

சிறுகதையின் முடிவில் வரும் சில வரிகள்...

"குடும்பம் ஒரு பாற்கடல். அதிலிருந்து லக்ஷ்மி, ஐராவதம், உச்சஸ்ரவஸ் எல்லாம் உண்டாயின. அதிலிருந்து முளைத்துத்தான் எனக்கு நீங்கள் கிட்டினீர்கள். ஆலகால விஷமும் அதிலிருந்துதான் உண்டாகியது; உடனே அதற்கு மாற்றான அம்ருதமும் அதிலியே தான்..." see his natural flow of words... thats his speciality.

***

லாசராவின் மற்றொரு சிறுகதையை சுப்பிரம்மணிய ராஜுவின் நினைவாக மாலன் 'அன்புடன்' என்ற தலைப்பில் தொகுத்து வெளியிட்ட ஒரு சிறுகதைத் தொகுப்பில் கண்டேன். அவள் என்ற அந்தச் சிறுகதையும், மற்றும் இந்தியா டூடேயில் ஒரு 15 வருடத்திற்கு முன்பாக பாப்பு என்ற சிறுகதையும் என்னை அதிகம கவர்ந்த அவரது மற்ற படைப்புகள்.

பாற்கடல், அவள், பாப்பு ஆகிய சிறுகதகள் இணையத்தில் எங்கே இருக்கிறது என்று தெரியவில்லை. ஆனால், திண்ணையில் லாசராவின் சில சிறுகதைகள் இருக்கிறது.

***

1996வாக்கில் நான் எனது நண்பன் சாமிநாதன் மற்றும் அவன் சகோதரன் குற்றாலம் சுந்தரராமன் ஆகியோருடன் சேர்ந்து நடத்திய 'பாற்கடல்' என்ற எங்களது கையெழுத்துப் பத்திரைகையை லாசராவின் கருத்துக்களைப் பெற லாசராவுக்கு அனுப்பிவைத்தோம். லாசராவின் தீவிர வாசகர்களான அந்த குற்றாலம் சகோதரர்கள் சொல்கிறார்களே என்றுதான் நான் அனுப்பி வைத்தேன். ஆனால், மிகுந்த சிரத்தையுடன் எனக்கு அவர் பதில் எழுதியது என்னை பெரும் ஆச்சர்யத்தில் ஆழ்த்தியது.

பதினோரு வருடத்திற்கு முன்பாக எனக்கெழுதிய அந்தக் கடிதத்தில் 'கையெழுத்துப் பத்திரிக்கைகள் சாதாரணமாக ஆரம்பிக்கப்படுவது உற்சாகத்தில் அல்லது ஆசாபங்கத்தில் (தன் சிருஷ்டிகள் அச்சுக் காணமுடியவில்லையே எனும் ஆதங்கத்தில்)' என்றும் 'உண்மையான எழுத்தார்வமும், சிரத்தையும்தான் கையெழுத்துப் பத்திரிக்கையின் அடிப்படையாயிருத்தல் வேண்டும். எழுத்துப்பத்திரிக்கை ஒரு சோதனைக்கூடம். அச்சுக் கோர்வையில் செய்ய முடியாததைக் கையெழுத்துப் பத்திரிக்கை சாதித்து ஆத்மாவிற்கு திருப்தி ஏற்படவேண்டும்' என்று கையெழுத்துப் பத்திரிக்கை முயற்சி குறித்துச் சொன்ன லாசரா இன்று வலைப்பதிவு முயற்சி பற்றியும் அதைத்தான் சொல்லியிருப்பார்.

***

May his soul rest in peace. My heartfelt condolences to his family and friends.

ஒரு விஷயமும் சொல்ல இல்லாதபோது...

2007-10-02T14:50:00.001+03:00

மஹாகணபதிம் மனஸா ஸ்மராமி
மஹாகணபதிம் மனஸா ஸ்மராமி
மஹாகணபதிம் மனஸா ஸ்மராமி
மஹாகணபதிம்
வசிஸ்ட வாம தேவாதி வந்தித
மஹாகணபதிம்

மஹா தேவ சுதம்
குரு குஹ முதம்
மஹா தேவ சுதம் குரு குஹ முதம்
மார கோடி ப்ரகாஸம் சாந்தம்
மஹா காவ்ய நாடகாதிப்ரியம்
மூஷிக வாஹன மோதகப்ரியம்

Meaning: I meditate on the supreme GaNapati who is worshipped by sages like VasishTha, vaamadEva and others. He is the son of lord Mahadeva, is adored by Guruguha and shines with the brilliance of crores of Cupids. He is the tranquil one and exults in the literary pieces like poems and dramas. He is fond of Modaka (a variety of sweet), and has a mouse for a mount.

***

ஒரு விஷயமும் சொல்ல இல்லாதபோது...

நேற்று முழுவதும், அதாவது காலையிலிருந்து இரவு வரை, பேருந்தில் போகும்போதும் வரும்போதும், மாலை வாக்கிங் போகும்போதும், சாப்பிட்டு விட்டு வாஷ் பேசினில் கைகழுவும்போதும் மற்றும் அவ்வப்போது கிடடக்கும் gapஇலும், ஒரு திரையிசைப் பாடலின் முதலிரண்டு வரிகளையே திரும்பத் திரும்ப ஹம் பண்ணிக்கொண்டிருந்தேன்... ஏன் என்று எல்லாம் தெரியாது.

சரி, நேற்றோடு முடிந்ததா இந்த சங்கதி? இல்லையே. இன்றும் இதே கதைதான். ஆனால், இன்று காலை என்னையும் அறியாமல் நான் ஹம்மிய பாட்டு 'மஹா கணபதிம்'... 'அட பரவாயில்லையே, பக்திப் பாட்டையெல்லாம் கூட ஹம் பண்ண ஆரம்பிச்சுட்டான்யா இவன்' என்று யார் கண் வைத்தார்களோ என்னவோ, என் நினைவு எங்கெங்கோ அலை பாயத்தொடங்கியது... 'அலைபாயுதெ கணேசா, என் மனம் அலைபாயுதே'.

'சிந்து பைரவி' படத்தில் வரும் எனக்கு மிகவும் பிடித்த இந்தப் பாடலை இயற்றியவர் முத்துஸ்வாமி தீட்சிதர், ராகம் - நாட்டை, தாளம் - ஆதி என்பதெல்லாம் ஒரு புறம் இருக்கட்டும். இந்தப் பாடலை K.J.ஜேசுதாஸ் பாடும்போது எவ்வளவு இனிமையாக இருக்கிறது. பக்தி ரசம் சொட்டும் இந்த கீர்த்தனை பற்றி நினைக்கும் போதெல்லாம் மனதில் JKB (அதாங்க, சிவகுமார்) வேறு நினைவுக்கு வந்து தொலைக்கிறார். அப்படியே மனம் சுஹாசினி, சுலக்ஷணா, ஜனகராஜ், டெல்லி கணேஷ் என்றே போய்... டெல்லி கணேஷ் மாதிரியே தோற்றமளிக்கும் என் பால்ய சிநேகிதனின் தகப்பனாரை என் கண் முன் கொண்டு வந்து வைத்தது.

எப்போதும் வெற்றிலைப் பாக்கோடும், அவ்வப்போது 'குடி'யும் குடுத்தனமுமாக இருக்கும் அவர், ஒரு சமயம் நாங்கள் கிரிக்கெட் விளையாடிக் கொண்டிருக்கும் போது (அதுவும், நான் batting பண்ணிக்கொண்டிருக்கும் சமயத்தில்) எங்களிடம் 'ஓசிகாஜ்' அடிப்பதற்காக வந்து நின்றார். நல்ல மப்பில் இருந்தார் என்று நினனக்கிறேன். சரவணன்தான் எங்கள் கேப்டன். அவனுக்கும் இவருக்கும் ஏதோ வாய்த்தகராறு ஏற்பட ஆட்டம் அத்தோடு abandoned என்று அறிவிக்கப்பட்டது. அதற்கப்புறம், அவர் அந்த மைதானத்தின் பக்கமே வருவதில்லை. நானும் அவரைப் பார்த்ததாக நினைவில்லை.

ஆனால், ஒரு ஐந்தாறு வருடத்திற்கு முன் மடிப்பாக்கம் கூட்ரோடில் நண்பனொருவனோடு பேசிகொண்டிருக்கும் போதுதான் கேள்விப்பட்டேன்... பெரம்பூர் ரயில் நிலையம் அருகில் தண்டவாளத்தைக் கடந்து செல்லும்போது ரயிலில் அடிபட்டு ஸ்பாட்லயே போயிட்டாராம் டெல்லி கணேஷ் சாயலில் இருந்த அந்த ஆசாமி. இது நடந்து ஒரு பத்து பன்னிரண்டு வருஷம் இருக்கும்டா என்று என் நண்பன் என்னிடம் சொல்லியே ஒரு 5 வருடம் ஆச்சு என்றால், பார்த்துக்கொள்ளுங்களேன்...

இப்ப அவர் பையன் என்ன பண்ணிக்கொண்டிருப்பான்? compassionate groundsல் அவனுக்கு அவங்க அப்பா வேலை பார்த்த அந்த நிறுவனத்திலேயே வேலை கிடைத்திருக்குமா? அல்லது அவனது சகோதரிக்கு அந்த வேலை கிடைத்திருக்குமா...? இப்போது அவனைத் தொடர்பு கொள்ள ஏதாவது மார்கங்கள் உண்டா? அவனிடம் email கீமெயில் இருக்குமா? அதுசரி, கண்டிப்பா அவனுக்கு email முகவரி இருக்கவேண்டுமென்று அவசியமா என்ன? internet access இல்லாமல் யாருமே இருக்க மாட்டார்களா என்ன... சரி, அவனைத் தொடர்பு கொள்ள வேண்டுமானால், யாரை அணுகுலாம்...? மின்னஞ்சல் தொடர்பிலுள்ள மற்றி மடிப்பாக்கம்வாசிகளால் அவனை அடையாளம் கண்டுகொள்ளத்தான் முடியுமா? அதுசரி, அவன் மடிப்பாக்கத்தில்தான் இன்னமும் இருக்க வேண்டும் என்று என்ன நிச்சயம்...? எது எப்படியோ... இந்த நினைவுச் சங்கிலியிலிருந்து மீண்டெழுந்து நிகழ்காலத்திற்கு வர நான் பட்ட பிரயாசைகள் இருக்கே.. யப்பா, யப்பப்பா!

இருந்தாலும் அலுவலகம் வந்தவுடன், ஒரு நப்பாசையில், இணையத்தில், orkutல், google தேடுதல் இயந்திரத்தில் தேடோ தேடென்று தேடிப்பார்த்தேன்; அவனது பெயரைப் பல permutations and combinationsசில் போட்டுப் பார்த்து தேடிப்பார்த்தேன்..ம்.. எல்லாம், மஹாகணபதிக்குத் தான் வெளிச்சம்.

அப்புறம், இன்னொரு விஷயம்.. நேற்று Blog Action Day என்றும் அது சம்பந்தமாக என்னை ஒரு பதிவுபோட கேட்டிருந்தார் ஒரு நண்பர் (ஏண்டா கேட்டோம் என்று ஆகியிருக்கும் அவருக்கு, இப்போது)... அதனாலேயே, இந்தப் பதிவிற்கும் அதற்கும் எந்த சம்பந்தமுமிலை என்று சொல்லிக்கொள்வது என் கடமையாகிறது இல்லையா?... :) அது என்ன 'blog action day'... அதுபற்றி ஹிந்து பத்திரிக்கையில் வெளிவந்த செய்தி இதோ உங்கள் பார்வைக்கு.

இத்தாலியா இந்தியாவா?

2007-08-17T12:20:00.000+03:00

பொதுவாக, இந்தியா-இத்தாலி என்றவுடன் என்ன நியாபகத்திற்கு வருகிறது..?

இந்திய தேசியக் கொடியை நியாபகப்படுத்தும் இத்தாலி நாட்டுக் கொடியின் வண்ணங்கள், சோனியா காந்தி, ஆட்டேவியோ குட்ரோச்சி, ஊழல் மலிந்த நாடு என்ற லேபிள்... இதையெல்லாம் விடுங்க, இங்கே சொடுக்கிப் பார்த்துவிட்டுச் சொல்லுங்க... உங்க நியாபகத்திற்கு என்ன வருதுன்னு?

ஆடுவோமே - பள்ளுப் பாடுவோமே...

2007-08-14T15:32:00.000+03:00

சுதந்திரப் பள்ளு

ராகம் - வராளி தாளம் - ஆதி

பல்லவி

ஆடுவோமே - பள்ளுப் பாடுவோமே

ஆனந்த சுதந்திரம் அடைந்து விட்டோமென்று (ஆடு)

பார்ப்பானை ஐயரென்ற காலமும் போச்சே - வெள்ளைப்

பரங்கியைத் துரையென்ற காலமும் போச்சே - பிச்சை

ஏற்பாரைப் பணிகின்ற காலமும் போச்சே - நம்மை

ஏய்ப்போருக் கேவல்செய்யும் காலமும் போச்சே (ஆடு)

எங்கும் சுதந்திரம் என்பதே பேச்சு

நாம் எல்லோரும் சமமென்பது உறுதியாச்சு

சங்கு கொண்டே வெற்றி ஊதுவோமே

இதைத் தரணிக்கெல் லாமெடுத்து ஓதுவோமே. (ஆடு)

எல்லோரும் ஒன்றென்னும் காலம் வந்ததே

பொய்யும் ஏமாற்றும் தொலைகின்ற காலம் வந்ததே

இனி நல்லோர் பெரியரென்னும் காலம் வந்ததே

கெட்ட நயவஞ்சக் காரருக்கு நாசம் வந்ததே. (ஆடு)

உழவுக்கும் தொழிலுக்கும் வந்தனை செய்வோம்

வீணில் உண்டுகளித் திருப்போரை நிந்தனை செய்வோம்.

விழலுக்கு நீர்பாய்ச்சி மாய மாட்டோம்

வெறும் வீணருக்கு உழைத்துடலம் ஓய மாட்டோம். (ஆடு)

நாமிருக்கும் நாடு நமதுஎன்ப தறிந்தோம்

இது நமக்கே உரிமையாம் என்ப தறிந்தோம்

இந்தப் பூமியில் எவர்க்கும்இனி அடிமை செய்யோம்

பரி பூரணனுக் கேயடிமை செய்து வாழ்வோம். (ஆடு)

* * *

Quotes on India

We owe a lot to the Indians, who taught us how to count, without which no worthwhile scientific discovery could have been made!"
Albert Einstein

"If there is one place on the face of earth where all the dreams of living men have found a home from the very earliest days when man began the dream of existence, it is India!"
French scholar Romaine Rolland"India is the cradle of the human race, the birthplace of human speech, the mother of history, the grandmother of legend, and the great grand mother of tradition. Our most valuable and most astrictive materials in the history of man are treasured up in India only!"
Mark Twain

* * *

"So far as I am able to judge, nothing has been left undone, either by man or nature, to make India the most extraordinary country that the sun visits on his rounds. Nothing seems to have been forgotten, nothing overlooked."
Mark Twain

* * *

"She (India) has left indelible imprints on one fourth of the human race in the course of a long succession of centuries. She has the right to reclaim ... her place amongst the great nations summarizing and symbolizing the spirit of humanity. From Persia to the Chinese sea, from the icy regions of Siberia to Islands of Java and Borneo, India has propagated her beliefs, her tales, and her civilization!"
Sylvia Levi

* * *

"India conquered and dominated China culturally for 20 centuries without ever having to send a single soldier across her border!"
Hu Shih, former Ambassador of China to USA

* * *

"Civilizations have arisen in other parts of the world. In ancient and modern times, wonderful ideas have been carried forward from one race to another...But mark you, my friends, it has been always with the blast of war trumpets and the march of embattled cohorts. Each idea had to be soaked in a deluge of blood..... Each word of power had to be followed by the groans of millions, by the wails of orphans, by the tears of widows. This, many other nations have taught; but India for thousands of years peacefully existed. Here activity prevailed when even Greece did not exist... Even earlier, when history has no record, and tradition dares not peer into the gloom of that intense past, even from until now, ideas after ideas have marched out from her, but every word has been spoken with a blessing behind it and peace before it. We, of all nations of the world, have never been a conquering race, and that blessing is on our head, and therefore we live....!"
Swami Vivekananda, Great Indian Philosopher

* * *

"If I were asked under what sky the human mind has most fully developed some of its choicest gifts, has most deeply pondered on the greatest problems of life, and has found solutions, I should point to India"
Max Mueller

* * *

"In India, I found a race of mortals living upon the Earth, but not adhering to it, inhabiting cities, but not being fixed to them, possessing everything, but possessed by nothing"
Apollonius Tyanaeus quotes (Neo-Pythagorean)

******

Wish you a happy independence day!

புகைப்படப் போட்டிக்காக

2007-08-01T16:39:00.000+03:00

வலையுலக நண்பர்களே...

"தமிழில் புகைப்படக்கலை" நடத்தும் "இந்த மாதப் புகைப்படம்" போட்டிக்காக இதோ என் படங்கள்...

பரிசு கிடைகிறதோ இல்லையோ, இந்த முறை எப்படியாவது போட்டியில் கலந்து கொள்ளவேண்டுமென்ற அவாவில் (அதுதானேங்க ஸ்பிரிட்டுங்கறது) நான் வழங்கும் இரண்டு portrait படங்கள் இதோ...இதோ...

வந்ததோ வந்துட்டீங்க.. அப்படியே, போட்டியில் கலந்துகொள்ளாத இரண்டு படங்களைக் காண இங்கே ஒருமுறை சொடுக்குங்க.

நன்றி.

அன்புடன்,
பா. மா. ப்ரின்ஸ்.

ஹாரி பாட்டர் - சச்சின் டெண்டுல்கர்

2007-07-28T16:31:00.000+03:00

நேற்று மாலைதான், தோஹா சிடி சென்டர் திரையரங்கில் Harry Porter and the Order of The Phoenix பார்த்தேனா, இன்று காலை இணையத்தில், டெண்டுல்கரின் ஆட்டோகிராபிற்காக வரிசையில் நின்ற ஹாரி பாட்டர் (அதான், டேனியல் ரட்க்ளிஃப்) பற்றிய செய்தியைக் கண்டேன்.

உலகத்திற்கு அவர் புகழ்பெற்ற ஹாலிவுட் நடிகராக இருக்கலாம்; லட்சோபலட்சம் ரசிகர்கள் இருக்கலாம் அவருக்கு; ஆனால், நமது சச்சின் டெண்டுல்கர் முன்பு அவரும் ஒரு ரசிகர்தான்.... right?! (மேலே நீங்கள் காண்பது, ட்ரெண்ட் ப்ரிட்ஜில் டெஸ்டில் நேற்றய பொழுது - 44ஆவது அரைசதம் மற்றும் டெஸ்ட் போட்டிகளில் 11,000 ஓட்டங்கள் எடுத்த சாதனை வீரர் சச்சின் - ரசிகர்களுக்காக ஒரு படம்)

செருப்பு பிஞ்சுறும்

2007-07-19T16:31:00.000+03:00

இந்த செருப்பு பிஞ்சுடும், இல்லையா?

இணையத்தில் இந்திய மொழிகள்

2007-07-16T10:49:00.001+03:00

நேற்று, இணையப் பயன்பாட்டில் ஹிந்தி மொழியினை பலமாக்க அறைகூவல் விடுத்துள்ளார் பிரதமர் மன்மோகன் சிங். பலகாலமாகவே, மன்மோகன் சிங், சோனியா, வாஜ்பாய், வி.பி.சிங், முலாயம் உட்பட பல காங்கிரஸ், பாரதிய ஜனதா மற்றும் சமாஜ்வாடி கட்சிகளின் தலைவர்கள், இணணயத்தில் ஹிந்தி மொழியினை அதிகரிப்பதற்கான அரசாங்க உதவி பற்றிப் பேசினாலும், நடைமுறையில் குறிப்பிட்டுச் சொல்லும்படியாக எதுவும் செய்ததாகத் தெரியவில்லை என்ற விமர்சனம் ஹிந்தி மாநாடுகளில் ஒலித்துக் கொண்டுதான் இருக்கிறது.

நியூயார்க்கில் நடைபெற்ற எட்டாவது உலக ஹிந்தி மாநாட்டிற்காக அனுப்பிய வாழ்த்துச் செய்தியில் பிரதமர் அவ்வாறு கூறியிருந்தார். யதார்த்த நிலை உணர்ந்துதான் சொன்னாரா அல்லது மாநாட்டுச் சூழலில் ஒப்புக்காகச் சொன்னாரா என்பது ஒரு புறமிருந்தாலும், பொதுவாகவே இணையத்தில் ஹிந்தி உள்ளிட்ட இந்திய மொழிகளின் பயன்பாடு மிகவும் குறைவாக உள்ளதாகவே தோன்றுகிறது.

அண்மைக்காலத்தில், அரபு மொழி இணையத்தில் முன்னேறி வருவதோடு ஒப்பிட்டால், இந்திய மொழிகள் காணும் முன்னேற்றம் மெச்சத்தகுந்த அளவில் இல்லையென்றே தகவல் தொடர்புச் செய்தியாளர்கள் தெரிவிக்கின்றனர். இணையத்தில் எந்த அளவிற்கு இந்திய மொழிகள் கோலோச்சுகின்றன என்பதை கீழ்க்காணும் அட்டவணையிலிருந்து தெரிந்து கொள்ளலாம்.

இந்தப் பட்டியலில் ஹிந்தி இருக்குமிடம் தெரியவில்லை. உலகிலேயெ இரண்டாவது மக்கட்தொகை கொண்ட நம் நாட்டில் அதிகம் பேர் பேசும் மொழியும் அதிகம் பேர் புரிந்து கொள்ளும் மொழியுமான ஹிந்தி இந்த லிஸ்டில் லேது.

பல்லாயிரக்கணக்கான இந்தியர்கள் இணையத்தில் ஆங்கிலம் மாத்திரமே சாத்தியமென்று இன்னமும் எண்ணிக்கொண்டிருக்கிறார்களோவென்றே தோன்றுகிறது. ஆங்கில வலைத்தளங்களையும், அங்கில தேடுதல் கருவியையும் மட்டுமே நம்புகின்றனரோ? சரி, எத்தனை பேருடைய கணினிகளில்தான் இந்திய மொழிகளின் எழுத்துரு இருக்கிறது? சென்னை, திருச்சி, விஜயவாடாவில் நான் பார்த்த முக்கால்வாசி ப்ரவுசிங் செண்டரில், சில தமிழ் வலைத்தளங்களை பார்வையிடமுடியாதபடி எழுத்துருப் பிரச்சினை நிலவுகிறது. நான் பணிபுரியும் இடத்திலேயே, கணினியில் தமிழில் டைப் செய்தால், கிராமவாசிகள் ஏதோ ஹெலிகாப்டரை வேடிக்கை பார்ப்பதைப்போல அலுவலகத்தில் உடன்பணிபுரியும் வெள்ளைக்காலர் பணியாளர்கள் ஆச்சரியத்தோடு பார்க்கின்றனர். இணையத்தில் இந்திய மொழிகளின் பயன்பாட்டை அதிகரிக்க அரசாங்கம் எடுக்கும் முயற்சிகள் ஒருபக்கம் இருக்கட்டும், இந்த பிரவுசிங் செண்டர் வைத்திருக்கும் தனியாரும் தாங்களால் இயன்றவற்றைச் செய்யவேண்டாமா? அவ்வாறு உருப்படியாக ஏதாவது செய்தால், சொந்தமாகக் கணினி வசதியில்லாத என்போன்ற பலர் அவ்வப்போது ஆங்கிலத்தில் கிறுக்க வேண்டிய அவசியமும் இருக்காது; ஆங்காங்கே சில சமயங்களில் ஆங்கிலத்தில் பின்னூட்டமிட நேரும்போது யாரும் இனி சாக்குகள் சொல்லிக்கொண்டிருக்க வேண்டியதும் இருக்காது :)

தலைவர் படம்

2007-07-13T10:14:00.000+03:00

ஒரிஜினல் தமிழனைப் பார்க்கணுமினா யாழ்ப்பாணத்துக்குத்தான் போகணுமின்னு சிவாஜியில் விவேக் டயலாக் வரும். அப்ப தியேட்டரே சும்மா அதிருதுல்ல (இங்கு தோஹாவில்)....அப்பவே தோணிச்சு, நம்மாளுகள விட சிலோன்காரனுவதான் திரையரங்கில் அதிகமின்னு.

நான் பணிபுரியும் இடத்தில் உள்ள மாற்று கம்பெனி ஊழியர் ஒருவர் அண்மைக்காலமாக நமக்கு நண்பரானார். தோஹா சினிமா திரையரங்கில் நான் சிவாஜி படம் விட்டு வெளியே வருகிறேன், இவர் அடுத்த ஆட்டத்திற்கான வரிசையில் முண்டியடித்துக்கொண்டு நிற்கிறார். அட.. நம்ப ஆள்... என்று அப்போது ஏற்பட்ட பரிச்சயம்தான். நீங்களும் தமிழ்ன்னு இப்பத்தான் சார் தெரியும் என்றார்.

பணிச்சுமை காரணமாக அலுவலக நேரத்தில் ஒருவருக்கொருவர் அதிகம் பேசிக்கொள்ள முடியாவிட்டாலும், டாய்லெட், கேஃப்டீரியா என்று எங்காவது எதேச்சையாக எதிர்பட்டால் ஒரு கணநேர புன்னகையைப் பறிமாறிக்கொள்வதில் குறைவைப்பதில்லை. இப்போது இரண்டு நாட்களாக, குட்டி போட்ட பூனை போல் என்னையே சுற்றி சுற்றி வந்தார். கடைசியில் நேரடியாகக் கேட்டேவிட்டார்... கடன் கேட்கப் போகிறாரோ என்று நினைத்த என் அல்ப புத்திக்கு ஒரு செருப்படி, அல்லது ஒரு இன்ப அதிர்ச்சி. சின்ன கோரிக்கைதான். தலைவர் படத்தை கலர்ல பிரிண்ட் போட்டுத் தருமாறு கேட்டார். கலர் ப்ரிண்டா..? தங்கும் அறையில் ஒட்டிவைத்துக்கொள்ளப் போகிறாராம்.

மன்னிக்கணும் அண்ணே, நான் ரஜினி படத்தையெல்லாம் டெலிட் பண்ணிட்டேன். சும்மா ஒரு இதுக்காக இரண்டு நாள் ஸ்க்ரீன் சேவரா வைத்திருந்தேன், அவ்வளவுதான்...

அவர் என்பேச்சைக் கேட்டமாதிரி தெரியவில்லை; அவர் கையில் ஒரு pendrive வைத்திருந்திருந்ததை நானும் தாமதமாகத்தான் கவனித்தேன்.

அவர் கேட்ட படங்களைத்தான் இங்கே upload செய்துள்ளேன்.

அத்தாழநல்லூர் - அம்பாசமுத்திரம்

2007-07-12T10:59:00.000+03:00

உறவினர் அனுப்பிய படங்கள்...அம்பாசமுத்திரம் (Ambasamudram) மற்றும் அத்தாழநல்லூர் (Aththazhanallur) .. திருநெல்வேலி மாவட்டம்.

அத்தாழநல்லூர் - ஆற்றங்கரை, அதனை ஒட்டியிருக்கும் கோயில்....

மீனமர் பொய்கை நாண்மலர் கொய்வான்

வேட்கையி னோடுசென் றிழிந்த,

கானமர் வேழம் கையெடுத் தலறக்

கராவதன் காலினைக் கதுவ,

ஆனையின் துயரம் தீரப்புள் ளூர்ந்து

சென்றுநின் றாழிதொட் டானை,

தேனமர் சோலை மாடமா மயிலைத்

திருவல்லிக் கேணிக்கண் டேனே.

இது திருமங்கையாழ்வார் அருளிச்செய்த பெரிய திருமொழி. திருவல்லிக்கேணி பார்த்தசாரதியை நோக்கிப் பாடிய பாடல். அத்தாழநல்லூர் ஆதிமூலஸ்வாமி (கஜேந்திரவரதர்) கோயில் பாடப்பெற்றத்தலமா என்று எனக்குத் தெரியாது; இந்தக் கோயில் 108 திவ்வியதேசத்தில் அடங்குமா என்பதும், இந்தக் கோயில் பெருமாள், ஆழ்வார் பாசுரங்களால் மங்களா சாசனம் செய்யப்பட்டிருக்கிறாரா என்பதும் அறியேன். நாங்கள் வைணவ மரபினர் இல்லையெனினும், இந்தக் கோயிலில் எழுந்தருளியுள்ள பெருமாள்தான் எங்கள் குடும்ப தெய்வம்.

சிவாஜி (தோஹா - கத்தார்)

2007-06-16T16:33:00.000+03:00

* * *

( somehow, i managed to get a ticket.... thanks to the Tamil family that helped me)

(Fans thronging the ticket counter... needless to say that the shows were houseful continously)

(fans displaying their love and affection for Rajni)

(After taking strenous efforts in installing Tamil fonts in this computer in vain, I am left with no option but to post the blog in English... with due apologies)

__

First time, I got to see a Rajni film on its release date. Had I been in TN now, it would not be possible for me to have watched a film on its first day.. not because of the skyrocketing ticket price (not only in black), but due to lack of inspiration to see the movie. But, Sivaji was a great occassion for the Tamils, Malayalees and other Rajni fans who gathered at the Doha Cinema Theatre (Qatar) to glance the visual treat of Rajni-Shankar duo. True to their tradition, both Rajni and Shankar did not let down their audience. A.R. Rahman's numbers were already a hit. Though I am not a fan of Rajni nor I had any inclination towards Shankar, I felt proud to be part of that moment as it triggered my nostalic past in TN.

For expatriates like me, this was truly an occasion to rejoice...Tamils came from all parts of Qatar... all without any due publicity, and banking on hearsay information only. I couldn't find even a minute boring... thats all i can say about this mega-commercial film ( :)) where Rajni's style ruled till the end aptly guided by Shankar's powerful screenplay. No other Indian movie would have attracted this kind of extravagant appeal among the Indian public in Qatar. In short, it was a get-together for Tamils...from India and Sri Lanka!

ஜேசுதாஸ் பாடல்கள்

2007-05-20T11:12:00.000+03:00

1978ல் வயசுப் பொண்ணு படத்தில் மெல்லிசை மன்னர் M.S.விஸ்வநாதன் இசையில் கவிஞர் முத்துலிங்கத்தின் வரிகளில் வரும் இந்தப் பாடலும் சின்ன வயசில் நான் பலமுறை வானொலியில் கேட்டு ரசித்த K.J. ஜேசுதாஸ் பாடல். சின்னத்திரையில் இதுவரை பார்க்க வாய்க்கவில்லை. பாடற்காட்சி எப்படி இருக்கும் என்ற யூகமும் இல்லை; படம் பற்றிய தகவலும் இல்லை (பார்த்தவர்கள் கூறுங்களேன், படத்தையும், பாடலையும் பற்றி...).

இந்தப் பாடலை கேட்க சொடுக்கவும் இங்கே

***

பூந்தோட்டக் காவல்காரன் படத்தில் 'அடிக் கானக் கருங்குயிலே...' பாடலிலும் தளபதி படத்தில் 'காட்டுக் குயிலு மனசுக்குள்ள...' பாடலிலும் K.J.ஜேசுதாஸ் பாடியது அவரது மற்ற பாடல்களிலிருந்து வேறுபட்டு ஒருவித புது ரசனை அனுபவத்தை ரசிகர்களுக்குத் தந்தது. இதற்கு வெகுகாலம் முன்னரே, அதாவது 1980ல் இளமைக் கோலம் படத்தில் வரும் இசைஞானி இளையராஜாவின் இசையில் கங்கை அமரனின் வரிகளில் வந்த இந்தத் துள்ளல்வகைப் பாடல், ஜேசுதாஸ் பாடியதனாலேயே ஒரு வித்தியாசமான அனுபவத்தை ரசிகர்களுக்கு வழங்கியது.

இந்தப் படத்தில் சிறந்த பாடல் எது என்றால் நிச்சயம் ஜேசுதாஸ் பாடிய மற்றொரு பாடலான 'ஸ்ரீதேவி என் வாழ்வில் அருள் செய்ய வா...' பாடலைத்தான் பலரும் சொல்வார்கள் (ஹிந்தோள ராகத்தில் அது உண்மையில் ஒரு அருமையான பாடல்). இருந்தும், K.J.ஜேசுதாஸ் பாடினார் என்பதனாலேயே, ராதிகாவைத் துரத்தித் துரத்திக் காதலிக்கும் சுமன் பாடுவது போல அமைந்த 'வச்ச பார்வ தீராதடி...' பாடலும் எண்பதுகளின் துவக்க காலத்தில் ஒரு ஹிட்டானது.

ஹ்ருஷிகேஷ் முகர்ஜியின் ஹிந்தி படமான ஜும்ரானாவைத் (அமிதாப், ராக்கி, வினோத் மெஹ்ரா நடித்தது) தழுவி வந்த இந்தப் படத்தின் தோல்விக்கு ஏராளமான காரணங்களைக் கூறலாம். யாரும் உருப்படியாக நடிக்காத இந்தப் படத்திற்கு K.பாக்யராஜின் கதை வசனமும்கூட கை கொடுக்கவில்லை.

பாடலைக் கேட்க சொடுக்குங்கள் இங்கே

வாணி ஜெயராம் - 2 பாடல்கள்

2007-04-29T11:16:00.000+03:00

கானக்குயில் வாணிஜெயராம் அவர்கள், வசீகரமானக் குரல் கொண்டவர் என்றாலும், சித்ரா, S. ஜானகி, P.சுசீலா அளவிற்கு அவர் பிரபலமாகாததற்குக் காரணம் எனக்குத் தெரியவில்லை. ஆனால் அவர் பாடிய பல பாடல்கள் அவரது இனிமையான குரலின் காரணமாகவே ஹிட்டானதோடு மட்டுமல்லாமல், நெஞ்சில் நீங்கா நிற்கும் பாடல்களாகவும் பல ரசிகர்கள் மனதில் இடம்பெற்றுள்ளது என்னவோ உண்மை.

1979ல் இளையராஜாவின் இன்னிசையில் 'அழகே உன்னை ஆராதிக்கிறேன்' படத்தில் இடம்பெறும் 'என் கல்யாண வைபோகம் உன்னோடுதான்...' பாடலும் 'நானே நானா யாரோதானா...' பாடலிலும் பல பரிமாணங்களைக் காட்டியிருப்பார். 'நானே நானா...' பாடலில் நாயகி, melancholic moodல் தன் உள்ளத்து உணர்சிகளை ஒருவித மயக்கத்தோடு வெளிப்படுத்துவதுபோல் அமைந்துள்ள சூழலில், வாணி ஜெயராம் வழக்கமாகத் தன் குரலில் தொனிக்கும் அந்த இயல்பான assertivenessஸையும் மீறி, மிக நேர்த்தியாகவும், கவனமாகவும் இதமாகவும் துயரத்தின் விளிம்பு நிலையைக் கொண்டுவந்திருப்பார். சோகம் தவழும் இந்தப் பாடலின் இசை, சென்னைத் தொலைக்காட்சியின் 'வயலும் வாழ்வும்' நிகழ்ச்சிக்கான ட்யூனாகவும் வெகுகாலம் விளங்கியது என்பது இளையராஜாவிற்குப் பெறுமை சேர்க்கிறது. பாடலைக் கேட்க சொடுக்கவும் இங்கே

லதா என்றாலே MGR-ஓடு பாடிய டூயட் காட்சிகள்தான் நினைவுக்கு வரும். ஆனால், அவர் தனக்கு யதார்த்தமாகவும் நடிக்க வரும் என்பதை வட்டத்துக்குள் சதுரம் (இதோ இதோ என் நெஞ்சிலே ஒரே பாடல்...) மற்றும் அழகே உன்னை ஆராதிக்கிறேன் படங்களில் நிரூபித்திருக்கிறார். இதுவும் இன்னொரு ஸ்ரீதர் படம் என்பதும் குறிப்பிடத்தக்கது.

***

1978ல் இளமை ஊஞ்சலாடுகிறது படத்தில் வரும் ஒரு பாடற்காட்சி (என்னடி மீனாட்சி...) நான் படித்துக் கொண்டிருந்த பள்ளியில்தான் படமாக்கப் பட்டது. கமல், ரஜினி, ஸ்ரீப்ரியா முதலியோர் வந்திருந்தார்கள். யாரும் என் கண்ணில் படவில்லை என்றாலும் நான் வேடிக்கைப் பார்த்த முதல் சினிமா ஷூட்டிங் அதுதான் எனலாம். 'சம்பவ இடத்தில்' திரும்பத் திரும்ப அந்தப் பாடல் ஒலிபரப்பப் பட்டதனால், பள்ளிப் பருவத்தில், அந்தப் பாடலையே அதிகம் விரும்பிக் கேட்க நேர்ந்தது; காலையில் விவித் பாரதியின் 'உங்கள் விருப்பம்' நிகழ்ச்சியில் கேட்க நேரிட்டால் அன்றைய பொழுது மிக்க மகிழ்ச்சியாயிருக்கும்; பாடலின் முதல் சில வரிகளை எப்போதும் முணுமுணுத்துக் கொண்டிருந்த காலம் அது.

படம் வெளியான பின்னர் எப்படியும் பார்த்தே ஆகவேண்டும் என்ற என் ஆசை என்னமோ நீண்ட நாட்களுக்குப் பின்னர் சன் டிவி மூலமாகத்தான் நிறைவேறியது. இந்தப் படத்தில், இளையாரஜாவின் இசையில் வாலியின் பாடல் ஒன்றினை வாணி ஜெயராம் மிக அழகாகப் பாடியிருப்பார்.

பாடலைக் கேட்க சொடுக்குங்கள் இங்கே

ஸ்ரீதர் இயக்கத்தில் வெளிவந்த இந்தப் படம் ஹிந்தியிலும் ரீமேக் செய்யப்பட்டது. ராஜேஷ் கன்னாவும் ஷத்ருகன் சின்ஹாவும் நடித்த படம். தூர்தர்ஷனில் பார்த்த நியாபகம். ஸ்ரீபிரியா, ஜெயசித்ரா கதாபாத்திரங்களில் யார் யார் நடித்தார்கள் என்று நினைவிலில்லை.

***

நரைகூடி கிழப்பருவமெய்திய பின்னர் (தமாஷ் பதிவுதான்)

2007-04-27T11:17:00.000+03:00

இதுவும் இமெயிலில் வந்த ஒரு cut and paste விஷயம்தான். இருந்தாலும் ஜோரா இருக்குல? :)

கபில்தேவ்
ஜெயசூர்யா

முகமது கைஃப்

சச்சின் டெண்டுல்கர்

அனில் கும்ப்ளே

ஹ்ரிதிக் ரோஷன்

ஷாருக் கான்

ஷோயப் அக்தர்

ஸ்டீஃபன் வா

ஆனா நம்ப ரெஜினி மட்டும்...

கண்ணன் வந்தான் அங்கே கண்ணன் வந்தான்...

2007-04-15T11:35:00.000+03:00

ராமு படத்தில் வரும் இந்தப்பாடல் சினிமாவில் அரிதாகக் காணக் கிடைக்கும் பக்திப்பாடல் வகையில் வந்தது. ஜெமினி கணேசன், K.R.விஜயா நடித்து 1966ல் வெளிவந்த ராமு படத்தில் வரும் எல்லா பாடல்களுமே மனதிற்கினைமையான பாடல்கள்தான். எனினும், உண்மையான மனதிற்கினிமை என்பது ஆண்டவன் சந்நிதானம்தான் என்று நம்புவோர்க்கு கவிஞரசர் கண்ணதாசனின் இந்தப்பாடல் நிச்சயாமாக நிறைவைத்தரும் பாடலாக விளங்குகிறது. மெல்லிசை மன்னர் M.S.விஸ்வநாதனின் இதமான இசையயும், சீர்காழி கோவிந்தராஜனின் கணீர் குரலும், பக்தர்களோடு பக்தராக நின்று மனமுருகப் பாடும் பெரியவராக வரும் நாகையாவின் பாத்திரப்படைப்பும் பக்தி ரசம் சொட்டும் இந்தப் பாடற்காட்சிக்கு மேலும் அழகு சேர்க்கும் விதத்தில் அமைந்திருந்தது.

சீர்காழி. கோவிந்தராஜன், T.M.சௌந்தரராஜன் குழுவினர் குரலில் பாடலைக் கேட்க இங்கே click செய்யுங்கள்... "கண்ணன் வந்தான் அங்கெ கண்ணன் வந்தான்..."

தமிழுக்கும் அமுதென்று பேர்...

2007-04-13T11:54:00.000+03:00

தமிழுக்கும் அமுதென்று பேர் - அந்தத்

தமிழ் இன்பத் தமிழ்எங்கள் உயிருக்கு நேர்

தமிழுக்கு நிலவென்று பேர்! - இன்பத்

தமிழ் எங்கள் சமுகத்தின் விளைவுக்கு நீர்

தமிழுக்கு மணமென்று பேர்! - இன்பத்

தமிழ் எங்கள் வாழ்வுக்கு நிருமித்த ஊர்

தமிழுக்கு மதுவென்று பேர்! - இன்பத்

தமிழ் எங்கள் உரிமைச்செம் பயிருக்கு வேர்!

(தமிழுக்கும் அமுதென்று)

தமிழ் எங்கள் இளமைக்குப் பால் - இன்பத்

தமிழ் நல்ல புகழ்மிக்க புலவர்க்கு வேல்

தமிழ் எங்கள் உயர்வுக்கு வான்! - இன்பத்

தமிழ் எங்கள் அசதிக்குச் சுடர்தந்த தேன்

தமிழ் எங்கள் அறிவுக்குத் தோள்! - இன்பத்

தமிழ் எங்கள் கவிதைக்கு வயிரத்தின் வாள்

தமிழ் எங்கள் பிறவிக்குத் தாய்! - இன்பத்

தமிழ் எங்கள் வளமிக்க உளமுற்ற தீ!

(தமிழுக்கும் அமுதென்று)

- பாவேந்தர் பாரதிதாசனார்.

நன்றி: www.tamilnation.org

பிருந்தாவனமும் நந்தகுமாரனும்

2007-04-10T11:57:00.000+03:00

ஜெமினி கணேசன், சாவித்திரி, ஜமுனா, S.V.ரங்கா ராவ் நடித்து 1955ல் வெளிவந்த மிஸ்ஸியம்மா என்ற படத்தில் வரும் இந்தப் பாடல் நான் அதிகம் ரசித்து லயித்த பாடல்களில் ஒன்று. A.M.ராஜாவும், P.சுசீலாவும் பாடிய தஞ்சை ராமையா தாஸ் பாடலுக்குத் தேனினும் இனிமையான இசை அமைத்தவர் S.ராஜேஸ்வர ராவ். தெலுங்கிலிருந்து ரீமேக் செய்யப்பட்ட இந்தப் படத்தின் மற்ற பாடல்கள் - 'வாராயோ வெண்ணிலாவே...', 'பழகத்தெரிய வேணும்...' தெலுங்கில் NTR நடித்த பாத்திரத்தில், தமிழிலும் பின்னர் ஹிந்தியிலும் (மிஸ். மேரி- 1957ல்) கூட ஜெமினி கணேசனே நடித்தது குறிப்பிடத்தக்கது.

ஜமுனா... அரசியல் கலப்பில்லா புன்சிரிப்பு!

'மிஸ்ஸியமா'வில் ஜெமினி கணேசன் - சாவித்திரி (1955)
to listen the song click here - Brindhaavanaum Nandhakumaaranum...
ராஜா: பிருந்தாவனமும் நந்தகுமாரனும் யாவருக்கும் பொதுச்செல்வமன்றோ
பிருந்தாவனமும் நந்தகுமாரனும் யாவருக்கும் பொதுச்செல்வமன்றோ

P. சுசீலா: பிருந்தாவனமும் நந்தகுமாரனும் யாவருக்கும் பொதுச்செல்வமன்றோ
ராஜா: ஏனோ ராதா இந்த பொறாமை, யார்தான் அழகால் மயங்காதவரோ

சுசீலா: ஏனோ ராதா இந்த பொறாமை, யார்தான் அழகால் மயங்காதவரோ
இருவரும்: பிருந்தாவனமும் நந்தகுமாரனும் யாவருக்கும் பொதுச்செல்வமன்றோ

ராஜா: புல்லாங்குழல் இசை இனிமையினாலே
உள்ளமே ஜில்லென துள்ளாதா
சுசீலா: புல்லாங்குழல் இசை இனிமையினாலே
உள்ளமே ஜில்லென துள்ளாதா
ராஜா: ராகத்திலே அனுராக மேவினால்
ஜெகமே ஊஞ்சலில் ஆடாதா
சுசீலா: ராகத்திலே அனுராக மேவினால்
ஜெகமே ஊஞ்சலில் ஆடாதா
இருவரும்: பிருந்தாவனமும் நந்தகுமாரனும் யாவருக்கும் பொதுச்செல்வமன்றோ

ராஜா: கண்ணனின் உன்னத லீலையை நினைத்தால் தன்னையே மறந்திடச் செய்யாதா
சுசீலா: கண்ணனின் உன்னத லீலையை நினைத்தால் தன்னையே மறந்திடச் செய்யாதா
ராஜா: ஏனோ ராதா இந்த பொறாமை, யார்தான் அழகால் மயங்காதவரோ

இருவரும்: பிருந்தாவனமும் நந்தகுமாரனும் யாவருக்கும் பொதுச்செல்வமன்றோ

* * *

சின்னத்திரை பக்கம்

2007-04-07T10:59:00.000+03:00

மாலை நேரம் வந்தால்...சன் தொலைக்காட்சியின்
பரபரப்பான செய்திகளூம், அரசியல் உள்நோக்குடனான செய்தித்தொகுப்புகளும், சீரழிக்கும் சீரியல்களும், கலாய்கும் காமெடிகளும், கோடம்பாக்க கச்சேரிகளுமே நம்மை ஆக்கிரமித்து விடுமோவென்றெண்ணி ச‎ன்னிலிருந்து விலகி, அப்படி என்னதான் இருக்கிறது என்று சற்றே தூர்தர்ஷன் பொதிகை சேனல் பக்கம் போனால், அதில் யாராவது ஒரு பாகவதர் சகிக்க முடியாதபடியாக கர்னாடக சங்கீதக் கச்சேரி பண்ணிக்கொண்டிருப்பார் (அவர் வீட்டிலேயே யாரும் அவர் பாடுவதைக் கேட்கமாட்டார்கள்!). தெலுங்குக் கீர்த்தனைகளுக்கு நான் எதிரி அல்ல; நல்ல வேளை, தமிழ் இவரிடமிருந்து பிழைத்துக்கொண்டது என்றுதான் நான் எண்ணிக்கொள்வேன்.

இந்திய அணியின் தோல்விக்குப் பிறகு Fox Sports பக்கம் போகவே பிடிக்கவில்லை. Tensportsல் எப்போதோ இந்தியா வெற்றி பெற்ற சில 'க்ளாசிக்' காட்சிகளைத் (ஷார்ஜாவில் ஜிம்பாப்வேயை விளாசித்தளும் டெண்டுல்கர்) திரும்பத்திரும்பக் காண்பித்து `எப்படி இருந்த நாம்...' என்று அழவைக்கிறார்கள். அரதப்பழசான ashes test போட்டிகளைப் பார்க்கும் யோது, அட இந்தக் கிரிக்கெட்டை அல்லவா நாம் காதலித்தோம் என்று பால்யகால நினைவுகளை சுண்டியிழுக்கச் செய்கிறது. இயன் போத்தம், டேவிட் கோவர், பாப் வில்லிஸ், டென்னிஸ் லில்லி, க்ரெக் சாப்பல், ராட்னி மார்ஷ் போன்ற ஆட்டக்காரர்களுக்கு தேசம்கடந்த ரசிகர்கள் உண்டு...1979 உலகக்கோப்பை இறுதிப்போட்டியில் இங்கிலாந்திற்கெதிரான விவியன் ரிச்சர்ட்ஸினது ஆட்டத்திற்கு இணையான ஆட்டத்தை இன்றுவரை நான் கண்டதில்லை. மைக் ஹென்ரிக் என்ற வேகப்பந்துவீச்சாளரின் inswinging yorkerஐ, வெகுலாவகமாகத் திரும்பி, full tossஆக மாற்றி, deep square legற்கு மேல தூக்கியடித்த அந்த சிக்ஸர் காட்சி பசுமரத்தாணிபோல் பல ரசிகர்களது மனதில் பதிந்தது உண்மை.

இன்று ப்ரெய்ன் லாராவின் copy book shotகளை நாம் ரசிக்கிறோம், அவை நமக்கெதிராக விளையாடப்படாதவரை. ஒரு ஆஸ்திரேலிய ரசிகர் குறிப்பிட்டார்...'எழில்மிகு இடதுகை ஆட்டக்காரர் டேவிட் கோவர், ஆஃப் சைடில் எழும் பந்தை ரொம்பவும் நேர்த்தியாக square cut அடித்து பவுண்டரிக்கு அனுப்புவதை நான் பார்க்கவேண்டும்; அதே சமயம், அவருக்கு அதனால் ரன்னும் கிடைக்காமலிருக்க வேண்டும்'..இப்படித்தான் இருக்கிறது இன்றைய 'நல்ல கிரிக்கெட்'டின் ரசனை. Match fixing, booking என்று இடைத்தரகு முதலாளிகளின் கையில் கிரிக்கெட் போய்விட்ட சூழ்நிலையில், இனியும் இந்த விளையாட்டில் எதை ரசிப்பது என்று எனக்குத் தெரியவில்லை. உலகக் கோப்பைக் கால்பந்தாட்டப் போட்டி சமயத்தில் மட்டும்தான் கால்பந்தாட்டம் பற்றிய கவனம் நம்மில் பலருக்கு வரும். அதுபோல, உலகக்கோப்பைக் கிரிக்கெட் போட்டி சமயங்களில் மட்டுமே கிரிக்கெட் பற்றிய எண்ணங்கள் நமக்குத் தோன்றினால் போதும் என்று படுகிறது.

மீண்டும் சன் டிவி பக்கம்...ஆயிரம்தான் சொன்னாலும் சன் டிவிக்கு ஆதரவாக ஒருவித TINA (There Is No Alternative) factor நிலவத்தான் செய்கிறது. மென்னையான, மனதிற்கிதமான மெலடிவகைப் பாடல்களை சன் டிவியில்தான் கேட்க முடிகிறது. என்ன...நேரம் கொஞ்சம் oddஆகத்தெரியும்... இந்திய நேரப்படி இரவு ஒரு 11:30 மணிக்குமேல் சேனலை நோக்கினால், 'ஆஹா இன்ப நிலாவினிலே..', ' நீதானா என்னை அழைத்தது...' போன்ற கண்டசாலாவின் தேமதுர கானங்களையோ அல்லது 'ரெண்டு கன்னம் சந்தனக் கிண்ணம்...''(சிகப்பு மல்லி), 'தெய்வீக ராகம் தெவிட்டாத பாடல்...' (உல்லாசப்பறவைகள்) போன்ற இசைஞானியின் உன்னதமான இன்னிசைப் பாடல்களையோ நீங்கள் கேட்க நேரிடலாம்.

இந்த இன்னிசைப்பாடல்கள் மாலை நேரங்களில் ஏன் ஒலிப்பதில்லை? வீட்டில் விளக்கு வைத்த நேரத்தில் மெகா சீரியல்களின் அழுதுவடியும் காட்சிகள் சற்று அமங்கலமாகத் தோன்றவில்லை? ஏசியாநெட், கைரளி...அதிலேயும் இதே கதைதான். அழுகை, அழுகை, அழுகை...(கரையரது மோளே கரையரது)... ஜீடிவியும், ஸ்டார் ப்ளஸ்ஸும் என்ன வாழுதாம்...ஹிந்தியில் அழுகிறார்கள். தெலுங்கு நண்பரிடம் விசாரித்தேன்...ஈடிவியிலும் அழுகைதானாம், பெரும்பாலும் எல்லா சீரியல்களிலும். தேசிய அளவில் நதி நீர்களை இணைக்க முடியுமோ இல்லையோ, இந்த கண்ணீர் நதிகளை இணைக்கமுடிகிறது. இந்துத்வம் அல்ல...இந்தக் கண்ணீர் சிந்துத்வம் தான் இந்தியாவை இணைக்கிறது.

டிவி தொடர்கள் துவக்க காலத்தில் அவ்வாறு இல்லை. தூர்தர்ஷனில் வெளிவந்த 'ஹம்லோக்', 'ஏ ஜோ ஹை ஜிந்தகி' (1984-85) மற்றும் 'மால்குடி டேய்ஸ்' (1989-90) போன்ற ஹிந்தித் தொடர்களாக இருக்கட்டும், 'ஒரு மனிதனின் கதை' 'தரையில் இறங்கும் விமானங்கள்', 'நல்லதோர் வீணை' போன்ற தமிழ் தொடர்களாக இருக்கட்டும், பார்வையாளருக்கு வழக்கமான சினிமாவிலிருந்து மாறுபட்டதொரு அற்புதமான பரிமாணத்தையும், நான்ஸ்டாப்-நகைச்சுவையையும், நல்ல ரசனை அனுபவத்தையும் வழங்கியது. இதுதவிர, Bodyline Series, Giant Robot, Star Trek, Different Strokes போன்ற ஆங்கிலத் தொடர்களும் மற்றும் Spiderman-Cartoonம் நான் அதிகம் விரும்பிப் பார்த்த நிகழ்ச்சிகள் எனலாம். மத்தியதர வர்க்கத்தினரின் அன்றாட வாழ்க்கைப் போராட்டம் அல்லது ஒரு தனி மனிதனின் மனதுக்குள் நிகழும் உணர்வுப் போராட்டம்...இவைதான் பெரும்பாலனா கதைகளின் களம். சிறந்த சிறுகதைகள், நாடகங்கள், நாவல்கள்தாம் பெரும்பாலும் டிவி தொடர்களாக வருகின்றன. அழுகை இல்லை, மிகைப்படுத்துதல் இல்லை...மாற்று சிந்தனை, கவித்துவம், கலை நயம், யதார்த்தமான கதாபாத்திரம், அங்கதம் நிறைந்திருக்கும் இந்த டிவி தொடர்கள், அவற்றின் படைப்பாளிகளின் அறிவையும், திறமையையும், ஆற்றலையும் மட்டுமே பறைசாற்றுவதோடு நின்றுவிடாமல் பார்வையாளர்களின் ரசனையையும், பார்வையாளர் மீது படைப்பாளி கொண்டிருக்கும் மதிப்பீடுகளையும் எனக்கு உணர்த்தியது.

இன்றைய மெகா சீரியல்களோ, ஜனரஞ்சக சினிமாவே தேவலை என்று எண்ண வைத்துவிட்டது. இன்று, 'ஹியர் இஸ் க்ரேஸி' போன்றதொரு முழுநேர நகைச்சுவைத் தொடரைக்கூடக் கொடுக்க இயலாதது, சின்னத்திரை படைப்பாளிகளிடம் நிலவும் கற்பனைப் பஞ்சத்தையே காட்டுகிறது.

7ஜி ரெயின்போ காலனி, காதல், புதுப்பேட்டை, தவமாய்தவமிருந்து, வெயில் போன்ற படங்களின் தரம் சின்னத்திரை படைப்புகளில் இல்லை; சேரன், செல்வராகவன், தங்கர்பச்சான் போன்ற இயக்குனர்கள், நல்ல படைப்புகள் உண்டாக்குவதில் காட்டும் முனைப்பும், புதிய அணுகுமுறையும் சின்னத்திரை மெகா சீரியல் படைப்பாளிகளிடம் இல்லை என்பதும் வேதனை தரும் விஷயம்.

இனி இந்திய கிரிக்கெட் வீணர்கள் செய்யவிருப்பது...

2007-03-25T11:17:00.000+03:00

சச்சின்

கங்கூலி

கும்ப்ளே

அகர்க்ர் - யுவராஜ்

ஜாகிர் - ஊத்தப்பா

தோனி - திராவிட்